Aposel 17:32 - Nobonob Baibel

³² Aria, laa ag nai Pol mattiom dooppig ele amu, haen ag danab mauha eɗua hibaittomnu nai amu ag doon, laala ag ahan awa awa qettak nai mattiegeg, laala ag appig. “Dimppa geha ig nahip nai keeke amunu mattime amu baula appe doognig,” aon appig.

Aposel 17:32 ပူးပေါင်းရင်းမြစ်များ

Genesis 19:14

Anam aeh amu, Lot nug aha, danab aɗit aa Lot aɗekuɗ baelti aɗapiɗ ele, ahilahppa ukka amelahppa aum. “Yawe Nug aab okkai imu heeb, padal mekku amunu, aa ahaya, aben laappa ukkeɗ!” awa aum. Lot anam aum, amge danab aɗit amu aa, “Nug qiɗ hak nai atte,” apiɗ.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Luk 14:18

Hobul mameg nug anam he ukke amelagppa mattiom, amge danab amu ag oh ahilag dabmak anen anen aɗaeg be mattina, ag hobul amu anuqak iitta doona uuppig. Anam amu, danab laa nug amegppa aum. ‘Da amu dad okkai laa daden memi amunu, da ukken anidkkuloitte. Gadon, hobulppa gokkulnu am elele iitta. Amu na okkai nahip amunu amegppa appe doya, nug oo uug aib qeum,’ awa aum.

Luk 22:63

Amu danab ag Jesus gumappig ele amu, ag Nug aon aon qettan, Nug makkuɗppig.

Luk 23:11

Herot nug nuhikkud daup ele ag Nug hippeg qakkan, aon aon qettan, dimettan, lamen elab enanag laa aon takkidna meeg, eɗua Pailat toppa ukkom.

Luk 23:36

Ag anam aegeg, daup danab ag ele aon aon qettan, gumidna dona, wain ena iitta mettaglagnu heppig.

Aposel 13:41

‘O ag awa awa qettak danab, ag anidna, dabmak kuɗum aonna, mauheg! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.’ ” Pol nug anam aum.

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aposel 17:33

Ag nai anam anam mattieg amu Pol nug aha, ag uuatta ukkom.

Aposel 2:13

Ag anam appig, amge laala ag awa awa qettak nai mattin, inam appig. “Umu amu, ag wain huana laeg, kaaka aqe hetteb,” aon appig.

Aposel 24:25

Pol nug genab tutukku hak kobolppa oiyak amunu mehuqa, danab nug nukka nuhignu atognoa tutukku oikkunu, geha Kayak Nug danab oh epeɗiadkkunu nai ele mehuqeqe amu, Peliks nug nai amu doya, oo baɗe, nug Pol amegppa aum. “Gemu elele! Ahan ukke! Dimppa da haen ena laa dayeb amu, da geha baula dookkulnu na oninppa ekkul,” awa aum.

Aposel 25:19

Ag ahilag mettid hak kobolnu, amu danab laa onig Jesus, Nug mauhom amge Pol nug, ‘Danab amu Nug bau daatte,’ awa atte amu, ag amunu nug ele oolag laippu iitta.

Aposel 26:8

Amge Kayak Nug heeb, danab ag eɗun hippaidkkulagnu elele iittate? Aɗinu ag daatteb oolagppanu laa ag amunu uug dootteb?

1 Korint 1:23

amge ig ib aɗit amuppa ii gottem. Iitta! Ig Kristus ad emaitakppa atulitteg mauhom, ig amunu nai mehuqttem. Ig anam mehuqutut, Juda danab ag nai amunu ag eheɗ doon, ag kekeɗ mettaegeg, Grik danab ag nai amunu, “Dabmak tutukku iitta,” aon anana, ii aotteb.

1 Korint 15:12

Amge haen oh ig Kristus Nug mauhe, Kayak Nug he, Nug eɗua hibaittom, nai amu ig mehuqttem amunu, attemun ag oolagppanu laala ag nai inam aon maditteb? “Danab mauhom, nug eɗua ii hippaidma,” aon atteb.

1 Korint 4:10

Ig totol danab ig wan imuppan danab dilag neekkakppa, ig Kristus dim lamidttem amunu, ig am danab dabmak tutukku iitta ele, amge ag Korint danab ag ahilag dabmakppa, ag am Kristusnu daatteb, amuppa ag am danab doyak dabmak ena ele. Ig am danab ɠagattag iitta, ag am danab ɠagattag ele. Ig am binanig iitta, ag am binalag ele.

2 Korint 6:2

Kayak Nug atte. “Haen da ii helom bia me da na ehanidkkulnu doyeye, da nahip unuqittak doyen ehanidmi. Ao, ehanitteb padal ii mak haenppa amu, da na ehanidmi,” awa aum. Doyeg! Gemu am Kayaknu ii helobia me ehanigtte haen. Gemu Kayak Nug eɗua awigkkunu dabmette.

Hibru 11:36

Ooppa genab doyak danab laala amu, kekeɗ ahilkad ag aon aon aqanna, laala ag bu qaun eleppa mataɗadna, amu laala senppa hippaladna, maniguittakppa maatteg daappig.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!