Aposel 18:18 - Nobonob Baibel

¹⁸ Juda danab ag Pol aɗan anam heppig, amge Pol nug paha aab laappa ii ukkom. Iitta. Nug deɗ nakok kuɗum appa dayowa, dimppa nug Kristen tamaniak appanu uuatta, nug Siria gokkunu ukkom. Nug Prisila Akwila ele oh goppig. Amu Pol nug matu Kayak amegppa keeke laa genabnab hekkunu nai ana qakkom amunu, nug Juda dilag kobol dim lamitta, Senkria appa nug he, danab laa nug nug ikki uɗug hoiye ukkom.

Aposel 18:18 ပူးပေါင်းရင်းမြစ်များ

Namba 6:18

Mana mettak danab nug keeke amu oh qaɗabppa meeb ewebeb, aun nug Nasarait daatte amu, nug mettid haknu peh lag danab ah appa qagmetteb ele, nug peh amu odppa ikki uɗug, Yawenu tituana mettak daatte amu, nug otaɗkku. Nug ikki uɗug amu awa, ⌊mana mettak danab metteb, nug⌋ laippu dayaknu ofa hak, nug amu waappa aab ooppa mekku.

Namba 6:2

“Na Israel danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Danabte o iitta ahte laa nug haen gane epeɗia, haen amuppa nug Yawenu anuqak dabmaama oikkunu genabnab hekkunu nai ana qagatte, nug aakku Nasarait daakku.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Mak 6:46

Nug anam a amu, ag ahan ukkaegeg, Jesus Nug danab ah amelagppa, “Enad ukkeg,” awowa, Nug unuqidkkunu qaukoppa nakok ta dayom.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 15:41

Anam aeg amu, aa goya, Siria, Silisia ele tikkui goya, Kristen tamaniak ɠagattag aqapiɗ.

Aposel 18:2

Nug ukka, Korint ta, Juda danab laa onig Akwila anttom. Nug appag diig amu Pontus. Nakok matu bia, nug amu wau Prisila ele aa Itali wannu aab okkai Rom, aa appanu ahai uɗipiɗ. Aɗinu? Rom dilag king Klodias, nug Juda danab ah amelagppa, “Ag Rom ii daamna; ag Rom uun, aab laalappa gona dayeg!” awa aum amunu, Akwila, Prisila ele aa Korint appa daapiɗ. Aria Pol nug ukka, aa anate,

Aposel 18:26

Aria nug ii baɗaɗa, nug Juda dilag nai doyak lakka noa, nai mehuqom. Amu Prisila Akwila ele aa nug anam anidya, nug aoya, lakka goya, Kayak Nug ib ihinig babaittom amu aa keeke amu ohnu ippunidpiɗ.

Aposel 18:27

Aa ippunitteh, amu dimppa Apolos nug prowins onig Akaia appa gokkunu he, Epesusnu Kristen oh ag nug nai doyom amu awa ukka tuɗidkkunu dabmak nuhig amu ɠagattag qedappig. Aria, Epesusnu Kristen ag danab Akaia appa Kristen meppig ele, ag amu dilag uɗug yaak laa yaan, ag Apolos ag ele laippu dayaknu oolagppa eleleib dooglagnu yaan, ⌊Apolos awa gokkunu medappig⌋. Metteg, Apolos ukka Akaia te amu, danab ah Kayaknu ehanittak okkai hamu megatte amu aona, ag oolagppa genab dooppig ele amu, Apolos nug ag ɠagattag aqom.

Aposel 21:23

Na inam hekkutnu oonig daatte. Ihinig danab waɗele ag keeke genabnab hekkulagnu nai ana qagappig amunu,

Aposel 21:24

na danab amu diin, Kayaknu mettid lakka gona, na Juda dilag ɗo laa, ɗo amuam danab nug oppiak daakkunu ippunigtte amu, na anam bia daakkutnu na kobol amu oh heppe, ag ele hekkulag. Danab waɗele ag ikkilag uɗug hoiak aoglagnu elele daaglagnu, na ag oppiak daaglagnu uɗatnu nob ⌊ɗo ippunigtte bia⌋, na nob amu mana mettak danab matte! Na anam heppe amu, danab oh ag dooglag, laa ag nahipnu appig, nai amuam genab iitta. Ag dooglag, na ele ɗo dim lamidttem.

Aposel 21:3

Aria, gotata ig nud Saiprus anidta, nanehppa eɗidta gota, Siria nota amu Tair eeɗmut. Uubppan keeke appa hipaglagnu dayom.

Rom 16:1

Pibi, nug ah ena, ig hettem bia Jesusnu ooppa genab dootte, Senkria Kristen tamaniakppa toliak ah daatte amu, nug ahilagppa gokku amunu, da nuhignu, nug am ah ena doyeye, nug onig iikku diien ag ippunadttem.

1 Korint 9:20

Amu da Juda danab diiadppi, ag Kristusnu oolagppa genab dooglagnu da oiyeye ukke, Juda danab gumatte ukke amu, da Juda danab bia bein, ag daatteb bia daami. Amu danab ah ag ɗo waappa daatteb amu, da ag diiadppi, ag Kristusnu oolagppa genab dooglagnu da ɗo waappa ii daami, amge ag amelagppa da aniɗppig amu, da ɗo dim lamitte daattem bia daami.

Galesia 1:21

Amu dimppa amu da Siria prowins, am Silisia prowins, amu dilagppa ele gomi,