Aposel 15:10 - Nobonob Baibel

¹⁰ Ig anam anidttem, amge ag iitta aɗi ag Juda dilag ɗo oh dim lamidkkulagnu atteb, amuppa ag keeke uug ele aon, Kristen qaɗelagppa mena hetteb. Anukka ig mamenkad amu ig ele uug amu mawaknu amu elele iitta. Ag aɗinu Kayak ma anttak anam mettaglagnu hetteb.

Aposel 15:10 ပူးပေါင်းရင်းမြစ်များ

Eksodas 17:2

danab ah ag Moses ele aeg ona aeg do, ag appig. “Le mekke! Ig le lakkunig,” aon appig. Aria, Moses nug eɗua amelagppa aum. “Aɗinu ag da ele nai aut ona aut dotte? Aɗinu ag Yawe ma anttak medatteb?” awa aum.

Aisaia 7:12

Aisaia nug anam Ahas amegppa aum, amge Ahas nug aum. “Iitta. Da at laa anidkkulnu ii oɗ medapa. Da Yawe ma anttak ii medapa. Da amu hekkulnu dab-ii-mettem,” awa aum.

Matyu 23:4

Ag keeke uug ele itan, danab gukkalkadppa mattaeg maotteb, amge ag akka ag eppelag doɗo laa uug amu maoglagnu nakok ii meeg otte.

Matyu 4:7

Nug anam a amu, Jesus Nug aum. “Kayak naippa, nai laa ele inam daatte. ‘Na Naɗi, nahip Kayak, na Nug ma anttak aib mettame,’ ” awa aum.

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

Galesia 5:1

Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Hibru 3:9

Aben amuppa ag mamelkad aɗi ag da ma anttak okkai meɗanna, ag da aɗi aɗi hemi maɗ 40 aakku anidppig.

Hibru 9:9

Amu oh am ig gemu haen imu daattem am keeke ippunigtte. Amuam danab ah ag ɗo iɗu iɗu Kayak mettanna, mana mettak iɗu iɗu ele heppig, amge keeke amu oh, danab heppig ele am heeb, danab amu dilag hipunin uhuqa mettak daaglagnu elele iitta.