Aposel 2:23 - Nobonob Baibel

²³ Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aposel 2:23 ပူးပေါင်းရင်းမြစ်များ

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Aisaia 37:26

Senakerip, na anam ame, amge na nai imu iite doome? Anukkanab da Yawe, da keeke amu bekkunu tituanmi. Anukkanab da maittak amu aomi. Da amu hemi amu, gemu da hei, aakku beum. Ao, da hei, na amu oh henana, na hee, aab okkai ɠagattag aɗ ele am loppaɗattak, kinipan ameg okkai hume tak daatteb.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Matyu 20:19

ag iitta aɗi eppelagppa meiɗkkulag. Meiɗppeg, ag aon aon iuna, bu qaun eleppa eheɗ mataɗilna, ad emaitakppa atuliɗkkulag. Ag anam atuliɗppeg mauhe, deɗ ewamppa, Kayak heeb, da eɗuen hippaidkkul,” awa aum.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Matyu 27:35

Aria, ag Nug ad emaitakppa atulona, ag nuhig lamen aoglagnu otina, ameg waɗele mewona, aun nug ameg atten aokku amu ag om yaakppa hena aoppig.

Mak 15:24

Jesus Nug anam he, ag Nug ad emaitakppa atulona, ag nuhig lamen aoglagnu otina, ameg waɗele mewona, aun nug ameg atten aokku amu ag om yaakppa hena aoppig.

Luk 22:22

Danab Bekkalag da, da Kayak anukka aum amubia mauhkkul, amge danab nug da kekeɗ eppelagppa meiɗkku amu, nuhignu gadonnab gadon,” awa aum.

Luk 22:37

Aɗinu? Kayak naippa nai laa yaak daatte. Nai amuam inam. ‘Ag Nug danab nau ele laippu qagmaadkkulag.’ Nai amu daatte amunu, da ag amelagppa attem; keeke amu geha dahilppa bekkuoitte. Ao genab, nai oh Kayak naippa dahilnu daatte amu gemu meu okkunu tette,” awa aum.

Luk 23:33

Ag gona, aben laa onig Ikki Ebehinu Aben, appa tena, appa Jesus ad emaitakppa atulppig. Ɗo tippalak danab aɗit, aa ele oh atuladppig. Ag danab laa Jesus eppeg naɗiap-ppa atulona, laa amu eppeg nanehppa atulppig.

Luk 24:20

Amu mana mettak danab okkai, amu ihinkad ikki danab ele ag aon, gabman eppelagppa mena, qeppeg mauhkkunu aeg, gabman ag nug ad emaitakppa atulppig.

Jon 19:18

Ag aben amuppa ad emaitakppa atulppig. Danab aɗit laa ele nug heqo laih laih atulatppig, ag Jesus gamagppa atulppig.

Jon 19:24

amunu, daup danab ag appig. “Ig lamen imu iitai pattiɗmata. Ig om yaakppa heta, ig oonigppanu aun ig laa oh eɗikka amu, nug aokku” aon appig. Ag anam heeg amu Kayak naippa, nai laa daatte amu elele mettom. Nai amuam inam. “Ag lamen dahil otin, akka akka aotteb. Yo, ag om yaan, lamen dahil aotteb.” Daup danab ag anam heppig.

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.

Aposel 15:18

Anukka Kayak Nug nai amu mattia aum, amu gemu ele Nug anamib atte.

Aposel 2:36

Anam amunu Israel danab ah, ag oh tutukkunab doyeg! Kayak Nug he, Jesus Nug Naɗi, am Kristus ele daatte. Ag Nug ad emaitakppa atulppig.” Pita ag amelagppa anam mattie dooppig.

Aposel 3:18

Kayak Nug anukka nuhikkud propet oh oɗelagppa, nuhig Kristus, Nug guittak nau amu aokkunu ana mehuqa aum. Nai amu niie uɗie, ag amu heppig amu, amuppa Kayak he, nuhig nai aakku meu oum.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

Aposel 5:30

Amu ag Jesus ad emaitakppa atulna qeeg mauhom amu, ig mamelkad aɗi dilag Kayak Nug he, eɗua hibaittom.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

Rom 2:12

Danab oh ag ɗo ii dootteb ele amu, ag oolagppanu laa oh ag hipunin hetteb ele, ag am geha ag ɗo ii doonna, padal mekkulag. Am danab oh ag ɗo waappa daatteb ele, ag oolagppanu laa oh ag hipunin hetteb ele amu, geha Kayak Nug ag ɗoppa epeɗiatteb, padal mekkulag.

Rom 4:17

Amuam Kayak naippa, nai Abrahamnu inam daatte bia. “Da heppi, na wanppan wan laala kuɗum mamelag daakkut.” Abraham, nug Kayaknu ooppa genab doyom, amu Kayak Nug nuhignu, nug am ig oh ig mamenig daatte dabmette. Kayak Nugib danab mauhppig ele bauklel madatte amu, Nug keeke ii beppig ele, keeke beppig bia onilagppa ette.

1 Tesalonaika 2:15

Juda ag ihinig Naɗi Jesus qeeg mauhom, propet ele aqaeg mauhppig. Ag ig ele appanu lamigppig. Kobol ag hetteb ele amu Kayak Nug amunu oo ii hette. Ag danab ah oh dilagppa kekeɗ daatteb.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

1 Pita 1:20

Kayak Nug wan imu, nuhig keeke oh ii beum haenppa Nug tituanom, amge dimppa gog tak haen gamag imuppaib Kayak me uɗia, ag ehanadkkunu miag atiom.

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.

Jut 1:4

Da nai inam yaattemnu diig am, ippunittak danab hambuppuak ag matu tamaniak ooppa lokkumna noppig daatteb. Danab amu, ag am Kayaknu nuhig haknu ele uuak danab amu, ag atteb. “Ig Kayak baegppan danab bewota, kobol eheɗ kuɗum hetata, ig Kayaknu ehanittak okkai hamu mettak, ig amuppa ig nuhig hettoɗiak deɗ eɗidkkunig,” aon atteb. Ag ele Jesus Kristus guhuɗidtteb; Nug am ihinig Naɗi, ihinig Gumak Danab Anuqak. Anukka danab laa nug Kayak naippa danab amubia dilagnu nai yom daatte, amubia ag am genabnab nob nau aoglag.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.