Aposel 15:25 - Nobonob Baibel

²⁵ Ag gona anam heeg, nai amu uɗie ig doota, ig nai mattit, oonig laippu meta, ig lainti gokkulahnu otiatmut. Amu ig lainti aɗit laa ele ig ahilahnu oonig huana hette ele, amuam Barnabas, Pol ele, aa ele aakku gokkulagnu amut.

Aposel 15:25 ပူးပေါင်းရင်းမြစ်များ

Matyu 11:26

Yo, Mama, na amu hekkutnu enanag doome, amunu na heme,” awa aum.

Luk 1:3

O danab naɗi Tiopilus, na ele keeke amunu aeg doome. Aeg doome amunu, da ele na nai doome am genabnab dookkutnu nahipnu nai amu baula yaakkulnu ool dayom amunu, da keeke amu digmakppanu ukke batakppa ele ohnu oɗmak tutukku elelenab hei, aeg doyen, iikku eleleppa yaattem.

Aposel 1:14

Danab amu ag oh oolag laippu mena, haen kuɗum danab ah laala ele oh qagmena, unuqidnana daappig. Danab ah amuam Jesus anig Maria, Jesus amakkud amu ah laala ele.

Aposel 15:2

Ag anam aon aeg, Pol, Barnabas ele nai amu dooya, amunu ena ii dooya ahaeh, Juda ele huanak aeg ona aeg doum amunu, Kristen ag Pol, Barnabas amu danab laala oolagppa genab dooppig ele ag ahan, Jerusalem goppeg, totol danab amu ikki danab ele ag nai amu bappaidkkulagnu otiadppig.

Aposel 15:22

Jems nug nai amu a amu, totol danab amu ikki danab amu Kristen tamaniak oh ele ag nai amu bappaidna, ag danab aɗit otiatppeg, aa Pol, Barnabas ele oh Antiok gokkulagnu dabmeppig. Ag anam dabmewona, ag Judas, onig laa Barsabas, amu Silas ele, danab aɗit amu aa tamaniak ooppa anuqak daapiɗ ele, aa otiatona,

Aposel 15:35

Aria Pol, Barnabas ele aa Antiok daaeheh, aa danab kuɗum laala ele oh ag Naɗinu nai mehuqna, danab ah ippunadppig.

Aposel 15:6

Ag anam appig amunu, totol danab amu Kristen tamaniak ikki danab ele ag nai amu bappaidkkulagnu qagmeppig.

Aposel 2:1

Aria, haen Juda dilag deɗ okkai onig Pentikos, deɗ amu uɗie, laa Jesusnu oolagppa genab dooppig, ag oh aben laippu appa qagmeppig.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

Rom 16:12

Ag humittak dahil Tripina amu Triposa ele mateg! Aa Naɗinu uɗatppa wagai mettep. Ag humittak dahil Persis metteg! Nug am da layalnab. Nug am ah laa nug Naɗinu uɗat okkainab heum.

1 Korint 1:10

O lailad, da Naɗi Jesus Kristus onigppa ag unuqadttem, ag obatak obatak daamnanu ag oolag laippu dayeg! Ag dabmak laippu, aɗi haknu laippu ele daaglagnu ag oolag laippunab dayeg!

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Epesus 6:21

Ag da attem daattem, da aɗi hettem ele amu, ag amu dooglagnu Tikikus, nug da ele, i oh Naɗinu oonihppa genab doottep, nug da layalnab, nug Kayaknu maɗi nid genab, nug geha amu oh mattieb dooglag.

Kolosi 4:7

Ig lainignab Tikikus, nug geha da attem daattem imu ohnu mattieb, ag dooglag. Nug am ig ele uɗat laippu, amu nug Naɗinu maɗi nid nug uɗat nuhig oo metta ii uuak kobolppa hette.

Kolosi 4:9

Amu da hei, Onesimus Tikikus ele oh gottep. Onesimus nug ele am ig lainignab, nug ele am Naɗinu maɗi nid nug uɗat nuhig oo metta ii uuak kobolppa hette, amu nug am ag ele aab laippuppanu. Danab aɗit amu aa geha aɗi keeke oh ippa ihinignu bette ele amu, aa amunu mattiglah.

Pilemon 1:16

Nug tatam nahip begbeg maɗi nidib dayaya uɗat heum, amge gemu nug am nahip begbeg maɗi nid aakkuib ii daatte. Iitta. Gemu amu nug na ele, aa oh Jesusnu oolahppa genab doottep amunu, nug na amap ele daatte. Da nuhignu ool mauhtte, amge gemu na nuhignu oot huana mauhkku. Aɗinu? Nug gemu danab, amge danab hamu iitta, nug Kristen danab daatte amunu, nug nahip uɗat pehettak haaha, ooppa genab doyakppa nug am na amap ele daatte.

2 Pita 3:15

Naɗi Nug danab dilagnu oo bodoettak ele dootte, Nug amuppa ag oolag eɗueb, Nug ag eɗua diiadkkunu haen madatte, ag amunu dabmenan antteg! Amu ig lainignab Pol, Kayak Nug nug ele doyak dabmak ena ele mettom, uɗug ahilagnu yom amu, nai imu amuppa ele anam daatte.