Aposel 2:11 - Nobonob Baibel

¹¹ Ig laa am Juda, amu laa ag Juda dilag mettid dim lamidtteb. Amu ig Krit, amu Arebia appanu ele uɗimut. Uɗit, ig oh ig nainkad aben abenppa Kayak uɗat enanag haattomnu mehuqegeg doottem,” aon appig.

Aposel 2:11 ပူးပေါင်းရင်းမြစ်များ

1 King 10:15

Laa ele, Solomon nug keeke laihnu awa dadennu mak danab, nug amu dilagppa takis men doɗo awewe, amu Arebia dilag king anen anen, am gawana Israel wan oppatakppa daatteb ele, ag ele Solomon men doɗo medattappig.

2 Stori 17:11

Pilistia danab laa ag ⌊maɗ maɗppa⌋ silwa, en laala ele aon, takis bia Jehosapat mettaegeg, Arebia danab ag sipsip dawai 7,700, meeme dawai 7,700 ele aon uɗin, nug medappig.

2 Stori 26:7

Kayak ehanitte, nug Pilistia dilag daup, amu Arebia danab Gurbal daappig, amu Meun danab ele eɗattom.

Job 9:10

Nug uɗat ɠagattagnab, danab laa nug uɗat amu diig dookkunu elele iitta aakku hette. Ao, Nug kobol danab hekkunu elele iitta kuɗumnab, danab ebaqadkkunu elele iitta hette.

Sam 107:15

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:21

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:8

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 111:4

Nug kobol danab hekkunu elele iitta heum ele amu, Nug he, danab ag amu daulag atikkunu elele iitta. Yawe Nug oo bodoette enanag maɗoɗ ele hak kobol dim lamitta, Nug ihinignu oo gai-iitta doya, oo mekka, ehanigtte!

Sam 136:4

Ig Yawe, Nugib kobol danab haknu elele iitta hette, ig Nug amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

Sam 26:7

Appa amu, da na ena hena meɗamenu ahi edettem. Ao, da nahip kobol danab hekkunu elele iitta laa kuɗum, da amunu danab ah amelagppa attem.

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Sam 71:17

O Kayak, na da nid nakoknab daaiyi uɗie, gemu ele na dahil ippunittak daame, amu da hanhan laa amelagppa keeke ena ena na hemenu mattien, gemu ⌊nai imu yaak haenppa⌋ ele madittem.

Sam 77:11

Da Yawe keeke oh heumnu dabmekkul. Ao, O Yawe, da nahip hak danab laa hekkunu elele iitta anukka na heme amu, da amunu dabmekkul.

Sam 78:4

Ig nai genab amu ig nid ihinkad doomnanu ii lokkumadmata. Ao, menuattak huu laippu bia bau dotteb ele amu, ig apput dooglag. Ig Yawe keeke okkai okkai heumnu apput dooglag. Ao, ig nuhig ɠagattagnu, amu kobol danab hekkunu elele iitta nug heumnu ele mattignig.

Sam 89:5

O Yawe, hab daup ag kobol danab hekkunu elele iitta, na hettem amu, ag amunu na binan metteb. Ao, laa ag nahipnu, oppiaawak ele daatteb, ag nahip oo metta ii uuak kobolnu binan metteb.

Sam 96:3

Ag nuhig binag amahlak oppiaawak elenu amu, ag wanppan wan ohnu danab ah oh amelagppa mehuqeg! Ao, ag nuhig hak enanagnu huu ohppa appeg doyeg!

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Aisaia 13:20

Babilon geha nauhkku am inam. Danab laippu laa geha appa eɗua ii daama, ukkeb haen malak batak. Ao, laa appa ii daama, ukkeb ukkeb, gog tak haenppa batak. Geha Arebia danab laippu laa nug uɗia, peh lag nuhig Babilon ii buuma. Amu geha sipsip gumak danab laippu laa nug geha nuhikkud sipsip omalatteb gona, Babilon ee mattin ii lamana. Iitta!

Aisaia 21:13

Nai meunab ele Arebia wanppanu Yawe he, Aisaia doyom ele am iikku. Arebia danab ag ⌊kekeɗ aqadmananu,⌋ ag oolna gona, atu taɗakppa haen tutuib dayaknu aab kalan daaglag amunu, ag Dedan danab, ag aben ohppa oiyak danab, ag oinna, keeke daden mena, eɗun meeg, laa ag daden mattegeg, ag men doɗo tuɗidna aotteb amu, ag Arebia dilag, atu taɗakppa baalag qaɗaiettom ele le matteg! Ao, ag Tema wanppan danab ah, ag amu, ag ee aon gona, Arebianu oola ukka laih dayaknu danab amu, ag danab amu gumadna gona matteg!

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 28:29

Doyak imu oh am Yawe Nukka Ɠagattag Oh Ele, nuhigppanu uɗitte. Nug ulum ena ena ele megatte. Nug doyak dabmak okkai okkai, laa oh eɗattak ele.

Jeremaia 25:24

Da ag matte malen, da Arebia dilag king mattai laeg, danab ah atu taɗakppa daatteb, ahilkad king ele mattami.

Jeremaia 3:2

Ag Juda danab ah ag qauko ikkilkad ohppa neegna, ahilag hak antteg! Ib baag ah nug aben ohppa danab kuɗum ele niitteb, amubia ag Juda ag qauko ohppa kayak hambuppuak noolagppa dup nona binalag meegeg uɗie, gemu ele hetteb. Ag danab nau, nug laanu keeke yab aokkunu ib meitta daatte bia, ag kayak hambuppuak digdig aoglagnu heegeg uɗie, gemu ele hetteb. Ag kayak hambuppuak noolagppa dup noa binag mak kobol, amuam gappai kobolbia, ag kobol amu henana, ag nau hak kobol digdig laa ele heegeg uɗie, gemu ele hetteb amunu, ag kobol amu hettebppa, ag amuppa heeg, wan am dubuttid tak ele daatte.

Aposel 2:10

Amu ig Prigia, Pampilia, Isip, amu Libianu wan atuppa, Sairininu wan atuppa ele daattem. Aria, Rom danab ele ig oh uɗimut daattem.

Aposel 2:12

Ag anam ana, ag oh eheɗ ottaina dabmak kuɗum aona, ag akka akka, “Keeke umu amu attemunnab?” aon appig.

Aposel 27:12

Ilon amuppa amu ulah naɗi haenppa uub eeɗa daakkunu amu aben ena iitta amunu, uubppan danab kuɗum ag aben amu eɗidna gokkulagnu appig. Ag gona, Piniks tena, aben amuppa oug haenppa daaglagnu oolag dayom. Piniks amu Kritnu ilon laa, amuppa amu ulah heeb, lokkuma dayaknu aben ena.

Aposel 27:13

Am dimppa ulah yau uɗiom, nug am ɠagattagnab ii heum amunu, ag appig. “Ig onig dayom bia, ulah imu uɗitte amunu, ig ilon imu uut laih gokkunig,” aon mattina, ag anka eeɗeg te, ig Kritnu langib aiɗta gomut.

Aposel 27:7

Aria ig ahat, uub amu huana ii ugekke, deɗ laala qinonob gota gota, Nidus gukkuidta gomut. Aria ulah nug he, ig ib gokkunignu dabmemut am elele iitta amunu, ig nud Krit heqo laih ulah huana ii ukkomppa gota, Salmone gukkuidta temut.

1 Korint 12:10

Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.

1 Korint 12:28

Am Kayak Nug Kristen tamaniak ooppa nuhig uɗat hak danab ele anam aakku meum. Anuqak am totol danab daatteb. Amu dimulagppa am propet danab daaeg, ag dimulagppa am ippunittak danab daatteb. Aria, laa amu kobol danab hekkunu elele iitta hak danab daaeg, laa ag oɗe babaittak danab dilag ehah ele daaeg, amu laa ag ehanattak danab daaeg, laa ag uɗat digdig gumak danab dilag ehah ele daaeg, laa amu aabaab naippa nai mattiaknu danab daatteb.

Galesia 1:17

Amu danab tatam ag Jesusnu totol danab daappig amu, da ag gumatte Jerusalem ii gomi. Iitta. Da Arebia wanppa gomi. Ukkoya dimppa am da eɗue Damaskus gomi.

Galesia 4:25

Hagar nug Arebianu qauko laa Sainai, nug amu ippunigtte, amu amuppa nug danab ag Jerusalem appa gemu daatteb, ag ɗo waappa begbeg maɗi nid daatteb, am amunu ippunigtte.

Taitus 1:12

Anukka Krit danab ag ahilag propet laa nug nukka kobol amunu aum. Nug inam aum. “Krit danab ag nai hambuppuak danab ah. Ag am doɗ dakkuɗ nau, ag ee huanak lanana, bahilag ele yaatte,” awa aum.

Taitus 1:5

Da na Krit nudppa daakkutnu uuidmi amu, amunu diig amu da anukka na amenppa ami amubia, na dahil uɗat pehettan tuɗidna, elele mettan, na Kristen tamaniak ooppa aab aben abenppa ikki danab otiadkkutnu appa uuidmi.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.