Aposel 16:14 - Nobonob Baibel

¹⁴ Amu ah laa onig Lidia, nug amu Kayak noobppa dup noa binag meum ele, nug nai amu doyom. Nug am aab okkai Taiatairanu ah, amu nug lamen perpel awa me, laa daden meegeg,, amuppa nug men doɗo aottom. Naɗi Nug he, Lidianu dabmak am matulak daye, Pol nai mehuqeqe doya, dookkunu nug daug hume, oo eɗuom.

Aposel 16:14 ပူးပေါင်းရင်းမြစ်များ

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Solomonnu Ahi 5:4

Da anam awoya daaiyi, da gamul, dahilnu oo mauhtte ele, nug od matulkkunu heum; nug anam heehe amu, da ool gamag eheɗnab ahom, ⌊amge qakkak daye, matulkkunu elele iitta⌋.

Aisaia 50:5

Naɗi Yawe Nug da daul matule, da nai nuhig dookkulnu elele daattem. Da daul matule, da Nug waappa daakkulnu ii uuen, nuhig nai laa ii tappai neum. Yo, da nuhig nai ii dimettami.

Luk 24:45

Nug anam ana, Nug Kayak nai amu ag ag oolagppa tutukkunab genab maitteb dooglagnu ippuanattatta,

Jon 12:20

Amu haen amuppa Grik laala ag ele Jerusalem appa Juda danab ah ag hobul amu anidkkulagnu ukkaegeg, ag ele oh Kayak noobppa dup nona binag mekkulagnu goppig.

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 11:21

Ag anam heegeg, Naɗinu ɠagattag ag ehanattette, danab ah kuɗum ag oolagppa genab doon, oolag eɗue, ag Naɗi oolag medappig.

Aposel 13:43

Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 16:40

Ag anam aeg amu aa maniguittak lakkanu doya, aa Lidia laugppa goya, aa Kristen anadya, ɠagattag aqaknu nai laala amelagppa ayaya amu gopiɗ.

Aposel 18:7

Pol nug anam ana, nug Juda dilag nai doyak lag amu uua doa, danab laa onig Titius Jastus laugppa ukkom. Titius Jastus nug Kayak noobppa dup noa binag mak danab dayom. Nug laug am Juda dilag nai doyak lag heqo laih dayom.

Aposel 8:27

A amu, aria Pilip nug aha ukkom. Amu ibppa nug Itiopia danab laa uɗa teum. Danab amu nug am Itiopia dilag Kwin Kandasi, nuhig ehanittak anuqak danab okkai laa. Nug am danab hipab qak ele. Nug Kandasinu men doɗo oh gumttom. Danab amu nug Kayak noobppa dup noa binag mekkunu Jerusalem ukkom.

Rom 9:16

Anam amunu, Kayak Nug anam hette, amunu diig am danab laa nuhig dabmakppanu keeke iitta, uɗat ena hette amuppa ele iitta. Amuam Kayak Nug oo gai-iitta doya oo metta ehanittak kobol nuhig, Nug amuppa hette.

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Revelesen 3:20

Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.