Aposel 17:28 - Nobonob Baibel

²⁸ Nuhigppa ig bau dayak aot, Nug ig ɠagattag megekke, ig oit daattem. Ahilkad doyak danab laala ag ele amunu inam appig. ‘Ig ele Nug bekkod daattem,’ aon appig.

Aposel 17:28 ပူးပေါင်းရင်းမြစ်များ

Job 12:10

Doɗ oh ag Nug eppegppa daaegeg, Nug a, ag bau daatteb. Nug a, ag mauhtteb. Ao, danab ah oh ele, Nug ag ulah matte, ag bau daatteb. Nug ii madatte amu, ag mauhtteb.

Sam 36:9

Aɗinu? Na aakkuib am bau dayaknu diig. Na aakkuib hee, danab ah ag bau daaglagnu keeke aon, bau daatteb.

Sam 66:9

Nug dabmekke, ig bau ena daattem, amu keeke laa he, ig neta ii qemut daattem.

Jeremaia 38:16

Jeremaia nug anam aum, amge King Sedekaia nug eɗua, aɗi hekkunu nuhig nai ɠagattag qetta, Jeremaia amegppa aum. “Iitta! Yawe, Nug ig oh bau megatte amu, Nug genab bau daatte, genab amubia da iikku attem. Da na ii nidappi mauhmana. Laa ag nidappeg mauhkkutnu hetteb ele amu, da ag eppelagppa ele ii meidpa,” awa aum. Sedekaia nug nai amu Jeremaiaib dookkunu aum. Danab laa ii doyom.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Luk 20:38

Kayak Nug danab mauhppig dilag Kayak ii daatte; Nug danab bau daatteb dilag Kayak daatte. Aɗinu? Kayak Nug nuhig dabmakppa danab oh bau daatteb,” awa aum.

Luk 3:38

Kanan mameg am Enos, Enos mameg am Set, Set mameg am Adam, Adam mameg am Kayak.

Jon 11:25

Anam a amu Jesus Nug aum. “Da am eɗua hibaittaknu diig, bauklel hanhannu diig ele. Laa nug dahilnu ooppa genab dootte ele nug mauhkku, amge nug bauklel aokku;

Jon 5:26

Mama Nug nukka nuhig bauklel ele, amubia Nug Bekka da, da ele da dakka dahil bauklel ele daakkulnu meɗom.

Duteronomi 30:20

Ag Yawe, ahilag Kayak, ag nuhignu oo mauhak doon, ag Nug oɗe dim lamidna, Nug hanhan guguittak daaglagnu tituaneg! Aɗinu? Nug am ahilag bau dayaknu diig. Ag anam hekkulag dayeb amu, ag haen elabnab ahilag wanppa daaglag. Yawe Nug wan amu ag mamelkad aɗi, Abraham, Aisak amu Jakop ele, Nug ag wan amu madakkunu nai ɠagattag qetta aum.

Kolosi 1:17

Nug keeke oh ii beppigppa dayom, amu keeke amu oh nuhig ɠagattagppa daatte.

Taitus 1:12

Anukka Krit danab ag ahilag propet laa nug nukka kobol amunu aum. Nug inam aum. “Krit danab ag nai hambuppuak danab ah. Ag am doɗ dakkuɗ nau, ag ee huanak lanana, bahilag ele yaatte,” awa aum.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 12:9

Amu ag imu ele antteg! Ig oh mamenkad wan imuppanu amu, ag ig ena bekkunignu toligna, bu iqaeg, ig ag hepppignu ahilagnu ena elele doomut. Anam amunu, ig Mamenig hab aabppa daatte ele amu, ig Nug waappanab daatu! Ig anam daatta, bauklel aognig.

Hibru 2:11

Laa amu, Jesus Nug he, danab oppiaawak betteb. Amu danab oppiaawak betteb ele, ag Nug ele oh am Mamelag laippu waappa daatteb amunu, Jesus Nug amu dilagnu, “Da lailad,” akkunu Nug uɗa ii nette.

1 Samuel 25:29

Na am naɗi dahil, amu danab laa nug na gumitta doa, nug na nidakkunu hekkutai, amge Yawe, nahip Kayak, Nug geha na danab laa nug nuhig keeke ena ena atognotte bia atognoitteb, na ii mauhmana. Yawe Nug geha nahipnu anam hekku, amge geha Nug nahip kekeɗ amu aqeb, iitta mekkulag; danab nug men ketapolppa ma, e gotte bia, anamib Yawe Nug geha nahip kekeɗ geɗatteb, gona iitta mekkulag.