Aposel 2:27 - Nobonob Baibel

²⁷ Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na Nug ii uuidmana amunu, Nug beɗu ii nauhma.

Aposel 2:27 ပူးပေါင်းရင်းမြစ်များ

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 49:15

Amge dahilnu amu, Kayak Nug moɗppa niiaknu qagaiettakppanu eɗua uhuqak ha meɗeb, da mauhak eppegppa ii daapa. Aɗinu? Nug heeb, da Nug eppegppa daakkul. Sila.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 89:19

O Kayak, na haen laa danab ah nahipad, ag nahipnu oo metta ii uuak kobol dim lamidtteb ele amu, na ag tulegleg anttak laa mattame. Tulegleg amuppa na ame. “Da ban danab laa hei, ɠagattag ele daatte. Ao, da nug danab dahilad oolagppan epeɗie hei, king beum.

Jona 2:6

Da ukken, yu ooppanu, qauko oh diilkadppanab daami. Aben amu da ataɗguiɗa auta awe, da aakku daami. Amge Yawe, na dahil Kayak, na da eɗun aiɗe, da bau daattem.

Matyu 11:23

Aria aab Kaperneam, na onin okkai, laa oh eɗattak aokkutte? Iitta! Na padal mekkut. Danab laa nug Sodom dilagppa kobol danab hekkunu elele iitta da ahilagppa hemi amubia helo amu, Sodom ag gemu daalob.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Luk 4:34

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib” awa aum.

Jon 11:39

Amu Jesus Nug amelagppa aum. “Ag men oɗe amu matuleg!” awa aum. Nug anam aum amge Marta nug aum. “Naɗi, nug deɗ waɗele moɗppa niiom amunu uɗig otte,” awa aum.

Aposel 2:26

Diig amunu da ool gamag ahehe, da oo gamag ahak ahi edattem. Ao, da dimppa eɗuen hippaidkkulnu dabmak aɗe oikkul.

Aposel 2:28

Na bau dayaknu ib da ippuniɗme. Na da ele daattep amunu, da maɗoɗppan gamag ahak okkainab doottem,’ awa yom.” Pita nug anam awa aum.

Aposel 2:31

amu ii nak haenppa nug dimppa Kayak Nug heeb, Kristus Nug mauhakppanu eɗua hippaidkku, mauhak abenppa ii daama, Nug beɗu ele ii nauhmanu aum.

Aposel 3:14

Ag danab amu, Nug am genab tutukku hak danab, Nug oppiaawak ele, ag Nug dimettan, ag Pailat amegppa, nug danab laa, danab aqe mauhppig ele, ag nug danab amu uhuqa awa, ag matta, heeb gokkunu eppig.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

1 Korint 15:55

Mauhak, na laa eɗattaknu nahip ɠagattag adeppa daatte? Mauhak, na laa aqappe mauhkkulagnu nahip ban aeg amu adeppa daatte?”

1 Jon 2:20

Anam, amge dahilad, ag Kayak Ouɗi aoppig amunu, ag oh aakku keeke doyak diig genabibppanu bette dootteb.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Revelesen 20:13

Yo, mauhak yuppa daappig, moɗppa daappig, amu Hadesppa daappig ele, ag oh ag Kayak noobppa daaegeg, ag aɗi heppig amuppa epeɗiattom.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.