Aposel 18:6 - Nobonob Baibel

⁶ Amge Juda ag Pol nug Jesusnu nai amu ii mattimanu wagai mena, aon aon qedappig amunu, Pol nug lamen elab nuhigppa kauko dayom amu he ne, nug amelagppa aum. “Ag padal mekkulagtai amu akka beɗulagppa, da eheɗ ii hemi. Amunu gemu da iitta aɗi gumatte gokkul,” awa aum.

Aposel 18:6 ပူးပေါင်းရင်းမြစ်များ

2 Samuel 1:16

Aɗinu? Dawit nug nid amu amegppa tatam inam aum. “Na nakka, na, ‘Da danab laa, Yawe danab amu king daakkunu goɗen gokkaɗakppa tituanom amu, da nug qei mauhom,’ ame amunu, nahip nai amu na yaaittette, nahip mauhak na beɗunppa daatte,” awa aum.

1 King 2:33

Danab aɗit amu hamu qe mauhaknu aab am, hanhan Joap, amu nug buɗub dimppa bekkulag ele, ahilagppa daakkunu ool daatte. Amge Dawit, nuhigppa, amu nug buɗubppa, amu nug abenabppa ele Yawenu maɗoɗ am hanhan daakkunu ool daatte,” awa aum.

Nehemaia 5:13

Ag amu hena malaeg, da lamen elab dahil aɗe uɗale, da ami. “Da lamen aɗe uɗali, aɗi keeke lamenppa daatte gotte, amubia ag anuqak danab oh, ag nai Kayak onigppa ɠagattag qedappig, ag amu ii dim lamidkkulag dayeb, Kayak Nug ahilagppa da hettem bia ahilagppa heeb, ag keeke iitta ele daaglagnu ool daatte. Ge, danab aun nug nuhig nai amu ii dim lamidkku amu, nuhigppa anam baɗ!” awe ami. Da anam ai, danab oh daappig ele, amu oh ag, “Genab, anam dayaɗ!” anana, ag Yawe binag meppig. Anam amunu, anuqak danab, Juda dilag ehanittak anuqak danab ele, ag appig bia heppig.

Esekiel 18:13

Bekka amu nug danab laa lon metta, eɗua awaknu haenppa nug lonnu intres aotte. Ge, nug gane mettom, amu eɗittak laa aotte. Danab anam nug bau daakkute? Iitta! Nug kobol digdig, da kobol amunu oolppa uuaknab doottem amu, nug kobol amu oh heum amunu, nug mauhkkuoitte. Nuhig mauhak am nug beɗuppa. Laa beɗuppa iitta.

Esekiel 33:4

wan amuppan laa nug nau aomanu trampet gayebeb dookku, amge nug ii dabmeebeb, kekeɗ ag uɗin, qep elabppa qeppeg mauhkku dayeb amu, nuhig mauhak am nug nukka, nug beɗuppa.

Esekiel 33:6

Anam, amge aɗi uɗitte anittak danab amu nug kekeɗ ag ban hekkulagnu uɗitteb anatta, nug wan amuppan danab ah ag nau aomnanu trampet ii iwalkku dayeb, kekeɗ ag uɗin, danab laa qeppeg mauhkku dayeb amu, nug hipunin hak nuhigppa dayaya mauhkku, amge mauhom amu, nuhig mauhak am aɗi uɗitte anittak danab beɗuppa. Da aɗi uɗitte anittak danab eheɗ heum dookkul amunu, da bu medakkul.’ ” Yawe Nug anam aum.

Lewitikas 20:9

Am aun laa nug mameg, o anig eheɗ laa awaknu anak waappa daakkunu akku amu, ag nug qeppeg mauhaɗ! Nug mameg o anig eheɗ laa awaknu anak waappa daakkunu aum amunu, nug beɗuppa nug mauhkku.

Matyu 10:14

Amu laa ag ag ele laippu dayaknu oolagppa eleleib ii dootteb dayeb, nai ahilag ele ii dooppeg, haen ag ahan lag o aab amu uunna amu, ag baelkadppanu gappud amu heppeg naɗ!

Matyu 21:41

Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Matyu 22:10

King nug anam a, maɗi nid ag ibppa ukkadna, danab ah ena, nau ele oh anadna qagmaadppig. Qagmaatteg, ag ewau matulak hobulppa dayak aben amu ambeum.

Matyu 27:25

Nug anam a amu, ag appig. “Am ena. Nuhig mauhaknu aab am ig, ihinkad nid naunau ele, ig oh ihinigppa dayaɗ!” aon appig.

Matyu 8:11

amunu, da ag amelagppa attem. Geha danab kuɗum aam bedeppanu, aam nodeppanu ele ag uɗippeg, Abraham, Aisak, Jakop ele ag Kayaknu ɗo maɗoɗppa daanna, hobulppa ee lanan, laippu daaglag,

Luk 22:65

Ag anam henan, ag awa awa qettak kobol digdig laappa nuhigppa ele heppig.

Luk 9:5

Amu danab ag ag ele laippu dayaknu oolagppa eleleib ii dootteb dayeb, haen ag aab amu uunna, aab amuppan danab ag eheɗ heppig dooglagnu ag baelkadppanu gappud heppeg naɗ!” awa aum.

Aposel 13:51

Ag anam heeg amu, aa baeltippanu wan gappud amu appan danab laala ag kobol eheɗ heppig amunu epponak keeke daakkunu, aa aab okkai amu uuya gokkulahnu heyaya, aa gappud amu heeh ne, aa Aikoniam gopiɗ.

Aposel 26:11

Haen kuɗum da Juda dilag nai doyak lakka ukkatten, da laa Jesusnu oolagppa genab dooppig ele bu mattami. Amuib iitta, da ag Jesusnu dabittak nai mattiglagnu ele wagai memi. Da ahilagnu oppoɗi bak huanaknab doomi amunu, da atu laihppan aab okkai laalappa ele eheɗ hadakkulnu appa dim lamadmi.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 28:28

Amunu ag doyeg! Kayak Nug ig eɗua awigkkunu uɗat ena imu ihinignu heum amu, Kayak Nug he, iitta aɗi danab dilagppa ukkom, amu iitta aɗi amu, ag am dooglag,” awa aum.

Rom 3:29

Amu attemu? Kayak Nug am Juda dilagib Kayakte? Nug iitta aɗi dilag Kayak ele iite daatte? Yo, Nug am iitta aɗi dilag Kayak ele daatte.

1 Timoti 5:22

Na danab laa paha aon, tamaniak ikki daakkunu eppen qaɗeppa aib meme. Na laa ag hipunin hetteb ele amu, na ag ele hipunin aib heppig! Na nakka beɗun atognonana, oppiak daye!

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

1 Pita 4:4

Gemu ag aakku kobol nau amu baula ii hetteb amunu, danab Kayak baekkudppa iitta, ag ag ele kobol nau amu gemu ii hetteb, ag amu anidna ottaina, ahilagnu nai eheɗ atteb.