Aposel 15:39 - Nobonob Baibel

³⁹ Pol anam doyom amu, aa amunu nai okkai mattiya hepiɗ amunu, aa uɗatppa laippu baula ii oidpiɗ. Iitta. Barnabas nug Jon Mak awe, aa uub laappa teya, Saiprus gopiɗ.

Aposel 15:39 ပူးပေါင်းရင်းမြစ်များ

Sam 106:33

Aɗinu? Meriba appa amu, danab ah ag Kayak oɗe tappaeg ne, Moses nug oo nauhe, nug nukka doyomnu nai, Yawe Nug akkunu aum iitta, nug nuhig nai amu ag amelagppa aum. ⌊Nug amu heum, amu diig amunu Kayak bu mettom.⌋

Sam 119:96

Wanppa amu, keeke laa enaib ii daatte. Keeke ohppa am kaliak laa daatte, amge nahip ɗo am kaliak laa iitta.

Eklisiastis 7:20

Wan imuppa genab tutukku hak danab daatteb, amge ag oolagppa laippu laa nug tutukkuib haaha, deɗ laa hipunin iinab hette laal ii daatte.

Aposel 11:20

Aria, ag anam heppig, amge ag oolagppanu danab laippu laippu, ag am Saiprus amu Sairini danab ele, ag gona, Grik danab Antiok daappig ele amelagppa Naɗi Jesusnu Nai Ena mehuqppig.

Aposel 12:12

Nug anam ana, kobol beum amunu dabma, meu anam doyom, Jon Mak anig Maria, nug laugppa ukkom. Appa danab kuɗum ag qagmena, unuqidnana daappig.

Aposel 15:2

Ag anam aon aeg, Pol, Barnabas ele nai amu dooya, amunu ena ii dooya ahaeh, Juda ele huanak aeg ona aeg doum amunu, Kristen ag Pol, Barnabas amu danab laala oolagppa genab dooppig ele ag ahan, Jerusalem goppeg, totol danab amu ikki danab ele ag nai amu bappaidkkulagnu otiadppig.

Aposel 15:37

Pol nug anam awa a amu Barnabas nug ena doya, Jon Mak ele oh gokkulagnu oo heum.

Aposel 27:4

Aria appanu ig ahat, Saidon uuta ukkautut, ulah nug eheɗ duttunikka heum amunu, ig nud Saiprus heqo laih ulah ii ukkomppa gomut.

Aposel 4:36

Ag anam heegeg, danab laa appa dayom, nug onig Josep, nug am Lewi buɗubppan mana mettak danab iitta laa, nug Saiprus ted. Nug onig Josep, amge totol danab ag nug onig Barnabas ataɗppig. Onig amu diig eɗuak amu inam; heeb oolag ɠagattag qak danab.

Aposel 6:1

Ag Jesus Kristusnu Nai Ena mehuqegeg, haen amuppa danab kuɗum Jesusnu oolagppa genab doyegeg, tamaniak amu tuɗittegeg okkai meum. Anam beebe, tamaniak danab ah oolagppa ameg laa ag Grik nai madittappig, ag ahan ameg laa Hibru nai madittappig, ag ag ele aeg ona aeg do amelagppa appig. “Ag deɗ oh uɗat imu tippaltteb. Ag ah qab ahilkad, ag ee iitta ele, ag ee madatteb, amge ag ihinkad ah qab daatteb amu, ag ii ehanadtteb,” aon appig.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

1 Pita 5:13

Amu Kristen tamaniak laa ag bia Babilon daatteb, Kayak Nug tituanattom ele amu, ag ele humattak nai ahilagppa meeg gotte. Amu da bekkal Mak nug ele humattak nai me gotte.