Aposel 16:15 - Nobonob Baibel

¹⁵ Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Aposel 16:15 ပူးပေါင်းရင်းမြစ်များ

Genesis 19:3

Anam apiɗ, amge Lot nug laugppa gokkulahnu wagai me, aa goya, Lot laugppa daaeheh, Lot nug ahilah ee, amu bret yis iitta ele he lapiɗ.

Genesis 33:11

Da na keeke imu aokkutnu ool daatte. Aɗinu? Kayak Nug dahilnu oo bodoette enanag maɗoɗ ele ha, dahil keeke oh da meɗe, da elele daattem,” awa aum. Anam anana, nug wagai ma he, Esau nug keeke amu diiom.

2 King 4:8

Deɗ laappa Elisa nug Sunem aabppa ukkom. Aab amuppa ah laa nug enub nakok kuɗum ele dayom. Ah amu nug Elisa uɗieb, nug laugppa nug gamu ele, ag oh daanna, oh ee lakkulagnu nakok eeɗa ha oɗ mettom. Aakku Elisa nug haen oh uɗia, nug ah amu laugppa ee lattom.

Matyu 10:41

Danab nug Kayaknu propet laa antta, nug am propet, diig amunu nug oo metta humidtte amu, danab amu nug propet dilag nob ena ele aokku. Am danab nug genab tutukku hak danab laa antta, nug am genab tutukku hak danab, diig amunu nug oo metta humidtte amu, nug genab tutukku hak danab dilag nob ena ele aokku.

Matyu 3:6

ag hipunin ahilag miagib mattiegeg, Jon nug Jodan leppa layattom.

Luk 14:23

Anam a amu danab okkai nug maɗi nid amegppa eɗua aum. ‘Na gona, ib okkaippa, dadnu aɗ ele mattan gonana, na danab ah eeɗadppe uɗin, ooppa noig! Da laul imu ambekkunu ool daatte.

Luk 24:29

amge aa Nug hagakka aoya apiɗ. “Na i ele daatu! Aam no, uudoumde!” Anam aeh, Nug lag ooppa no oh daanna,

Aposel 11:14

nug geha na amenppa nai laala mehuqeb dooppe, Kayak Nug na, amu na baenadppa oh ag ele oh eɗua diiadkku.’

Aposel 16:31

Anam a amu aa apiɗ. “Na Naɗi Jesusnu ootppa genab dookkutoitte. Haen na anam hekkut amu, Kayak Nug na eɗua awidkku; na amu na baenadppa ele oh eɗua diiadkku,” aoya apiɗ.

Aposel 16:33

Amunu tuqan geha aakku nug aa diiata, ihilah babaitte, amu nug baekkudppa ele oh ag layattak aoppig.

Aposel 16:34

Aona amu nug diiata, laugppa ukka, ee matom. Nug, nug baekkudppa ele oh ag maɗoɗppan gamag ahak aoppig. Aɗinu? Ag Kayaknu oolagppa genab dooppig.

Aposel 18:8

Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

Aposel 8:12

Amge Pilip nug Jesus Kristusnu amu Kayaknu ɗo maɗoɗnu Nai Ena mehuqe, ag doonna, haen amuppa danab ah ele ag oolagppa genab doyeg layattom.

Aposel 8:38

Aria, Kandasinu ehanittak anuqak danab nug a, karis lamittak danab nug karis aɗe dayeye, aakku Pilip, danab amu ele, aa le amuppa noya, Pilip nug danab amu layattak mettom.

Rom 16:23

Amu Gaius, da nug laugppa daaiyi, nug da atognoiɗtte, Kristen tamaniak nug laugppa ele qagmetteb amu, nug ele ag humadtte. Amu Erastus, nug am aab imunu men doɗo gumak danab, amu ig lainig Kwartus ele, aa ele ag humadttep.

2 Korint 12:11

Da nai madittem imuam danab nug Kayak dab-ii-maama ii dim lamidttenu nai bia, amge ag akka da nai imu inam madikkulnu duttuniɗeg, da madittem. Aɗinu? Ag dahilnu, “Nug ena hette,” pasppa yaaglagnu am aib iitta, amu kobol elele, ag helob am ena, amge ag anam ii heppig. Genab, da amu keeke hamu, amge da gaɗalagib totol danab ahilkad amu ag waalagppa ii daattem.

2 Korint 5:14

Aɗinu? Kristus nuhig oo mauhak amuib ig uɗat imu hekkunignu maɗeɗikkom. Amunu diig am ig imunu tutukku ena doottem; danab laippu Nugib ig danab oh ig abeninig awa mauhom. Nug ig ounig daya mauhom, amuppa ig oh aakku mauhmut.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Epesus 1:1

Da Pol, da Kristus Jesusnu totol danab daakkulnu Kayak Nug da tituaniɗom amu, da Epesus danab ah ag Kayaknu danab ah oppiaawak ele, ag Jesus Kristusnu daaglagnu oo metta ii uuak kobol dim lamidtteb ele, da ahilagnu iikku yaattem.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Pilemon 1:17

Amunu Kristusnu oo mauhakppa na dahilnu layam enanag dooiɗttem dayeb amu, aria na da ele laippu dayaknu ootppa eleleib dookkut bia, na Onesimus amubia na ele laippu dayaknu ootppa eleleib doye!

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

2 Jon 1:10

Am aun nug ag gumatta gokku, amge nug Kristusnu nai tutukku ii maditte amu, ag nug ⌊ippunittak danab daakkunu⌋ ag laulag ooppa nokkunu aib appig. Ele amu ag nug ele laippu dayaknu oolagppa eleleib aib dooppig.

3 Jon 1:5

O lai gamal, uɗat oh na ig lainkad ehanadna hettemppa, na oo metta ii uuak kobol dim lamidna hettem. Genab, na laa ii doyadttem, amge na ag ele ehanadttem.

3 Jon 1:8

Amunu ig danab amu ehanadkkunig am ena. Kobol amuppa ig ag ele doyak diig genabibnu uɗat laippu hekkunig.

1 Samuel 28:23

Ah nug anam aum, amge Saul nug aum. “Iitta. Da ee ii lapa.” Nug anam aum, amge nuhig ehanittak danab aɗit aa ahnu nai ɠagattag qettaeh, Saul nug ahilag nai doya, Saul nug aha, niiak balalppa dayom.