Aposel 15:4 - Nobonob Baibel

⁴ Ag anam henana gona, Jerusalem teeg, Kristen tamaniak danab ah amu totol danab am ikki danab ele ag ag ele laippu dayaknu oolagppa eleleib doyeg, Pol, Barnabas ele aa keeke oh Kayak he hepiɗ ele, aa amunu amelagppa madipiɗ.

Aposel 15:4 ပူးပေါင်းရင်းမြစ်များ

Matyu 10:40

Danab nug ag oo matta humadtte amu, nug da oo meɗa humiɗtte. Laa nug da oo meɗa humiɗtte amu, nug Mama, Nug da meiɗe uɗimi ele, nug Nug oo metta humidtte.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 15:12

Pita nug nai amu anam mattieye, ag qagmak amuppa daappig ele, ag nai laa ii madippig. Ag nai ii mattieg amu Pol, Barnabas ele aa nai mattieheh, amuib dabmettaegeg, aa Kayak Nug aa eppelahppa Kayak dabmettaknu kobol danab haknu elele iitta kuɗum, digdig ele, iitta aɗi oolagppa heum amunu madipiɗ.

Aposel 15:2

Ag anam aon aeg, Pol, Barnabas ele nai amu dooya, amunu ena ii dooya ahaeh, Juda ele huanak aeg ona aeg doum amunu, Kristen ag Pol, Barnabas amu danab laala oolagppa genab dooppig ele ag ahan, Jerusalem goppeg, totol danab amu ikki danab ele ag nai amu bappaidkkulagnu otiadppig.

Aposel 15:22

Jems nug nai amu a amu, totol danab amu ikki danab amu Kristen tamaniak oh ele ag nai amu bappaidna, ag danab aɗit otiatppeg, aa Pol, Barnabas ele oh Antiok gokkulagnu dabmeppig. Ag anam dabmewona, ag Judas, onig laa Barsabas, amu Silas ele, danab aɗit amu aa tamaniak ooppa anuqak daapiɗ ele, aa otiatona,

Aposel 15:3

Amu Kristen tamaniak ag heeg, ag ahan Ponisia, Samaria ele tikkun gonana, ag appan Kristen amelagppa, Kayak Nug he, iitta aɗi ag oolag eɗuom amunu amelagppa appig. Ag anam heegeg, Kristen amu ag maɗoɗppan gamag ahak okkai dooppig.

Aposel 15:6

Ag anam appig amunu, totol danab amu Kristen tamaniak ikki danab ele ag nai amu bappaidkkulagnu qagmeppig.

Aposel 16:4

Pol nug anam he, ag gona, aabaabppa oinna, totol danab, Kristen tamaniak ikki danab ele ag tatam Jerusalem qagmena nai appig amu, ag Kristen amelagppa ag nai amu ippuanadppig.

Aposel 18:27

Aa ippunitteh, amu dimppa Apolos nug prowins onig Akaia appa gokkunu he, Epesusnu Kristen oh ag nug nai doyom amu awa ukka tuɗidkkunu dabmak nuhig amu ɠagattag qedappig. Aria, Epesusnu Kristen ag danab Akaia appa Kristen meppig ele, ag amu dilag uɗug yaak laa yaan, ag Apolos ag ele laippu dayaknu oolagppa eleleib dooglagnu yaan, ⌊Apolos awa gokkunu medappig⌋. Metteg, Apolos ukka Akaia te amu, danab ah Kayaknu ehanittak okkai hamu megatte amu aona, ag oolagppa genab dooppig ele amu, Apolos nug ag ɠagattag aqom.

Aposel 21:17

Ig Jerusalem teut amu, Kristen ag ig awigna oolag megappig.

Aposel 21:19

Pol nug ag humattowa, nug keeke oh Kayak Nug iitta aɗi oolagppa nuhigppa uɗat heum, nug amunu oh amelagppa mattiom.

Rom 15:18

Da keeke laalanu ii madipa. Iitta. Da keeke laippunuib madikkul. Amuam Kristus Nug ehaniɗa, dahil naippa, dahil uɗatppa ele Nug he, iitta aɗi ⌊kuɗum⌋ ag aakku Kayak oɗe dim lamidppig.

Rom 15:7

Anam amunu, ag Kayak binag mettaglagnu Kristus Nug ag diiom bia ag oh ag lailkad diippeg, oolag laippu dayeg!

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

2 Jon 1:10

Am aun nug ag gumatta gokku, amge nug Kristusnu nai tutukku ii maditte amu, ag nug ⌊ippunittak danab daakkunu⌋ ag laulag ooppa nokkunu aib appig. Ele amu ag nug ele laippu dayaknu oolagppa eleleib aib dooppig.