Aposel 2:24 - Nobonob Baibel

²⁴ Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.

Aposel 2:24 ပူးပေါင်းရင်းမြစ်များ

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Aisaia 10:7

Amge dahil dabmak amu, Asiria kingnu dabmak ele laippu ii daama. Nuhig dabmak am laa daakku. Aɗinu? Nuhig dabmak am nug wan imuppan wan kuɗum heeb nauhna, iitta mekkulagnu daakku. Nuhig dabmak am anam daakku.

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Hosea 13:14

Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Jon 10:18

Laa nug heeb, bau dahil iitta mekkunu am iitta; da dakka dahil bau heppi iitta mekku. Da dahil bau dayak heppi iitta mekkunu ehah ele, amu da bau dayak dahil eɗue aokkulnu, da ehah amu ele. Da haknunab anak amu Mamenu aomi,” awa aum.

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

Jon 12:39

Ag nai ii dooppig, Kayaknu uɗat okkainu diig ele ii dooppig, diig amunu, ag Jesusnu oolagppa genab dooglagnu elele iitta. Aɗinu? Keeke amunu Aisaia nug nai laa inam ele yom.

Jon 20:9

Aɗinu? Haen amu ii nak, ag Kayak naippa, Jesus Nug eɗua hippaidkkununab nai amuppa yaak daatte, ag nai amunu oolag ii maittom.

Aposel 1:16

“O lailad, Kayak Ouɗi Nug Dawit oɗeppa keeke laa Judas, nug danab ag Jesus aɗaglagnu ib dayom amu, nuhigppa bekkunu a, Kayak nai amuam bekkununab dayaya aakku beum.

Aposel 13:30

Ag anam heppig amge Kayak he, Nug eɗua hibaittom.

Aposel 13:37

Amge danab imu, Kayak Nug he eɗua hibaittom amu, Nug beɗu ii beɗom.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aposel 2:32

Aria anam amunu, ag doyeg! Kayak Nug he, Jesus eɗua hibaittom. Ig oh Jesus eɗua hibaittom amu anidmut amunu, ig iikku madittem.

Aposel 3:15

Ag danab ena, Nug bauklel diig, ag Nug qeeg mauhom. Ag qeeg mauhom, amge Kayak Nug he, Nug eɗua hibaitte, i amunu aɗi heehe anttomnu mattiak danab daaɗa, amunu mehuqttep.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Aposel 4:10

Anam dayeb amu, aria gemu ag oh tutukku dooppeg, am Israel buɗub oh ag ele, ag inamib dooglag. Jesus Kristus, Nasaret ted, ag gemu daatteb imu, ag Nug ad emaitakppa atulppig, amge Kayak Nug he, Nug eɗua hibaittom, amu Nug he, danab imu eɗua ena daya oiyeye ag anidtteb.

Aposel 5:30

Amu ag Jesus ad emaitakppa atulna qeeg mauhom amu, ig mamelkad aɗi dilag Kayak Nug he, eɗua hibaittom.

Rom 10:9

Amu nai amuam inam. Na oɗenppa, “Jesus am Naɗi,” genab akkut, Kayak Nug Jesus mauhakppanu he eɗua hibaittom ele ootppa genab dookkut amu, Kayak na eɗua awidkku.

Rom 14:9

Kristus Nug danab ag mauhppig, danab ag bau daatteb ele, amu oh dilag Naɗi daakkunu, Nug diig amununab mauha, eɗua hibaittom.

Rom 4:24

Iitta. Ihinignu ele aakku atte. Ig Kayak Nug he, Jesus, ihinig Naɗi, Nug eɗua hibaittom amu, ig nuhignu oonigppa genab doottem, amu Kayak Nug ihinig ooppa genab doyaknu amu ele antta, ihinignu, “Ag am genab tutukku hak danab,” atte. Amunu nai amuam ig oh, ihinignu nai.

Rom 6:4

Ig layattak aomut amunu, amuppa ig aakku Kristusnu mauhakppa, ig ele laippu mauhmut. Ig anam mauhut, Kayak Nug ig Kristus ele laippu boumikkom daamut. Ig anam daamutnu diig am, Mama Nug nuhig ɠagattag okkai amuppa he, Kristus eɗua hibaittom, amubia Nug heeb, ig ele oiyak bau aot oignignu elele daagnig.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

1 Korint 15:12

Amge haen oh ig Kristus Nug mauhe, Kayak Nug he, Nug eɗua hibaittom, nai amu ig mehuqttem amunu, attemun ag oolagppanu laala ag nai inam aon maditteb? “Danab mauhom, nug eɗua ii hippaidma,” aon atteb.

1 Korint 15:15

Eɗua hibaittak nai am nai genab iitta daatte daalo, aria ig hambuppuak danab daatta, Kayak nai amu mehuqttem. Aɗinu? Ig Kayak he, Kristus eɗua hibaittom, ig nai amu miag atiak mehuqttem. Amge Kayaknu ɠagattagppa mauhak danab ag eɗun ii hippaidmana, nai amuam genab daalo, aria Kristus ele Kayaknu ɠagattagppa eɗua ii hippaidlo.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

1 Korint 15:4

Ag Nug men oɗeppa boumeg, amu deɗ ewamppa Kayak naippa nai daatte bia, Kayak he, Nug eɗua hibaittom.

1 Korint 6:14

Amu Kayak Nug nuhig ɠagattag amuppa he, Naɗi eɗua hibaittom. Am geha ihinigppa ele Nug anamib hekku; ig ele anam eɗut ahagnig.

2 Korint 4:14

Aɗinu? Ig doottem, Kayak Nug he, Naɗi Jesus Nug eɗua hibaittom, anamib geha Nug ig ele, Jesusnu ɠagattagppa ig ele maɗekkeb, ig eɗut hippaidpput amu, Nug ig ag ele oh omaikkeb gota, Nug ele oh laippu ouqak daagnig.

Galesia 1:1

Da Pol, da am Jesusnu totol danab. Da am danab dilag totol iitta. Laa ele amu, danab laa nug da Jesusnu totol uɗat hekkulnu ii meiɗom. Iitta. Jesus Kristus amu ig Mamenig Kayak, Nug Kristus moɗppanu bau maɗettom ele amu, Nug ele, aa aakkuib da meiɗpiɗ.

Epesus 1:20

Ɠagattag amuppa Kayak Nug he, Kristus Nug eɗua hibaitte, Kayak he, Nug hab aabppa Kayak eppeg naɗiap-ppa daatte.

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Hibru 2:14

Nid naunau amu ag anilkad mamelkad ag beɗulag bia beɗulag aon oitteb amunu, Jesus Nug Satannu ɠagattag, ɠagattag amuppa Satan nug he danab mauhtteb amu, Nug ɠagattag amu heeb iitta mekkunu, Nug danab ag wan imuppan oiyak ahilagppa haen oh mauhaknu baɗak doon, ag amuppa hippalak daappig ele amu, ag amunu uhuqak ele madakkunu, Nug ele danab beɗu awa, Nug mauhom.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.