Aposel 18:8 - Nobonob Baibel

⁸ Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

Aposel 18:8 ပူးပေါင်းရင်းမြစ်များ

Genesis 17:27

Abrahamnu maɗi nid laala ag anilkad nug laugppa menuadppig, laala nug wan laihnu daden meum ele, ag oh ele deɗ amuppa gaɗa otaɗak aoppig.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Mak 5:22

Ag anam daaegeg amu, Juda dilag nai doyak lagnu ikki danab laa onig Jairus nug uɗia, Jesus antta, nug Jesus gumitta ukka, Nug baegppa laippun gateg qaun o, gomela, iɗu wanppa ma,

Mak 5:35

Jesus Nug anam mattiaya dayeye, danab laala ag Juda dilag nai doyak lagnu ikki danab Jairus, amu nug laugppanu uɗin, Jairus amegppa appig. “Na aɗen mauhom amunu, na ippunittak danab imu uɗat baula aib mettame,” aon appig.

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 11:14

nug geha na amenppa nai laala mehuqeb dooppe, Kayak Nug na, amu na baenadppa oh ag ele oh eɗua diiadkku.’

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Aposel 16:34

Aona amu nug diiata, laugppa ukka, ee matom. Nug, nug baekkudppa ele oh ag maɗoɗppan gamag ahak aoppig. Aɗinu? Ag Kayaknu oolagppa genab dooppig.

Aposel 18:1

Amu dimppa amu Pol nug Atens uua aha, Korint ukkom.

Aposel 18:17

Galio nug lamatte amu ag ahan hettoɗiak aben guguittakppa Sostenes, nug am Juda dilag nai doyak lagnu ikki danab amu, ag nug aɗan makkuɗppig. Juda ag anam heppig, amge Galio nug amunu ii dabmeum.

Aposel 19:1

Apolos nug Korint appa dayeye, haen amuppa Pol nug ukka, prowins yu ihippa ii daappig eleppa oiya oiya, nug Epesus ta, appa nug Kristen laala daaegeg anatta,

Aposel 8:12

Amge Pilip nug Jesus Kristusnu amu Kayaknu ɗo maɗoɗnu Nai Ena mehuqe, ag doonna, haen amuppa danab ah ele ag oolagppa genab doyeg layattom.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

2 Korint 6:11

Korint danab, ig ag amelagppa nai elab miag atiak mattita, ahilagnu amu, ig oo mauhak okkainab doottem.

2 Timoti 4:20

Erastus nug Korint appanu ii ahom; appan daatte, amu Tropimus nug am oɗe ele amunu da nug Miletus appa uuidmi daatte.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.