Aposel 15:22 - Nobonob Baibel

²² Jems nug nai amu a amu, totol danab amu ikki danab amu Kristen tamaniak oh ele ag nai amu bappaidna, ag danab aɗit otiatppeg, aa Pol, Barnabas ele oh Antiok gokkulagnu dabmeppig. Ag anam dabmewona, ag Judas, onig laa Barsabas, amu Silas ele, danab aɗit amu aa tamaniak ooppa anuqak daapiɗ ele, aa otiatona,

Aposel 15:22 ပူးပေါင်းရင်းမြစ်များ

2 Samuel 3:36

Danab ah oh ag Dawit heum anidna, ag amunu ena dooppig. Ge, King Dawit nug aɗi aɗi heum ele amu, ag amu anidnana, ag amunu ena dooppig.

2 Stori 30:12

King, nuhikkud ehanittak anuqak danab ele ag Yawe Nug ag Pasowanu aɗi hekkulagnu ippuanattom hekkulagnu haknunab appig amu, Juda appa Kayak Nug he, Juda danab ah ag nai amu dim lamidkkulagnu dabmak amu aon dayeg, dabmak amu ɠagattag dayom.

2 Stori 30:4

Ag maittak amu aoppig amu, King Hesekaia, danab ah oh appa daappig ele, ag oh maittak amunu, “Am maittak tutukku,” dooppig.

Aposel 1:23

Pita nug anam a, aria ag danab aɗit otiatppig. Laa amu Sabas bekka Josep, onig laa Jastus. Am danab laa amu Matias.

Aposel 11:19

Amu ag Stiven qeeg mauhe, amu dimppa ag tamaniak heppeg nauhkkunu heppig, diig amunu danab ag oolagppa genab dooppig ele, ag matatun goppig amu, ag Ponisia, Saiprus amu Antiok ele batak gona daappig. Daanna, ag danab oh amelagppa Nai Ena ii mehuqppig. Iitta. Ag Juda danabib amelagppa Nai Ena mehuqppig.

Aposel 11:20

Aria, ag anam heppig, amge ag oolagppanu danab laippu laippu, ag am Saiprus amu Sairini danab ele, ag gona, Grik danab Antiok daappig ele amelagppa Naɗi Jesusnu Nai Ena mehuqppig.

Aposel 11:22

Ag Naɗinu oolagppa genab doyeg, Kristen tamaniak Jerusalemnu ag nai amu doona heeg, Barnabas Antiok ukkom.

Aposel 11:27

Aria, haen amuppa propet laala ag Jerusalemnu ahan Antiok noppig.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 15:25

Ag gona anam heeg, nai amu uɗie ig doota, ig nai mattit, oonig laippu meta, ig lainti gokkulahnu otiatmut. Amu ig lainti aɗit laa ele ig ahilahnu oonig huana hette ele, amuam Barnabas, Pol ele, aa ele aakku gokkulagnu amut.

Aposel 15:27

Ig Judas, Silas ele aakku maatut goya, aa oɗelahppa nai ig yaamut ele ɠagattag qettaglahnu gottep.

Aposel 15:3

Amu Kristen tamaniak ag heeg, ag ahan Ponisia, Samaria ele tikkun gonana, ag appan Kristen amelagppa, Kayak Nug he, iitta aɗi ag oolag eɗuom amunu amelagppa appig. Ag anam heegeg, Kristen amu ag maɗoɗppan gamag ahak okkai dooppig.

Aposel 15:30

Aria, Kristen tamaniak ag otiatna, maatteg gona, Antiok nona amu ag Kristen tamaniak qagmaattan, ag uɗug yaak amu madappig.

Aposel 15:32

Amu Judas, Silas ele, aa am propet amunu, aa nai meu ele Kristen ippunadya ɠagattag aqapiɗ.

Aposel 15:40

Anam amge Pol nug Silas tituane, gokkulahnu daaeheh, Kristen ag, “Naɗinu ehanittak okkai hamu megatte ahilahppa dayaɗ!” aon appig.

Aposel 16:19

Aakku nid ahin amunu gumak danab ag ahilag men doɗo awaknu diig amu iitta meum anidna, ag Pol, Silas ele aɗualatna eeɗatna, danab gumaknu ehah ele noolagppa ee oɗiak abenppa goppig.

Aposel 16:25

Qagate, aa anam daayya, tuqan tugmag Pol, Silas ele Kayak unuqidya daayya, ahi ele ettayya daapiɗ. Anam heeheh, maniguittak danab laa ag doyatppig.

Aposel 16:29

A amu maniguittak gumak danab nug doya, amahlaknu ewa, maniguittak lag ooppa noa, nug ottaia baɗaɗa, nug Pol, Silas ele baelahppa na qeum.

Aposel 17:10

Ag anam heeg, Kristen ag tuqan amuppaib Pol, Silas ele maateg, aa aab amu uuya, Beria gopiɗ. Aa Beria teya amu, aa Juda dilag nai doyak lag ooppa nopiɗ.

Aposel 17:14

amu Kristen ag paha ahan, Pol aon meeg noa, yu ihippa gokkunu ugekke, Silas, Timoti ele, aa amu Beria daapiɗ.

Aposel 17:4

Pol nug Jesus Kristusnu nai mehuqe doona, Juda danab ah laala ag Jesusnu oolagppa genab doon, Pol, Silas ele dim lamatppig. Grik danab kuɗum, ag Kayaknu ebehilkad oh bodoetta le meum ele amu, ag ele Jesusnu oolagppa genab doon, Pol Silas ele dim lamatppig, amu ah okkai kuɗum ele ag ele anam heppig.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 8:14

Pilip anam he, totol danab 12 Jerusalem daappig ag Samaria danab ah Kayak nai doon, oolagppa genab dooppig doyona, ag heeg, Pita, Jon ele noya anadpiɗ.

2 Korint 1:19

Aɗinu? Silas, Timoti amu da ele ig ag oolagppa nai mehuqmut amu, nai amuam Kayak Bekka, Jesus Kristusnu nai. Amu Kristus Nug “ao” amu “iitta” ele ii ouaqatom. Iitta. Kristus Nug aɗi atte am genabib atte.

1 Tesalonaika 1:1

Da Pol, Silas, Timoti ele ig nai imu Tesalonaika tamaniak, ag Mame Kayak, am ihinig Naɗi Jesus Kristus ele ouqak daatteb amu, ig ahilagnu iikku yaattem. Kayaknu ehanittak okkai hamu mettak, amu nuhig maɗoɗ ele ahilagppa daaglahnu oonig daatte.

2 Tesalonaika 1:1

Pol, Silas, Timoti ele ig nai imu Tesalonaika tamaniak ahilagnu iikku yaattem. Ag ig Mamenig Kayak, amu ihinig Naɗi Jesus Kristus ele dilah danab ah daatteb.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!