Aposel 17:30 - Nobonob Baibel

³⁰ Anukka danab ag elele ii doonna, ag keeke eppelagppa hena, binag meppig amunu, ahilagnu Kayak Nug dabmak okkai ii awom. Amge gemu amu, keeke amunu Kayak Nug danab oh wan ohppa daatteb amelagppa haknunab nai inam atte. ‘Ag oolag eɗueg!’ awa atte.

Aposel 17:30 ပူးပေါင်းရင်းမြစ်များ

Sam 50:21

Na amu oh heehe, da Kayak, da na bu ii mettami. Ao, da na bu ii nittami amunu, dahil hak amuppanu na da eletai kobol nau amubia hettem dabmeme. Amge da anam ii hettem. Da na daut baten, hettoɗiakppa meidkkul.

Aisaia 21:12

Nug anam ewa a, da, da am aɗi uɗitte anittak danab amu, da nai nob mein, inam ami. “Geha wakkaɗkku, amge geha gatatu ele baula nekku. Amu na bau eɗun oɗ meɗakkutnu amu, na eɗun uɗin, oɗ meɗakkut,” awe ami.

Matyu 20:7

Anam a amu, ag nai nob mena appig. ‘Danab laa nug ig uɗat laa ii mekkom,’ aon appig. Ag anam aeg, nug ag amelagppa aum. ‘Ag ele grep dad dahilppa gona, uɗat heig!’ awa aum.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Mak 1:15

Nug nai inam mehuqa aum. “Haen aakku beum dayeye, Kayaknu ɗo maɗoɗ aakku miag doum daatte amunu, ag ahilag hak nau uuna, oolag eɗueb, Nai Enanu oolagppa genab doyeg!” awa aum.

Mak 6:12

Nug anam aum amunu ag ahan gona, nai mehuqnana, danab ah oh ag hipuninnu oolag eɗukkunu appig.

Luk 13:5

Da tutukku ag amelagppa attem, amu iitta. Amunu ag dabmeig! Ag oolag ii eɗueb amu, ag ele laa mauhppig bia mauhkkulag,” awa aum.

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 14:16

Anukka, Kayak Nug danab ah buɗub ohnu ag ib digdig gokkulagnu aib ii aum

Aposel 17:23

Aɗinu? Da uɗien, da aab okkai matte oiyeye, da kayak dottolkad, ahilkad qaɗab keeke, ag Atens danab, ag keeke amu ohppa dup noa binag mak kobol hetteb amu, da keeke amu oh anadmi. Amu da ele qaɗab laa, amuppa ag, ‘Imuam kayak laanu, ig nug ii doottem ele,’ ag anam yaappig dayeye anidmi. Aria, Kayak amu, ag ii dootteb, ag Nug noobppa dup noa binag mak ii dooidna hetteb ele amu, gemu da nuhig nai mehuqppi ag dooglag,” awa aum.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 2:4

Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

Rom 3:25

Anukka Kayak Nug eheɗ haknu nob elele eɗua mettak uua, danab dilag hipuninnu nob nau paha ii mattom amunu, Nug tutukkuib daatte, Nug amu ippunigkkunu haaha, Nug ig aun laa ig Jesus tiigppanu oonigppa genab doottem, Jesus Nug ihinig eheɗ haknu nob nau Nug tiigppa iitta mekkunu heeb elele medakkunu Nug tituanom.

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.