Aposel 19:16 - Nobonob Baibel

¹⁶ Ouɗi nau amu anam awa oɗ matte amu, danab ouɗi nau nug beɗuppa dayom ele amu, nug aha oola qaɗelagppa ta, eɗatta, eheɗ makkuɗatta, beɗulag he nauha auta awe, ahilag lamen ele pattiɗe ne, ag lag amuppanu beɗulag miag dayeye, tiilag neene, ahan oolna goppig.

Aposel 19:16 ပူးပေါင်းရင်းမြစ်များ

Mak 5:15

Ag gona, Jesus gumidna gona, ag danab amu dayeye anidppig. Anukka nug ouɗi nau kuɗum qalittak ele dayom, amge haen laa ag aɗi beum anidkkulagnu goppig amu, haen amuppa nug lamen takka, dabmak ena ele toetta dayom. Anam dayeye anidna, ag baɗappig.

Luk 8:35

Mattieg doona amu, danab ah ag keeke amu anidkkulagnu Jesus gumidna gona, ag danab ouɗi nau uuidppig amu anidppig. Nug lamen takka, dabmak ena ele Jesus baegppa heɗep na dayeye anidppig. Danab ah ag anam anidna, ag baɗappig.

Aposel 19:15

Ag anam hena, deɗ laa ag ouɗi nau laa amegppa anam appig, amge ouɗi nau amu eɗua amelagppa inam aum. “Jesus amu da doottem, Polnu nai maditteb ele da doottem, amge ag am aun?” awa aum.

Aposel 19:17

Anam beum, dimppa Juda danab amu Grik danab ele Epesus daappig amu, ag oh nai amu doon, ag oh baɗan, ag Naɗi Jesus binag okkai meppig.

Aposel 3:8

Nug baekuɗ ɠagattag eppaeh, nug paha aha hibaitta tappa oiyeye, nug Pita, Jon ele oh Kayaknu mettid lag ooppa nonana, nug oola ta oola naana oiyaya, Kayak binag meum.

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.