Aposel 17:24 - Nobonob Baibel

²⁴ Pol nug anam ana, nug tuɗitta aum. “Amu Kayak Nug wan imu ha, keeke oh wanppa daatteb, laa ig anadttem, laa ig ii anadttem ele amu, Nug heum. Kayak amu Nug habnu, wannu ele Naɗi daatte amunu, Nug mettid lag, danab eppelagppa hetteb, amu ooppa, Nug ii daatte.

Aposel 17:24 ပူးပေါင်းရင်းမြစ်များ

Genesis 1:1

Digmak haenppa Kayak Nug hab, wan ele heum,

Genesis 14:19

Mattowa amu, nug Abram inam itittom. “Kayak Attannab Laa Oh Eɗattak Nug hab, wan ele haatom amu, Nug na itidkkunu ool daatte.

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

2 Stori 2:6

Amge auntai laa nug mettid lag nuhig amu buukkunu elele? Hab, hab waappa, hab attan ukke ukke, adekku batatte, aben amu ohppa aben laa, Nug amuppaib daakkunu elele, laa iinab daatte amunu, aun nug nuhig lag buukku? Amu da am aun, da nuhig lag buukkul? Iitta! Da lag laa, aguppa mana mettak danab ag doɗ manan, Nug mettaglag ele aakkuib buukkul.

2 Stori 6:18

Solomon nug anam unuqitta mala, nug tuɗitta inam ele unuqittom. “Amge O Kayak, na am genab nena, wan imuppa danab ele daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imuam nahipnu elelete? Am iittanab iitta.

Sam 115:16

Hab attan ukke ukke, adekku batatte, amuam Yawenu, amge nug wan danab ah oh mattom.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Sam 148:13

Amu oh ag Yawe binag meig. Aɗinu? Nug keeke oh eɗadtte; Nug onig okkai ele attannab daatte. Nuhig ɠagattag okkai naɗi ele am ɠagattag okkai naɗi ele wanppanu, habppanu ele eɗidtte.

Sam 24:1

Wan, amu keeke oh wanppa daatteb ele am Yawenuib. Yo wan, amu wanppan danab ah oh amu nuhigib.

Aisaia 40:12

Aun yu, le oh ele eppegppa gokkaɗe ukke, gane daatte doyom? Aun nug habnu elab dookkunu nug eppeg melemel daakkunu ha ma ukke, habnu okkai aakku doyom? Aun wan ohnu gappud awa, kalegppa ina aɗom? Aun nug qauko oh dilag uug dookkunu, qauko amu oh skelppa maattom? Aun nug qauko nakok oh dilag uug dookkunu qauko nakok amu oh skelppa maattom?

Aisaia 40:28

Ag Yawe, Nug Kayak hanhan daatte, Nug wan atu oh, amuppan keeke oh ele heum amu, ag amu iite dootteb? Ag amu daulagppa iite dooppig? Yawe Nug beɗu bahi ii yaatte; beɗu bodo-ii-edatte. Nuhig diignu doyak tutukku amu, laa nug oh dookkunu elele iittanab iitta.

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Jeremaia 10:11

Ag Israel danab ah, ag wanppan wan anen anen ohppan danab ah inam appeg dooglag. “Kayak hambuppuak ag bappaladtteb, ag hab, wan ele ii heppig. Ag ii heppig, amu ag wanppanu qettoɗkkulag.”

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Malakai 2:10

Ig oh mamenig laippu iittate? Kayak laippu Nug ig oh iite heikkom? Ao, ig oh mamenig laippu, Nug ig oh heikkom Anam amunu, aɗinu ig lainkad amelagppa ig keeke laa hekkunignu nai qagattem, amge ig ii hettem? Aɗinu ig mamenkad aɗi ag Kayak ele nug tituanna nai qagappig amu, ig nai qakkak amunu am keeke hamu bia doot tippalttem?

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 5:34

amge da ag amelagppa attem. Na keeke laa hekkutnu anana, na nai nahip amu keeke laa onigppa ɠagattag aib qettame. Iittanab. Na hab onig aon, nahip nai aib ɠagattag qettame. Aɗinu? Amuam Kayaknu aben.

Luk 10:21

Haen amuppa Kayak Ouɗi Nug he, Jesus Nug maɗoɗppan gamag ahak doya, Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem. Yo, Mama, na amu hekkutnu enanag doome, amunu na heme,” awa aum.

Jon 1:1

Kayak Nug keeke oh digma heum, haen amu ii nak amu Kristus, Nug onig laa Nai Kayak Ippunigtte, Nug dayom. Nug Kayak noobppa dayom amge anamib iitta, Nug ele Kayak dayom.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 4:24

Amu haen ag oh amu doona amu, ag baalag laippu mena, Kayak unuqidna inam appig. “Naɗi Yawe, na hab, wan, yu ele, amu keeke oh amuppa daatteb ele, keeke amu oh na hattame.

Aposel 7:48

Amge Kayak Attannab Laa Oh Eɗattak, Nug lag danab hetteb amuppa ii daatte. Amu propet laa nug nai amunu mattiom am inam.

Rom 1:19

Nug amu hettenu diig am, danab ag Kayak Nug attem daatte, doyak amu oh amu lokkumak ii daatte. Iitta. Am miag atiak daatte. Aɗinu? Kayak Nug nukka ag ippuanattom daatte, doyak amu ahilagppa miag atiak daatte.

Duteronomi 10:14

Antteg! Hab, hab waappa, hab attan ukke ukke, adekku batatte, aria wan, am wanppan keeke oh ele amu, amu oh am Yawe, ahilag Kayak, nuhigib daatteb.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

Hibru 3:4

Amu lag oh danab heeg daatteb, amge keeke ohnu hak diig am Kayak.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.