Aposel 16:13 - Nobonob Baibel

¹³ Appa daatta amu Sabat deɗppa ig, “Unuqittak aben le ihippa daattetai,” atata, ig aab okkainu aɗ odppa dimittim gota, ig le ihippa gomut. Ig le amuppa gota amu ah laala ag qagmena daaegeg anadta, ig heɗep neta daatta, ag amelagppa nai mattimut.

Aposel 16:13 ပူးပေါင်းရင်းမြစ်များ

Matyu 13:2

Dayeye danab ah huanak uɗin qagmeppig amunu, Jesus Nug uub attan ta, heɗep na dayeye, danab ah oh ag le ihippa hippaidna daappig.

Mak 16:15

Daulag batowa, Nug ag amelagppa aum. “Ag ahan, wan atu ohppa gona, dahilnu Nai Ena danab oh amelagppa mehuqeg!

Luk 13:10

Aria, Sabat deɗppa Jesus Nug ahilag nai doyak lag ooppa danab ah nai ippuanattette,

Jon 8:2

Jesus Nug Olipnu Qaukoppa ukka dayeye, wakkaɗe buttuanab Nug eɗua uɗia, Kayaknu mettid lag ooppa no, danab ah kuɗum nug gumidna uɗieg, Nug heɗep na daya, nai ippuanattom.

Aposel 13:14

Ukke amu aa Perganu ahaya goya, aab onig Antiok, Pisidia wanppanu, amuppa teya, Sabat deɗppa aa Juda dilag nai doyak lag ooppa noya daapiɗ.

Aposel 13:42

Aria Pol, Barnabas ele aa dimittim ukkaeheh, danab ah ag inam appig. “Dimppa, Sabat laappa, aa eɗuya nai amu tuɗidya mehuqpeɗ dootu!” aon appig.

Aposel 16:16

Deɗ laa ig unuqittak abenppa ukkautut, begbeg maɗi nid ahin laa, nug ooppa ouɗi nau ele, nug ibppa uɗanig teum. Ouɗi nau amu nug he, nid ahin amu nug butti aɗi keeke aɗi bekkunu amu miag atiom amunu, nid ahin amu, nuhig gumak danab ag men doɗo kuɗumnab aodppig.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 17:2

amunu, Pol nug hettom amubia ha, nug Juda dilag nai doyak lag ooppa noa, Sabat ewam amu oh nug anam haaha, nug Kayak nai ippuanattette, nai amunu ag ele madippig.

Aposel 18:4

Ag uɗat amu henana, Pol nug Sabat deɗ ohppa amu Juda dilag nai doyak lakka noono, nug ag ele nai mattina, nug heeb Juda amu Grik ele ahilag dabmak amu eɗun, ag Jesusnu oolagppa genab dooglagnu oolag yom.

Aposel 20:7

Amu mettidnu deɗ anuqak, deɗ amuppa ig, appan Kristen danab ele oh ee laippu aognignu qagmemut. Am Pol nug wagɗeb deɗ amuppa gokkunu dayom amunu, nug nai elab danab amu amelagppa mattieye ukka, tu meum.

Aposel 21:5

Aeg, ig aab okkai amuppanu ahat gokkunignu haen miag do, Kristen danab ag, amu ag waalkad, bekkalkad, aɗelkad ele ag qagmena, omaikkeg aab okkai dimittim dota, yu ihippa gatenig qaun ota unuqidmut.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.