Aposel 19:19 - Nobonob Baibel

¹⁹ Amu ag oolagppanu danab kuɗum ag anukka onig awak buk ele aon aɗan, uɗat amu heppig ele amu, ag buk amu akkan qagmena, danab ah oh noolagppa manatteg ewom. Ag buk amu oh, ahilag nobnu men doɗo ebqeppig amu, am koin onig drakma 50,000 dayom.

Aposel 19:19 ပူးပေါင်းရင်းမြစ်များ

Genesis 35:4

Jakop anam a amu, ag laa dilag kayak hambuppuak ahilag, am daulagppanu bid ⌊ahilag ehanittak hambuppuak laa aakku⌋, ag amu ele oh Jakop mettaeg, nug keeke amu oh awa, ad ok, Sekem dayom, nug amu diigppa boumom.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

2 Stori 33:6

Manase nug amu ha, nug oolnu noak onig Hinom Bekkanu Oolnu Noak appa nug bekkod manatta, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum Yawe noobppa haaha, amuppa nug he, Yawe Nug oo huana nauhom.

Eksodas 32:20

Moses nug anam hewowa, nug makau gaiɗ dottog ag heppig ele aab aɗuppa mana awa, aoɗa maduduɗe, kalu ne, nug kalu amu le qaɗeppa gokkaɗe noa, le attan qaɗeppa teppu iitta dayeye, Moses nug he, Israel ag le amu lappig.

Eksodas 7:11

Paro nug amu antta amu, nug nuhikkud doyak danab, emaɗ hak danab, ele onilagppa e uɗippig. E uɗina, Isipnu baɗ mak danab amu, ag baɗ mak kobol ahilag hena, ag ele kobol amu heppig.

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Daniel 2:2

King Nebukatnesar nug niikkunu elele iitta daye, nug baɗ mak danab digdig, emaɗ danab, doyak danab ele ag nug aɗi tul niiakppa anttom, ag amu appeg dookkunu onilagppa eum. Nug ag onilagppa e, ag uɗin, nug noobppa daappig.

Lewitikas 13:52

Gi, gaɗa oɗe nau bia linen lamen eppegppa, o masinppa akkak, o sipsip uɗig lamen eppegppa, o masinppa akkak, o doɗ gaɗa hamu, o keeke amuppa hak, amu amuppa aakku daatte amunu, mana mettak danab nug maneb eokkuoitte. Keeke amu aab nug eweb, iitta ma auta aokkuoitte.

Luk 14:33

Amge amubia ag oolagppanu danab nug nuhig keeke oh uuatta ii dimadatte dayeb, aria nug dahil ippunittak awak danab daakkunu elele iitta,” awa aum.

Luk 15:8

Am laa ele inam. Ah laa nug silwa men doɗo eblaih laih ele dayeb, amge laippu laa qettoɗeb, geha nug lam amota, laugppa kinipan tateb ukkeb, mattia neekka auta awa iite haaha, nug antta aokku.

Aposel 13:6

Aa nud Saiprus appa oii oii, nud amuppa aben laih goya, Papos teya, Papos appa aa Juda danab laa anidpiɗ. Nug am onig awak danab, propet hambuppuak ele, Nug onig Barjesus.

Aposel 13:8

Aa goya, Kayaknu nai mehuqeh amu onig awak danab Barjesus, Grik naippa nug onig am Elimas, nug ahilah ib oonekkunu ha, aa nai madipiɗ ele, amu tappeb nokkunu heum. Nug gawananu dabmak heeb eɗueb, ooppa genab ii doomanu heum.

Aposel 19:18

Anam heeg amu danab ah kuɗum ag oolagppa genab dooppig ele ag aɗi keeke nau anukka heppig amu oh ag miagib mattina anam madippig.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.