Aposel 18:14 - Nobonob Baibel

¹⁴ Ag anam aeg, Pol nug ag nai appig amunu nug nob eɗua akkunu heehe, Galio nug aha, Juda amelagppa aum. “Danab imu nug ɗo laa tippallo o nug kobol nau laa helo amu, ag nug heum amu appeg, da nai amu dookkulnu ib ele.

Aposel 18:14 ပူးပေါင်းရင်းမြစ်များ

Matyu 5:2

Uɗieg amu Jesus Nug digma, nai matta aum.

Mak 9:19

Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Aposel 13:10

“Na Satan bekka. Na kobol ena oh dilag kekeɗ. Hambuppuak kobol oh amu kobol naunab oh ele na beɗunppa ambaknab. Na hanhan Naɗinu ib tutukku oh heppe, kaliak daaglagnu hettem amu, na kobol amu genab iinab uumna?

Aposel 13:18

Nug eɗua diia uɗieye amu, atu taɗakppa nug ahilag hak nau amu maɗ 40 Nug mawom.

Aposel 21:39

Oɗ mette am Pol nug aum. “Da amu Juda danab; da aab okkai onig Tarsus, Silisia wanppa daatte, amuppan danab. Aab okkai dahil amu onig okkai ele. Amu na appe, da danab ah amelagppa nai madikkulnu ool daatte,” awa aum.

Aposel 25:11

Da mauhkkulnu keeke laa hemi dayeb amu, ag heppeg mauhkkul am elele; ag ena da iuppeg mauhkkul. Amge Juda ag da hettoɗiakppa meiɗna, nai madippig ele amu, nai amuam genab iitta dayeb, danab laa nug da ag eppelagppa meiɗkkunu amu eheɗ amunu da Rom ukken, Sisar toppa tein appi, nug dahil hettoɗiak amu nug dookkunu ool daatte,” awa aum.

Aposel 25:26

Amge imu ele, da nug keeke aɗi heumnu nai amu genab anttena, uɗug yaappi ukkeb, ihinig okkai Sisar anidkkunu laa ii anidmi. Anam daatte amunu, King Agripa, da laa oh daatteb dabmemi, amge nahipnu tutukkunab dabmein, da danab imu omale ahilagppa domi. Ig oh nai nuhig anidta, da nuhignu nai laa uɗugppa yen meppi gokkunu anam hemi.

Rom 13:3

Aɗinu? Danab ag gumaknu ehah ele ag danab kobol tutukku hetteb ele, ag ag baɗadkkulagnu ii daatteb, amge ag danab kobol tutukku ii hetteb ele, ag baɗaglagnu daatteb. Amunu ag danab gumaknu ehah ele ii baɗidkkulagnu oolag daatte dayeb, ag kobol tutukkuib heig! Ag anam hekkulag dayeb, ag danab gumaknu ehah ele, nuhigppa binalag aoglag.

2 Korint 11:1

Ag da dabmeɗappeppeg, da nai hamu madikkulnu hettem imu amu, ag amu doobppeg, ag oolag ii nauhmanu ool daatte. Ag dooglagnuib dabmekkulag.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Hibru 5:2

Nug ele hipunin hekkunu eeɗak aotte amunu, nug danab ag ootot daatteb, ag ib apiɗidtteb ele amu, nug oo bodoettakppa atognoadkkunu elele daatte.