Aposel 15:23 - Nobonob Baibel

²³ ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 15:23 ပူးပေါင်းရင်းမြစ်များ

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 11:20

Aria, ag anam heppig, amge ag oolagppanu danab laippu laippu, ag am Saiprus amu Sairini danab ele, ag gona, Grik danab Antiok daappig ele amelagppa Naɗi Jesusnu Nai Ena mehuqppig.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 15:1

Pol, Barnabas ele aa Antiok appa Kristen tamaniak ele daaegeg amu, danab laala ag Juda wanppanu uɗina, Kristen amelagppa appig. “Laa nug Jesusnu ooppa genab dootte amu, nug gaɗa ele otaɗak awaɗ! Laa ag Mosesnu ɗo amu ii dim lamidna, gaɗa otaɗak ii aoglag amu, aria geha Kayak Nug ag eɗua ii diiadma,” aon ippunadna appig.

Aposel 15:2

Ag anam aon aeg, Pol, Barnabas ele nai amu dooya, amunu ena ii dooya ahaeh, Juda ele huanak aeg ona aeg doum amunu, Kristen ag Pol, Barnabas amu danab laala oolagppa genab dooppig ele ag ahan, Jerusalem goppeg, totol danab amu ikki danab ele ag nai amu bappaidkkulagnu otiadppig.

Aposel 15:22

Jems nug nai amu a amu, totol danab amu ikki danab amu Kristen tamaniak oh ele ag nai amu bappaidna, ag danab aɗit otiatppeg, aa Pol, Barnabas ele oh Antiok gokkulagnu dabmeppig. Ag anam dabmewona, ag Judas, onig laa Barsabas, amu Silas ele, danab aɗit amu aa tamaniak ooppa anuqak daapiɗ ele, aa otiatona,

Aposel 15:4

Ag anam henana gona, Jerusalem teeg, Kristen tamaniak danab ah amu totol danab am ikki danab ele ag ag ele laippu dayaknu oolagppa eleleib doyeg, Pol, Barnabas ele aa keeke oh Kayak he hepiɗ ele, aa amunu amelagppa madipiɗ.

Aposel 15:41

Anam aeg amu, aa goya, Siria, Silisia ele tikkui goya, Kristen tamaniak ɠagattag aqapiɗ.

Aposel 18:18

Juda danab ag Pol aɗan anam heppig, amge Pol nug paha aab laappa ii ukkom. Iitta. Nug deɗ nakok kuɗum appa dayowa, dimppa nug Kristen tamaniak appanu uuatta, nug Siria gokkunu ukkom. Nug Prisila Akwila ele oh goppig. Amu Pol nug matu Kayak amegppa keeke laa genabnab hekkunu nai ana qakkom amunu, nug Juda dilag kobol dim lamitta, Senkria appa nug he, danab laa nug nug ikki uɗug hoiye ukkom.

Aposel 21:25

Amu iitta aɗi ag Jesusnu oolagppa genab doon, Kristen beppig daatteb ele, ag kobol aɗi ii hemananu amu ig anukka nai amu uɗugppa yaata, meut ukke, ag amunu dabmekkulagnu dooppig. Uɗug amuppa ig iitta aɗi ag doɗ, danab ag doɗ amu main kayak hambuppuak dottolkad madappig ele, ag doɗ amu teppu, doɗ tiig ele, amu danab ag doɗ muɗippa o eppelagppa baag aɗaeg mauhom, amu ele ii lamananu, ag gappai kobol ele ii hemananu yaamut.” Ag Pol amegppa anam appig.

Aposel 21:3

Aria, gotata ig nud Saiprus anidta, nanehppa eɗidta gota, Siria nota amu Tair eeɗmut. Uubppan keeke appa hipaglagnu dayom.

Aposel 23:26

“Da Klodias Lisias, da ad uɗug imu danab naɗi, gawana Peliksnu iikku yaattem. Da na humidttem.

Aposel 6:9

amge danab laala ag Stiven ele oolag laippu iitta, ag heeg, ag nug ele nai aeg ona aeg doum. Danab amu ag Juda dilag nai doyak lakka, ag lag amunu, Danab Begbeg Maɗi Nid Iitta atteb ele amu, ag lag amuppa godappig. Danab amu ag am Sairini, Aleksandria, Silisia, Asia elenu uɗiak.

Galesia 1:21

Amu dimppa amu da Siria prowins, am Silisia prowins, amu dilagppa ele gomi,

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

2 Jon 1:10

Am aun nug ag gumatta gokku, amge nug Kristusnu nai tutukku ii maditte amu, ag nug ⌊ippunittak danab daakkunu⌋ ag laulag ooppa nokkunu aib appig. Ele amu ag nug ele laippu dayaknu oolagppa eleleib aib dooppig.

2 Jon 1:13

Da daattem imuppa, ah laa na nug ele am eappinag amu, Kayak Nug ah amu nuhig tituanom ele, nid nuhikkud ag na humidtteb.

2 Jon 1:3

Anam amu, ig Mamenig Kayak, Nug Bekka Jesus Kristus ele, aa doyak diig genabib, oo mauhak kobol ele dim lamidya, aa ehanittak okkai hamu mettak, oo gai-iitta doya oo metta ehanittak, amu maɗoɗ ele ig mekkaglah.

3 Jon 1:14

Da paha na gumitte gokkulnu dabmettem. Da gumitte goppi, na da ele nug iɗu anidɗaɗa, nai mattignih.