Aposel 16:23 - Nobonob Baibel

²³ Rom dilag epeɗiak danab ag anam aeg, ban daup ag eheɗ makkuɗatna, maniguittakppa maatna, Rom dilag epeɗiak danab ag maniguittak gumak danab nug gumata auta aokkunu amegppa appig.

Aposel 16:23 ပူးပေါင်းရင်းမြစ်များ

Matyu 26:48

Amu Judas, nug Jesus dimug meum amu, nug tatam ag Jesus aɗaglagnu epponak keeke laa hekkunu amelagppa inam aum. “Da geha laa ootuqidkkul amu, danab amu aakkuib. Ag Nug aɗeg!” awa aum.

Luk 21:12

Amge haen keeke amu oh ii bebeppeg, geha danab laa ag ahan, ag dahilad amu, ag eppelagppa ag aɗualadna, ag eheɗ hattana, nai doyak lakka appa dimulag mena, diin maniguittakppa maadkkulag. Da onil ahilagppa daatte amunu, ag diin king, gawana ele noolagppa maadppeg, hettoɗiadkkulag. Da onil ahilagppa daatte amunu, ag kobol amu ahilagppa hekkulag.

Aposel 12:18

Aria, wakkaɗe gumak danab ag ootot okkai aqe, akka akka nai huan madippig. Ag appig. “Pita nug attem heum?” aon appig.

Aposel 12:4

Nug aɗa amu nug Pita maniguittak ooppa meum. Nug maniguittak gumak danab ameg waɗele, ameg ohppa danab waɗele waɗele anam daappig, ag guman daaglagnu eppelagppa meum. Herot nug Pasowanu Hobul uueb, Juda noolagppa Pita epeɗia ⌊heeb mauhkkunu⌋ dabmeum.

Aposel 16:27

Anam he, gumak danab nug aha, maniguittak lag od matulak anattowa, nug maniguittak danab oh oolna goppig anana, nug qep elab eeɗa, nug nugakka duug wa mauhkkunu heum,

Aposel 16:36

Amu gumak danab nug doya, Pol amegppa aum. “Epeɗiak danab ag nai meeg uɗiom am da na, Silas ele uhuqatppi, aa dimittim doya gokkulahnu appig amunu, aa oolah ena dayebeb ukkeɗ!” awa aum.

Aposel 5:18

Anam amu ag ahan, totol danab 12 aɗualadna, danab oh dilag maniguittak, ag amuppa maadppig,

Aposel 5:23

Ag inam appig. “Ig gota, maniguittak lag amu od lok ɠagattag aqak daaegeg, daup ag od oh gumappig anidmut. Aria, haen ig od matulmut amu, ig lag ooppa danab laa daaegeg ii anadmut,” aon appig.

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

Aposel 9:2

amegppa a, nug Juda dilag nai doyak lag Damaskus daatteb, amunu ikki danab anen anen dilag pas Saul mettom. Pas amuppa nug inam yom. “Saul nug danabte, iitta ahte ag Jesusnu oolagppa genab dootteb ele appa anadkku, nug hippalatta diia, Jerusalem uɗikku,” ana yom.

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

Pilemon 1:9

amge da oo mauhak kobol dabmein, anam hekkulnu uumi. Da na nahip oo mettak kobol dabmenana, amu hekkutnu iikku unuqidttem. Yo, da Pol, da kaino mein oittem, da gemu Kristus Jesus onignu hippalak danab daattem amu da, “Na he!” akkulnu uuen, iikku amunu unuqidttem.

Josua 4:17

Yawe Nug Josua anam amegppa a amu, Josua nug mana mettak danab amelagppa haknunab nai, “Ag Jodan le uun, audam beig!” awa aum.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.