Aposel 18:15 - Nobonob Baibel

¹⁵ Amge ag uɗin, ag nai onignu, onig laalanu ele amu ag akka ahilag ɗonu ele da oɗ meɗatteb amunu, da amu ii hepa; ag akka babaitteg! Da keeke amu epeɗikkulnu, da uumi!” awa aum.

Aposel 18:15 ပူးပေါင်းရင်းမြစ်များ

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

Jon 18:31

Aeg amu Pailat nug ag amelagppa aum. “Ag akka Nug aon gona, ahilag ɗoppa nuhig nai epeɗieg!” awa aum. Anam a amu Juda okkai ag appig. “Rom ag ig danab laa qepput mauhkkunu aib appig amunu, ig danab laa qepput mauhkkunu elele iitta. ⌊Diig amunu amu ig na Rom dilag kobolppa danab imu ad emaitakppa aihkkutnu oonig daatte,⌋” aon appig.

Aposel 18:13

Ag Pol aon hettoɗiak abenppa gona, ag nuhigppa nai yaan, inam appig. “Danab imu nug danab ah oh ag ɗo nai daatte amu tabappeg neebeb, ag kobol laappa Kayak noobppa dup nona binag mekkulagnu ippunadtte,” aon appig.

Aposel 23:29

Noin, da oɗ mattai, ag da amelppa ahilag ɗo naippanu nai laala nug beɗuppa yaana madippig, amge ag nug keeke eheɗ heum, ig amunu nug qepput mauhkkunu o maniguittakppa mekkunignu laa mattieg ii doomi.

Aposel 25:11

Da mauhkkulnu keeke laa hemi dayeb amu, ag heppeg mauhkkul am elele; ag ena da iuppeg mauhkkul. Amge Juda ag da hettoɗiakppa meiɗna, nai madippig ele amu, nai amuam genab iitta dayeb, danab laa nug da ag eppelagppa meiɗkkunu amu eheɗ amunu da Rom ukken, Sisar toppa tein appi, nug dahil hettoɗiak amu nug dookkunu ool daatte,” awa aum.

Aposel 25:19

Ag ahilag mettid hak kobolnu, amu danab laa onig Jesus, Nug mauhom amge Pol nug, ‘Danab amu Nug bau daatte,’ awa atte amu, ag amunu nug ele oolag laippu iitta.

Aposel 26:3

Aɗinu? Na Juda dilag kobol amu ahilag dabmak piɗe piɗe ele oh elelenab doottem amunu da uug ii doottem. Na amu oh doottem amunu, da na nai dahil imu ootppa maɗoɗ ele dookkutnu unuqttem,” awa aum.

1 Timoti 1:4

Laa ele, ag kaya hamu, amu alalkad memetalkad onilag kuɗumnab batak iitta amu, amunuib aib dabmenana madippig. Ag keeke aɗit amu mattinna, tamaniak ooppan danab ah dilag dabmak kabolitteb. Nai ag maditteb ele amu, Kayaknu uɗat ii ehanidtte. Iitta. Kayaknu keeke am ooppa genab doyak, ib amuppaib bette.

1 Timoti 6:4

danab amu nug hamu, ikki okkai kobol aakkuib hette. Nug diignu doyak tutukku laa ele iitta. Nug oɗmak hamu ge iitta hekkunu, nai onig diignu, naippa nug mehqak kobol amu ele hekkunu oo okkai daatte. Kobol amuppa kobol nau digdig ele betteb. Am inam: laanu ameg qe oo elele ii dayak kobol, naippa nug qak kobol, baeg qak nai anak kobol, layagnu dabmak eheɗ awak kobol amu

2 Timoti 2:23

Amge na laa ag dabmak Kayaknu doyak iittappanu betteb, o dabmak kaaka ele, ag amunu nai aeg ona aeg dotte ele amu, na ag ele daan, nai amunu mattiaknu uue! Na doottem, mattiak amuam he, nug mehqak bette.

Taitus 3:9

Amge na danab ag dabmak tutukku iittappa nai aeg ona aeg doak hetteb, ag kaino onilagnu ge iitta mattiak hetteb, amu ag ɗo meunu nug mehqak, aeg ona aeg doak ele hetteb amu, na ahilagnu awaidna laih ukke! Aɗinu? Keeke amu oh am keeke hamu; am ig kobol enappa laa ii ehanigmana.