Aposel 18:7 - Nobonob Baibel

⁷ Pol nug anam ana, nug Juda dilag nai doyak lag amu uua doa, danab laa onig Titius Jastus laugppa ukkom. Titius Jastus nug Kayak noobppa dup noa binag mak danab dayom. Nug laug am Juda dilag nai doyak lag heqo laih dayom.

Aposel 18:7 ပူးပေါင်းရင်းမြစ်များ

Jon 9:31

Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 13:42

Aria Pol, Barnabas ele aa dimittim ukkaeheh, danab ah ag inam appig. “Dimppa, Sabat laappa, aa eɗuya nai amu tuɗidya mehuqpeɗ dootu!” aon appig.

Aposel 13:43

Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 16:14

Amu ah laa onig Lidia, nug amu Kayak noobppa dup noa binag meum ele, nug nai amu doyom. Nug am aab okkai Taiatairanu ah, amu nug lamen perpel awa me, laa daden meegeg,, amuppa nug men doɗo aottom. Naɗi Nug he, Lidianu dabmak am matulak daye, Pol nai mehuqeqe doya, dookkunu nug daug hume, oo eɗuom.

Aposel 17:4

Pol nug Jesus Kristusnu nai mehuqe doona, Juda danab ah laala ag Jesusnu oolagppa genab doon, Pol, Silas ele dim lamatppig. Grik danab kuɗum, ag Kayaknu ebehilkad oh bodoetta le meum ele amu, ag ele Jesusnu oolagppa genab doon, Pol Silas ele dim lamatppig, amu ah okkai kuɗum ele ag ele anam heppig.

Kolosi 4:11

Josua, onig laa Jastus, nug ele ag humadtte. Juda danab oolagppanu danab ewam amu aakkuib ag Rom ippa da ele Kayaknu ɗo maɗoɗnu uɗat laippu hettem. Ahilagppa da oo mak aottem.