Aposel 18:27 - Nobonob Baibel

²⁷ Aa ippunitteh, amu dimppa Apolos nug prowins onig Akaia appa gokkunu he, Epesusnu Kristen oh ag nug nai doyom amu awa ukka tuɗidkkunu dabmak nuhig amu ɠagattag qedappig. Aria, Epesusnu Kristen ag danab Akaia appa Kristen meppig ele, ag amu dilag uɗug yaak laa yaan, ag Apolos ag ele laippu dayaknu oolagppa eleleib dooglagnu yaan, ⌊Apolos awa gokkunu medappig⌋. Metteg, Apolos ukka Akaia te amu, danab ah Kayaknu ehanittak okkai hamu megatte amu aona, ag oolagppa genab dooppig ele amu, Apolos nug ag ɠagattag aqom.

Aposel 18:27 ပူးပေါင်းရင်းမြစ်များ

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 11:26

antta, nug omale Antiok ukkaeh, maɗ laippu Kristen tamaniak appanu ele daanna, aa danab ah kuɗumnab Kayak nai ippunadpiɗ. Antiok appa danab ag tatam digmena, danab ag Jesusnu oolagppa genab dooppig, ag ahilagnu, Kristen appig.

Aposel 15:34

((amge Silas nug Antiok daakkunu dabmeum.))

Aposel 18:12

Am Pol nug Korint dayaya, anam heum, amge dimppa Galio nug prowins Akaia dilag gawana dayeye, haen amuppa Juda ag oh qagmena, Pol kekeɗ mettan, aɗan aon hettoɗiak abenppa goppig.

Aposel 18:18

Juda danab ag Pol aɗan anam heppig, amge Pol nug paha aab laappa ii ukkom. Iitta. Nug deɗ nakok kuɗum appa dayowa, dimppa nug Kristen tamaniak appanu uuatta, nug Siria gokkunu ukkom. Nug Prisila Akwila ele oh goppig. Amu Pol nug matu Kayak amegppa keeke laa genabnab hekkunu nai ana qakkom amunu, nug Juda dilag kobol dim lamitta, Senkria appa nug he, danab laa nug nug ikki uɗug hoiye ukkom.

Aposel 19:1

Apolos nug Korint appa dayeye, haen amuppa Pol nug ukka, prowins yu ihippa ii daappig eleppa oiya oiya, nug Epesus ta, appa nug Kristen laala daaegeg anatta,

Aposel 9:27

Ag nug baɗidppig, amge Barnabas nug Saul omala, totol danab 12 gumatta ukka, ibppa Saul nug Naɗi Jesus antte, amegppa nai aum amu Barnabas nug amunu amelagppa mattia, nug Saul Damaskus dayaya nug baɗak iitta ele, Jesus onigppa nai mehuqom.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 16:3

Aria, da dimppa ahilagppa goppi amu, ag akka danab laala ag men doɗo amu aon, Jerusalem gokkulagnu otiadppeg amu, da Jerusalem danab ag danab ag otiadppig ele, ag ag doyadkkulagnu da ag pas madappi, ag amu ele aon gokkulag.

1 Korint 3:6

Da ee aeg eppai, Apolos nug le mettom, amge Kayak Nug he, ee amu beum.

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

Pilipai 1:25

Da anam genab doottem amunu, da doottem, geha da daakkul. Da geha dayeye, ahilagppa uɗat hebippi, ag oolagppa genab ɠagattag doonna, ag ooppa genab doyak ahilagnu ele maɗoɗppan gamag ahak dooglag.

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!