Aposel 2:38 - Nobonob Baibel

³⁸ Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 2:38 ပူးပေါင်းရင်းမြစ်များ

Aisaia 32:15

Wan amu nauha anam dayeb ukkeb, Yawe Nug nuhig Ouɗi hab attannu ig mekkeb batakku. Yawe Nug anam heeb, atu taɗak amu, wan amuam wan ittag ele bekku. Ao, Nug anam heeb, wan ittag ele, am ittag huanaknab ele daakku.

Aisaia 59:20

Yawe atte. “Amu laa, Nug danab ah qagaiettakppanu eɗua uhuqaknu ehanittak hette ele amu, nug Sion uɗikku. Ao, laa uɗikku ele, Nug Jakop buɗub oolagppanu aun aɗi ag oolag eɗueb, hipunin ahilag dimettaglag amu, Nug ag ehanadkkunu uɗikku.” Yawe Nug anam awa atte.

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Esekiel 39:29

Amu da baula dahilad danab ah ii dimadapa. Iitta. Da dahil Ouɗi ahilagppa daakkunu madappi, ahilagppa daakku.’ ” Naɗi Yawe Nug anam atte.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 3:6

ag hipunin ahilag miagib mattiegeg, Jon nug Jodan leppa layattom.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Mak 1:15

Nug nai inam mehuqa aum. “Haen aakku beum dayeye, Kayaknu ɗo maɗoɗ aakku miag doum daatte amunu, ag ahilag hak nau uuna, oolag eɗueb, Nai Enanu oolagppa genab doyeg!” awa aum.

Mak 16:16

Ag mehuqppeg doona amu, danab laa nug ooppa genab doya, layattak aweb, Kayak nug eɗua aokku. Laa nug ooppa genab ii doya amu, nug Kayak noobppa nai ele daakku.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Luk 3:10

Jon nug ag amelagppa anam a amu danab ag nug oɗ medappig. “Ig amu attem hekkunig?” aon appig.

Aposel 10:43

Nuhignuib propet ag inam yaappig. ‘Aun aɗi ag Jesusnu oolagppa genab dootteb ele amu, Kayak Nug, Nug onigppa, hipunin ahilag uhuqa madakku.’ ” Pita nug anam aum.

Aposel 10:48

Nug anam awowa, danab haen amuppa Kayak Ouɗi aoppig amu, nug ag Jesus Kristus onigppa layattak aoglagnu haknunab nai aum. Nug anam a, ag aona, ag nug amegppa appig. “Na ig ele deɗ laala ele daagnignu oonig hette,” aon appig.

Aposel 13:38

Amunu, O lailad, ag doyeg! Ig Jesusnu uɗat okkai, amuppa ig hipuninnu uhuqa mettaknu nai ag amelagppa mehuqttem.

Aposel 16:15

Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Aposel 17:30

Anukka danab ag elele ii doonna, ag keeke eppelagppa hena, binag meppig amunu, ahilagnu Kayak Nug dabmak okkai ii awom. Amge gemu amu, keeke amunu Kayak Nug danab oh wan ohppa daatteb amelagppa haknunab nai inam atte. ‘Ag oolag eɗueg!’ awa atte.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Aposel 22:16

Aria, na aib hamu daame! Na ahan, layattak aon, na Jesus onigppa unuqidppeppe, Nug hipunin nahip uhuqa medakku.’ Ananias nug anam da amelppa aum.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Aposel 8:12

Amge Pilip nug Jesus Kristusnu amu Kayaknu ɗo maɗoɗnu Nai Ena mehuqe, ag doonna, haen amuppa danab ah ele ag oolagppa genab doyeg layattom.

Aposel 8:20

Saimon nug aum, amge Pita nug amegppa aum. “Na Kayak Nug keeke ihinig daakkunu hamu megatte men doɗoppa aokkutnu hettem. Men doɗo nahip amu na ele oh padal memayanu na dabme!

Rom 6:3

Ig Kristus Jesus ele tamanit, layattak aomut amu, kobol amuppa ig ele Jesus, nuhig mauhakppa laippu mauhmut bia daamut, ag amu iite dootteb?

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.