Aposel 17:7 - Nobonob Baibel

⁷ Aa uɗieh, Jeson nug aa ele laippu dayaknu ooppa eleleib doya, nug laugppa diiata ukkom. Ele amu, danab amu oh ag, ‘King laa daatte, nug onig Jesus,’ aon atteb, amu amuppa ag Sisarnu ɗo tappaeg nette.” Ag anam eppig.

Aposel 17:7 ပူးပေါင်းရင်းမြစ်များ

Daniel 3:12

Na anam ame amge, O king, Juda danab laala, na ag Babilon prowins dilag okkai danab daaglagnu tituanadna, uɗat amu mattame, ag am Satrak, Mesak, Abetnego ele, danab amu ag nahip nai dab-ii-metteb. Ag nahipad kayak noolagppa dup nona binalag ii metteb; ag dottog golppa hak, na qappame amu, ag dottog amu ele noobppa dup nona binag ii metteb,” aon appig.

Daniel 6:13

King nug anam a, ag nug amegppa appig. “Aakku amge, O king, Daniel, nug Judanu diia ukka laih me dayak danab daatteb oolagppan laa, nug nahipnu dab-ii-mette, ɗo na bappaidna he, laa ye, na onin meme amu, nug amu ele dab-ii-mette. Nug deɗ oh nuhig Kayak haen ewam unuqidtte,” aon appig.

Luk 10:38

Jesus Nug nuhikkud ippunittak awak danab ele ag gonana amu, Nug aab nakok laappa no, ah laa onig Marta nug omalatta, laugppa ukkom.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Jon 19:12

Pailat nai amu doya, Nug Jesus uhuqkkunu heum, amge Juda okkai ag enan appig. “Na danab amu uhuqppe gokku dayeb amu, na Sisar layag iitta! Danab laa nug nukka nuhig, ‘Da am king,’ atte, nug am Sisarnu kekeɗ,” aon appig.

Aposel 16:21

Heyaya, aa kobol nau, ig Rom danab amunu gun doottem, ig amu aognignu elele iitta amu, ig amu dim lamidkkunignu attep,” aon appig.

Aposel 17:5

Ag anam heppig, amge Juda laala ag Pol, Silas ele dilahnu, ihinigppa anam daalon dabmak aɗan daappig amunu, ag ahan, danab bahilkad iitta, ag keeke he nauhak danab, ag ee oɗiak abenppa hamu daappig ele amu, ag danab amunu laala diin qagmaadna heeg, ag ahan heeg, aab okkai amuppan danab ag ele ag muttub qeppig. Ag muttub qeegeg, Juda laala kobol imu digmeppig ele ag Jeson laugppa qaiettan gona, Pol, Silas ele diiatna, dimittim uɗin, danab kuɗum muttub qeppig ele eppelagppa mekkulagnu dabmeppig.

Aposel 17:8

Haen aab okkai amuppan danab kuɗum, ikki danab ele ag nai amu doona, ag ottaina, eheɗ doonna,

Jems 2:25

Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.

1 Pita 2:15

Kayak Nug ag danab dabmak tutukku iitta dilag nai, maittak iitta ele, ag nai amu kobol ena ahilagppa qeppeg nekkunu oo daatte.