Aposel 17:1 - Nobonob Baibel

¹ Pol, Silas ele aa Pilipainu ahaya goya, Ampipolis teya eɗidya goya, Apolonia teya, amu ele eɗidya goya, Tesalonaika tepiɗ. Aab amuppa amu, Juda dilag nai doyak lag laa dayom

Aposel 17:1 ပူးပေါင်းရင်းမြစ်များ

Aposel 14:1

Pol, Barnabas ele aa Antiok uuya, ahai Aikoniam goya, uɗat hanhan hepiɗ ele amu, appa ele aa anam hepiɗ. Aa Juda dilag nai doyak lag ooppa noya nai mehuqpiɗ. Aa nai diig elele mehuqeheh, danab ah kuɗumnab, Juda Grik ele, ag oolagppa genab dooppig.

Aposel 15:21

Aɗinu? Ig doottem, anukkan uɗie gemu ele, aab okkai ohppa danab ag Mosesnu ɗo nai mehuqna, ag ele Sabat deɗppa Juda dilag nai doyak lag ohppa nai amu ebqetteb,” awa aum.

Aposel 16:13

Appa daatta amu Sabat deɗppa ig, “Unuqittak aben le ihippa daattetai,” atata, ig aab okkainu aɗ odppa dimittim gota, ig le ihippa gomut. Ig le amuppa gota amu ah laala ag qagmena daaegeg anadta, ig heɗep neta daatta, ag amelagppa nai mattimut.

Aposel 17:10

Ag anam heeg, Kristen ag tuqan amuppaib Pol, Silas ele maateg, aa aab amu uuya, Beria gopiɗ. Aa Beria teya amu, aa Juda dilag nai doyak lag ooppa nopiɗ.

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Aposel 17:13

Ag Jesusnu oolagppa genab dooppig, dimppa Juda laala Tesalonaikanu, ag Pol nug Beria appa Kayaknu nai mehuqtte doona, ag ahan Beria gona, ahilag hak nau amu aon, danab ah appanu oolagppa noeg, ag ahilag nai amu doon ottaina, ahan heegeg,

Aposel 20:4

Dabmeum amunu, Beria danab Sopater, nug am Pirus bekka, amu Tesalonaika danab aɗit Aristarkus, Sekundus ele, amu Derbe danab Gaius amu Timoti amu Asia danab aɗit, Tikikus, Tropimus ele, ag oh Pol ele goppig.

Aposel 27:2

Ig gokkunignu ahat oolta, uub laa aab Adramitiumnu laappa temut. Uub amuam Asia dilag aab okkainu aben ilon daattebppa oiyaya eeɗkkunu gokkunu daye, ig teta gomut. Aristarkus, nug am Makedonianu aab Tesalonaika ted, nug ig ele oh gomut.

Pilipai 4:16

Haen da Tesalonaika appa tutu mein daaiyi amu, ag da ehaniɗeg, haen aɗit batom.

1 Tesalonaika 1:1

Da Pol, Silas, Timoti ele ig nai imu Tesalonaika tamaniak, ag Mame Kayak, am ihinig Naɗi Jesus Kristus ele ouqak daatteb amu, ig ahilagnu iikku yaattem. Kayaknu ehanittak okkai hamu mettak, amu nuhig maɗoɗ ele ahilagppa daaglahnu oonig daatte.

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.

2 Tesalonaika 1:1

Pol, Silas, Timoti ele ig nai imu Tesalonaika tamaniak ahilagnu iikku yaattem. Ag ig Mamenig Kayak, amu ihinig Naɗi Jesus Kristus ele dilah danab ah daatteb.