Aposel 16:12 - Nobonob Baibel

¹² Neapolis appanu amu, ig ahat ⌊baenigppa⌋ gota, Pilipai temut. Aab okkai amunu amu, Romnu gabman nukka tutukku dabmettom; Makedonia wanppa anuqak dayom. Ig deɗ laala aab okkai amuppa daamut.

Aposel 16:12 ပူးပေါင်းရင်းမြစ်များ

Aposel 16:10

Pol nug keeke amu anam antte, aria wagɗe ig ahat paha Makedonia gokkunignu ib mattimut. Ig amut. “Ig doottem, Kayak Nug ig oninigppa eum, ig gota Nai Ena ag amelagppa mehuqpput dooglagnu aum,” aot amut.

Aposel 16:21

Heyaya, aa kobol nau, ig Rom danab amunu gun doottem, ig amu aognignu elele iitta amu, ig amu dim lamidkkunignu attep,” aon appig.

Aposel 16:9

Aria, Troas appa tena, tuqanppa Pol nug tuleglegppa Makedonia danab laa hibaitta dayaya, Pol onigppa ewa, “Na ahan, yu mataɗna uɗin, ig ehanikke!” ii daye daye ana onigppa eewo anttom.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 19:21

Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 20:1

Oqottilag ahom amu iitta me, Pol nug Kristen onilagppa e gumidna uɗieg, nug nai laala ɠagattag aqakkunu amelagppa awowa, uuatta gokkunu dayaya, “Ena dayeg!” awowa, nug aha Makedonia ukkom.

Aposel 20:3

Grik wanppa ta, appa nug kalam ewam dayowa, amu dimppa nug aha, uub awa Siria gokkunu haaha, Juda ag nug qeppeg mauhkkunu nai qagappig doyom amunu, nug eɗua Makedonia gokkunu dabmeum.

Aposel 20:6

Amu ig Juda hobul laa, amuam Bret Yis Iitta Lanaknu Hobul, hobul amunu mettid amu ukka male, amu dimppa ig ahat, Pilipai appa uubppa teta, ig ukkautut, deɗ tanig ele uue, ig Troas teut, laa anuqna goppig amu, ig ag ele qagmemut. Ig deɗ eblaih aɗit ele appa daamut.

Aposel 27:2

Ig gokkunignu ahat oolta, uub laa aab Adramitiumnu laappa temut. Uub amuam Asia dilag aab okkainu aben ilon daattebppa oiyaya eeɗkkunu gokkunu daye, ig teta gomut. Aristarkus, nug am Makedonianu aab Tesalonaika ted, nug ig ele oh gomut.

Rom 15:26

Aɗinu? Prowins Makedonia, Akaia ele, danab appanu ag Kayaknu danab ah oppiaawak ele Jerusalem daatteb, ag keekenu tutu men daatteb amu, ag ag ehanadkkulagnu keeke nakok laa qagmaadna, ag meppeg gokkunu maidppig.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Pilipai 1:5

Aɗinu? Ag i ele oh Nai Enanu uɗat laippu digmakppanu heut, otala ukke, gemu ele ig iikku anam daattem amunu, unuqittak dahilppa da maɗoɗppan gamag ahak huan doyeye, da Kayak ag ehanadkkunu unuqittette,

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.