Aposel 15:20 - Nobonob Baibel

²⁰ Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

Aposel 15:20 ပူးပေါင်းရင်းမြစ်များ

Genesis 35:2

Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

Genesis 9:4

amge ag doɗ teppu tiig ele, bau am tiigppa daatte amu, ag amu lakkulagnu elele iitta.

Eksodas 20:23

Ag kayak hambuppuak dottolkad aib hoiyadna, ag da noolppa dup nona, da binal menana, kayak amu ele noolagppa dup nona, aib binalag meppig; ag daib noolppa dup nona, da binal mekkulag. Ag kayak hambuppuak noolagppa dup nona binalag mekkulagnu, ag dottolkad golppa, o silwappa ele aib heppig,’ ” awa aum.

Esekiel 33:25

Ag anam atteb amunu, na ag amelagppa, ‘Naɗi Yawe Nug inam atte,’ awona, na imu ele appe doyeg! ‘Ag doɗ teppu tiig ele latteb, ag kayak hambuppuak dottolkad binalag metteb, amu ag lailkad ele aqaeg mauhtteb amunu, ag wan imu ahilag daakkunu genab eɗun aon daaglagte? Iitta!

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

Daniel 1:8

Amu king nug nid danab amu dilag ee, wain ele ag mattaglagnu aum, amge ⌊ee, le ele amuam Kayak Nug ag Israel ag ee, le ele aɗi aɗi lakkulagnu ɗo ag mattom, amu ee le ele amuam ɗo atte bia iitta⌋ amunu, Daniel nug kingnu ee, wain ele amu lanana heeb, Kayaknu neekkakppa ooppa dubuttid tak ele daamanu dabmak awa aɗe, dabmak amuam ɠagattag eppa dayom. Daniel nuhig dabmak anam daye, nug ee, wain ele amu lab, nug Kayaknu neekkakppa dubuttid tak ele daamanu, nug kingnu ikki danab dilag okkai am ee amu, wain amu ele ii lamanu oɗ mettom.

Lewitikas 18:6

“Ag aib laa tiilag laippuppan ele beɗuppa wanak heppig. Da Yawe, da iikku attem.

Lewitikas 19:26

Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Namba 25:2

Moap ah ag Israel danab ele niiona amu, ag danab amu gona, ag kayak hambuppuak ahilkadnu mana mettak hekkulagppa oh daaglagnu appig. Moap ah ag anam aeg, Israel danab ah kuɗum ag ele oh gona, ag appa ee lanana, kayak hambuppuak amu noolagppa dup nona binalag meppig.

Aposel 15:29

‘Ag doɗ, danab ag doɗ amu main kayak hambuppuak dottolkad madappig ele amu, ag doɗ amu teppu ii lamana. Ag doɗ tiig ele ii lamana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag gappai kobol ele ii hemana.’ Ag keeke amu oh tutukku dabmettan, ii hemana am ena. Aakkuib. Ag ena daaglagnu oonig daatte.” Ag anam yaappig.

Aposel 21:25

Amu iitta aɗi ag Jesusnu oolagppa genab doon, Kristen beppig daatteb ele, ag kobol aɗi ii hemananu amu ig anukka nai amu uɗugppa yaata, meut ukke, ag amunu dabmekkulagnu dooppig. Uɗug amuppa ig iitta aɗi ag doɗ, danab ag doɗ amu main kayak hambuppuak dottolkad madappig ele, ag doɗ amu teppu, doɗ tiig ele, amu danab ag doɗ muɗippa o eppelagppa baag aɗaeg mauhom, amu ele ii lamananu, ag gappai kobol ele ii hemananu yaamut.” Ag Pol amegppa anam appig.

1 Korint 5:11

Amge da nai aakku yaami, amu diig am inam. Danab laa nug ag ele Kristen tamaniak ooppa laippu laa daattenu atte, amge nug gappai kobol hette, o nug baubau awaknu hik qak kobol dim lamidtte, o nug kayak hambuppuak binag mette, o nug laanu baeg qak nai atte, o nug le ɠagattag la kaaka qette, o nug nai ittag ele mattiaya yabhoi hak danab daatte amu, ag Kristen danab ag danab anambia ele aib tamanippig; ag nug ele ouqak aibnab daappig.

1 Korint 6:13

Ee nug ig oonignu daatte, ig oonig nug ee aokkun daatte, amge aa oh am gemunuib. Kayak heeb, aa oh iitta mekkulah. Aria, ee nug ig oonignu daatte, ig oonig ee aokkunu daatte, amge ig beɗunig amu, ig amuppa gappai hekkunignu ii daatte. Iitta. Ig beɗunig am Naɗinu keeke, amu Naɗi Nug ig beɗunig atognotte.

1 Korint 6:18

Ag gappai kobol uun qe-eɗidna oolna ukkeg! Aɗinu? Ag “Hipunin aɗitai danab hette, amuam beɗu dimittimnu keeke,” atteb, amge iitta! Laa gappai hette ele amu, hipunin amuam nug beɗu uug medatte.

1 Korint 6:9

Ag imu iite dootteb? Danab ag nau hetteb ele amu, ag Kayaknu ɗo maɗoɗ ooppa ii daamna. Na nakka nahipnu aib hambuppume. Aun aɗi ag gappai hetteb, o aun aɗi ag kayak hambuppuak binalag metteb, o aun aɗi ag ewau pakkua gappai hak danab daatteb, o aun aɗi ag danab danabib, o ah ahib gappai aɗatteb,

1 Korint 7:2

Amge gappai kobol iɗu iɗu daatte amunu, danab oh anen anen ag ah diiglag, amu ah ag ele ag anen anen ahilag danab diiglag am ena.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

2 Korint 12:21

Am da eɗue ag gumatte goppi, Kayak Nug ag matu hipunin heppig, Nug hipunin amu ippuniɗeb, ag noolagppa da uɗal nekkunu ool ii daatte. Geha da danab ah kuɗum ag hipunin digdig, kobol dubuttid ele, gappai kobol, hipaɗu ahak kobol ele heppig, ag amunu oolag ii eɗuom ele anttena amu, da amunu gaakkul, amge da anam antten gaakkulnu ool ii daatte.

Galesia 5:19

Ag beɗunu kobol amu ag aakku dootteb. Amu inam. Gappai kobol digdig, kobol dubuttid ele, hipaɗu ahak kobol,

Epesus 5:3

Amge gappai kobol, o iitta kobol dubuttid ele, o iitta baubau awaknu hik qak kobol, amuam ahilagppa nakoknab laa aib dayom. Aɗinu? Ag am Kayaknu danab oppiaawak ele amunu, ag kobol amu hekkulagnu am tutukku iitta.

Duteronomi 12:16

Ii lanaknu daatte amu tiig aakkuib. Ag tiig amu le bia gokkaɗppeg wanppa ukkaɗ!

Duteronomi 14:21

Doɗ ag akka mauhtteb amu, ag aib lappig. Ag doɗ amu wan laihnu danab, ag uɗin, ahilkad aab adekkuppa, ag oolagppa daatteb madappeg lakkulag, o ag heppeg, wan laihnu danab ag daden mekkulagnu elele. Ag akka amu aib lappignu diig am, Yawe, ahilag Kayak, Nug ahilagnu, nuhignu tituanak daatteb anadtteb. Ag meeme nag, anignu huhppa aib badippig.

Duteronomi 15:23

Amge ag tiig amu aib lappig. Tiig am, ag le bia wanppa gokkaɗppeg ukkaɗ!

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

1 Tesalonaika 4:3

Kayak Nug ag oppiaawak daaglagnu, ag gappai kobol ii hemananu,

Hibru 12:16

Danab laa nug gappai kobol dim lamidmanu, o laa nug Esau, nug Kayaknu nuhig haknu ele uuak danab, nug nid danab tatamnu itittak ena amunu hamu doya, Jakop nug ee nakoknab, geha iikkunuib metteb, nug itittak ena amu Jakop medakkunu a mette lawowa, itittak mettom ele amu, laa nug Esau bia oimanu ele dabmeig!

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.

Revelesen 10:2

Nug buk itoɗiak nakok uhuqak ele eppegppa aɗe dayom. Dayeye amu nug baeg naɗiap amu tikkaɗa, yu qaɗeppa tappowa, naneh amu wan qaɗeppa tappa hibaitta,

Revelesen 10:8

Anam a amu, da hab aabppanu baag laa tatam doomi ele am baula da amelppa nai mattieye doomi. Nug aum. “Na wana, buk itoɗiak nakok, uhuqom ele amu, na engel nug wan, yu ele tappata hibaittom daatte, na nug eppegppanu awe!” awa aum.

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.

Revelesen 2:20

Amge eheɗ hak nahip laippu imunu da na amenppa iikku attem. Na ah Jesebel, nug nuhig haknu amu, na nug amegppa aib ii attem. Nug, ‘Da am propet ah,’ awa atte, amge nug anam ii daatte. Nug ippunittak hette, amuppa nug he, dahil maɗi nid ag gappai kobol hena, laa doɗ main kayak hambuppuak dottolkad madappig ele, ag doɗ amu ele latteb.

Revelesen 9:20

Danab laa oh, daup amu ag keeke nau amuppa ii aqaeg mauhppig ele amu, ag oolag ii eɗue, eppelagppa keeke laala hadappig amu ag ii uuppig. Iitta. Ag tuɗidna, kayak hambuppuak dottolkad golppa, silwappa, brasppa, menppa amu adppa ele eppelagppa hadappig amu, ag amu noolkadppa dup nona, binalkad meppig. Kayak hambuppuak dottolkad amu ag ii neegtteb, ag nai ii dootteb, amu ag ele oiglagnu elele iitta. Aria, ag ouɗi nau binalag mak kobol ahilag ele ii uuppig.

1 Samuel 14:32

Ag beɗulag gai-iitta me, enug eheɗ ele aqom amunu, ⌊deɗ amu male, ag Saulnu nai ɠagattag, nuhig haen am aakku iitta me,⌋ Israel daup ag dabmak pehettak iitta eleppa sipsip, makau okkai, makau nakok ele kekeɗ dilagppa diippig amu, ag amu diin aqana, mauhnoak wanppa tuqan, teppu tiig ele lappig.

1 Samuel 14:33

Ag anam heegeg, laa ag Saul amegppa appig. “Antte! Danab ag teppu umu tiig ele latteb amunu, amuppa ag Yawenu ɗo tippalna, hipunin hetteb,” aon appig. Ag anam aeg, Saul nug nai amu doya, nug aum. “Ag genab Kayak nai dim lamidkkulagnu aakku uuppig!” awa aum. Nug anam anana amu, nug nai tuɗitta aum. “Ag paha men okkai laa duttunppeg, itoɗia teebeb, duttunppeg itoɗia neebeb uɗiaɗ!” awa aum.