Aposel 19:13 - Nobonob Baibel

¹³ Am Juda laala ag oinna, ouɗi nau lamadppig ele amu, ag Naɗi Jesus onigppa appeg heeb, ouɗi nau danab ah uuadna gokkulagnu ele dabmena heppig. Ag inam appig. “Ig Jesus, Pol nug nuhignu mehuqtte ele amu, ig Nug onigppa ‘Ag danab imu uuidna ukkeg!’ ag amelagppa haknunab attem,” aon appig.

Aposel 19:13 ပူးပေါင်းရင်းမြစ်များ

Genesis 4:12

Aria, haen na dad uɗat hekkut amu, keeke oh ena ii bemana. Laa ele, na aben laippuppaib ii daamna. Na qati qati oikkut,” awa aum.

Genesis 4:14

Gemu na da wan imuppanu, na noompanu lamiɗttem amunu, da haen oh aben laippuppaib ii daapa; qati qati oikkul. Danab laa da aniɗa, nug duul ob mauhkkul,” awa aum.

1 King 22:16

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

Sam 109:10

Na heppe, nid naunau nuhikkud ag mauhnoak oinna, laa keekenu unuqadnana oiglagnu oɗ medattem. Na heppe, kekeɗ ag ahilkad lag heppeg nauhppeg, ag ag lamadppeg, ag umanab wana oinna daaglagnu unuqidttem.

Matyu 12:27

Da genab Belsebubnu ɠagattagppa ouɗi nau lamadttem dayeb amu, ag ahilkad laala ag uɗat imu ele hetteb ele, ag aunnu ɠagattagppa hetteb? Anam amunu ag ag epeɗiadna, ⌊ag eheɗ maditteb ippunadkkulag⌋.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Mak 5:7

Nug gateg qaun o amu Jesus Nug ouɗi nau, danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainabppa ewa aum. “Jesus, na Kayak Attannab Laa Oh Eɗattak Bekka. Na da attem heiɗkkutnu hettem? Na Kayak onigppa nahip nai ɠagattag qena, na da guittak nau ii meɗamnanu akkutnu oɗ medattem!” awa eum.

Mak 9:38

Jesus Nug anam a amu Jon nug Jesus amegppa aum. “Ippunittak danab, ig danab laa nug na oninppa ouɗi nau lamatte anidmut, amge nug ig dim lamikke ii oittem amunu, ig nug ouɗi nau lamadmanu ɗo memut,” awa aum.

Luk 11:19

Da genab Belsebubnu ɠagattagppa ouɗi nau lamadttem dayeb amu, ag ahilkad laala ag uɗat imu ele hetteb ele, ag aunnu ɠagattagppa hetteb? Anam amunu ag ag epeɗiadna, ⌊ag eheɗ maditteb ippunadkkulag⌋.

Luk 9:49

Jesus Nug anam a amu Jon nug aum. “Ippunittak danab, ig danab laa nug na oninppa ouɗi nau lamatte anidmut, amge nug ig dim lamikke ii oittem amunu, ig nug ouɗi nau lamadmanu ɗo memut,” awa aum.

Aposel 19:14

Aria, Juda dilag mana mettak danab okkai laa onig Skewa, nug am nid danab eblaih aɗit ele amu, nug bekkod ag kobol amu hedappig.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Josua 6:26

Haen amuppa Josua nug nau aomnanu dabmettak nai aum: “Aun laa nug Jeriko aab okkai eɗua buukkun hekku amu, nug Yawe noobppa eheɗ laa awaknu anak waappa daakku. Aun laa nug anam hekku dayeb amu, nug digma buuebeb, nug nid danab tatamnu am mauhkku, amu nug bekka dimnunab am aab okkai eɗua buua malakkun haaha mauhkku,” awa aum.

1 Samuel 14:24

Amu Saul nug deɗ amuppa Kayak onig awa, nuhig nai ɠagattag qetta, inam aum. “Israel daup laa nug deɗ imuppa, aam ii noobob, da dahilad kekeɗ nob nau elele ii madappi, ee nakok laa lakku dayeb amu, nug eheɗ laa awaknu anak waappa dayaɗ!” awa aum. Saul nug anam aum, Israel ag oolagppan laa nug ee nakok laa ii laum amunu, ag uug nau daan oippig.