Aposel 15:13 - Nobonob Baibel

¹³ Pol, Barnabas ele aa nai amu mattiya malaeh amu Jems nug aum. “O lailad, da nai imu appi ag doyeg!

Aposel 15:13 ပူးပေါင်းရင်းမြစ်များ

Mak 15:40

Amu Jesus Nug ad emaitakppa dayeye, ah laala ag piɗe daanna, neegna daappig. Ag oolagppan laa am Maria, Makdala ted, laa amu Jems gehanu Josep ele anilah Maria, laa am Salome.

Aposel 12:17

Ottaina dabmak kuɗum aoeg, nug eppegppaib toettaglagnu awowa, Naɗi attem he nug maniguittak ooppanu dimittim doumnu amelagppa mattiom. Nug amunu mattia mala, nug, “Ag Jems amu ig lainkad laala ele imunu appeg doyeg!” awa aum. Anam awowa, nug laih ukkom.

Aposel 15:14

Saimon nug ig amenigppa a, ig aakku doomut. Amuam digmakppa Kayak Nug iitta aɗi ehanadkkunu dabmaama, nug ahilagppa na, Nug danab ah amu oolagppanu danab ah nuhikkud diiattom.

Aposel 2:14

Ag anam aon aeg amu, Pita aha hibaitte, totol danab 11 amu ele ahaeg, nug huana ewa, danab ah ag tutukku doona maidkkulagnu inam aum. “Juda danab ag, amu danab ag gemu Jerusalem ippa ina daatteb ele, ag oh da nai madippippi, ag daulag human dabmebeppeg, da keeke imunu diig mehuqppi doyeg!

Aposel 2:22

Amu Israel danab ag nai imu doyeg! Da ag amelagppa Jesus, Nasaret ted, nuhignu appi dooglag. Ag akka aakku dootteb, Kayak Nug ehanitte, Nug ag oolagppa kobol danab haknu elele iitta, uɗat ɠagattagnab, Kayak dabmettaknu kobol danab haknu elele iitta digdig heum. Kayak he, Jesus anam heum, amuam Kayak Nug Jesus me neum ippunadtte.

Aposel 2:29

Nug anam ana, nug nai tuɗitta aum. “O lailad, Dawit nug nai amu mattiom amu, nug nuhignu ⌊aakkuib⌋ dabmaama ii mattiom. Ig amu genabnab daatte attem doognig am, Dawit nug mauhe boumeg; nuhig boumak aben ig oonigppa gemu iikku daatte.

Aposel 21:18

Oolag mekke, wagɗe deɗ amuppa Pol nug ig ele oh Jems anidkkunignu ukkaut, Kristen tamaniak ikki danab oh ag Jems ele daaegeg,

Aposel 22:1

“O da lailad, mamelad aɗi, da ahilag nai amu nob mebippi, ag daulag human dooglagnu oɗ madattem,” awa aum.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

Galesia 2:12

Nug Jems laikkud laala Antiok ii beppig haenppa amu, nug iitta aɗi danab ele daanna, oh ee lappig, amge danab amu ag beeg amu, aria nug danab amu, ag am gaɗa otaɗak kobolnu ɠagattag dabmetteb ele amu, nug ag baɗatta, iitta aɗi ele daappig amu eɗua uuatta, laikkudib ele daappig.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.