Aposel 14:22 - Nobonob Baibel

²² Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Aposel 14:22 ပူးပေါင်းရင်းမြစ်များ

Aisaia 35:3

⌊Anam bekku amunu, ag dahil nai doon, Yawenu oolagppa genab dootteb ele,⌋ ag danab ah ag dabmak ahilagppa, “Ig ebehinig iitta,” doon, ag ahilag dabmakppa, “Ig am gai-iitta daattem,” ele doon oitteb amu, ag ag ehanadna,

Matyu 10:38

Laa ele, danab nug nuhig ad emaitak awa, da dim ii lamiɗtte, nug da layal iitta.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 19:24

Da baula ag amelagppa attem, doɗ kamel nug koitaknu tutui giɗoppa noa laih gokkunu am uug ele, amge danab enub kuɗum ele, nug Kayaknu ɗo maɗoɗ ooppa gokkunu, amuam uug okkainab ele,” awa aum.

Mak 10:30

nug wannu haen imuppa hamu ii daama. Iitta! Nug lag, awakkud, amakkud, apakkud, appinkkud, anikkud, nid naunau amu dad okkai ele tuɗitta, 100 baula aokku. Nug amu awebeb, laa ag ele nug eheɗ hettaglag. Laa ele amu, butti aɗi haen amu uɗieb, nug bauklel hanhannu aokku.

Mak 9:47

Laa ele amu na amen he, na hipunin hettem dayeb, na amen laih amu kehan, maoppe ukkaɗ! Na amen laihigib ele daanna hab aabppa gokkut, amuam ena. Amge na amen aɗit oh ele daappe, ag na mawidppeg padal mak abenppa gokkut, amuam ena iitta.

Luk 24:26

Nug anam anana, Nug aa amelahppa nai tuɗitta aum. “Propet ag Kristus Nug ⌊hipunin uhuqkkunu,⌋ Nug guittak aokkununab daya awowa, anuqak abenppa daakkunu, ag Kayak oɗe aon, amunu iite yaappig?” awa aum.

Jon 15:18

Wan imuppan danab ah wannu kobol dim lamadtteb ele, ag oolagppa ahilagnu nau ninig ele dooppeg amu ag doyeg! Danab ah amu ag tatam dahilnu anam dooppig.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Aposel 11:26

antta, nug omale Antiok ukkaeh, maɗ laippu Kristen tamaniak appanu ele daanna, aa danab ah kuɗumnab Kayak nai ippunadpiɗ. Antiok appa danab ag tatam digmena, danab ag Jesusnu oolagppa genab dooppig, ag ahilagnu, Kristen appig.

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Aposel 13:43

Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Aposel 14:20

Ag anam heppig, amge laala Jesusnu oolagppa genab dooppig ele, ag uɗin, Pol niieye talilidna daaegeg, nug eɗua aha aab amuppa noum. Aria, wagɗe deɗ amuppa nug Barnabas ele aa Derbe gokkunu gopiɗ.

Aposel 14:28

Aa Kristen tamaniak amelagppa goya uɗat hepiɗ amunu awoya, aa haen elab ag ele appa daappig.

Aposel 15:32

Amu Judas, Silas ele, aa am propet amunu, aa nai meu ele Kristen ippunadya ɠagattag aqapiɗ.

Aposel 15:41

Anam aeg amu, aa goya, Siria, Silisia ele tikkui goya, Kristen tamaniak ɠagattag aqapiɗ.

Aposel 18:23

Amu Pol nug ukka Antiok noa, nug appa haen nakok elab dayowa amu dimppa nug aha, Galesia, amu Prigia ele dilah wan atu, nug appa aab laalappa ukka oiyaya, Kristen oh ɠagattag aqom.

Aposel 6:7

Aria, Kristen tamaniak ag anam hena, ⌊totol danab aɗi⌋ ag Kayak nai mehuqegeg, danab ah kuɗum ag oolagppa genab dooppig. Jerusalem appa danab kuɗum ag oolagppa genab doona, Kristen tamaniak ooppa ukkaeg, nuhig ebqak okkainab meeme, mana mettak danab kuɗum ele oolag eɗuom.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

1 Korint 1:8

Naɗi Jesus Kristus Nug ag ehanatteb ukkeb, ag ɠagattag daappeg, haen malakppa batakku amunu, ihinig Naɗi Jesus Kristusnu deɗppa ag Kayak noobppa, ag danab oolagppa kaliak laa iitta ele daaglag.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

1 Tesalonaika 3:13

amu deɗ Naɗi Jesus Nug nuhikkud oppiaawak danab ah ele eɗun nekkulag amu, deɗ amuppa ag ig Mamenig Kayak, ag Nug toppa danab ah oolagppa kaliak laa iitta, ag Kayaknu danab ah oppiaawak ele daaglagnu, Naɗi Nug heeb, ag oolag ɠagattag daaglagnu oonig ele daatte.

2 Timoti 1:8

Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

2 Timoti 3:12

Amu aun laa oh ag Kristus Jesusnu daanna, ag genab tutukku danab daaglagnu oolag daatte ele amu, ag eheɗ hettak aoglag.

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

1 Pita 5:9

Amu ag ooppa genab doyak ahilag ɠagattag aɗan daanna, ag Satan aɗi eheɗ hekkulagnu eeɗadtte hemananu ag ɠagattag hippaidna dayeg! Ag dootteb, wan atu ohppa lailkad daatteb amu, ag ele guittak awak ag dootteb bia doonna daatteb.

2 Pita 1:11

Aria, ag kobol amu hekkulag amu, Kayak Nug ag diia, ag Nug ele laippu dayaknu ooppa elele doya aut auta awa heeb, ag ihinig Naɗi, Nug am ihinig Padal ii maknu ehanittak, Jesus Kristus, ag nuhig ɗo maɗoɗ hanhannu ooppa daaglag.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig