Aposel 14:21 - Nobonob Baibel

²¹ Pol, Barnabas ele aa Derbe teya, appa Nai Ena mehuqeh, danab ah kuɗum ag oolagppa genab doyeg, dimppa aa eɗui Listra, Aikoniam, amu ⌊Pisidianu⌋ Antiok ele gopiɗ.

Aposel 14:21 ပူးပေါင်းရင်းမြစ်များ

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Aposel 13:14

Ukke amu aa Perganu ahaya goya, aab onig Antiok, Pisidia wanppanu, amuppa teya, Sabat deɗppa aa Juda dilag nai doyak lag ooppa noya daapiɗ.

Aposel 13:51

Ag anam heeg amu, aa baeltippanu wan gappud amu appan danab laala ag kobol eheɗ heppig amunu epponak keeke daakkunu, aa aab okkai amu uuya gokkulahnu heyaya, aa gappud amu heeh ne, aa Aikoniam gopiɗ.

Aposel 14:1

Pol, Barnabas ele aa Antiok uuya, ahai Aikoniam goya, uɗat hanhan hepiɗ ele amu, appa ele aa anam hepiɗ. Aa Juda dilag nai doyak lag ooppa noya nai mehuqpiɗ. Aa nai diig elele mehuqeheh, danab ah kuɗumnab, Juda Grik ele, ag oolagppa genab dooppig.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 14:19

Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

Aposel 14:26

Aa Atelia noya, uub laa anidya teeh, uub amu aa diiata Sirianu Antiok ukkom. Aab amuppa anukka Kristen tamaniak danab ag Kayaknu ehanittak okkai hamu megatte ahilahppa dayebeb, aa nuhig uɗat hekkulahnu Kayak eppegppa maatppig. Aa uɗat amu heyaya, gemu aa eɗui appa uɗipiɗ.

Aposel 14:6

amge aa amu dooya, aa ahai oolya Likonia aab okkai aɗit, Listra Derbe ele, amu aab aɗit amu dilah wan taliliatak ele, aa appa goya oiya,

Aposel 14:7

aria appa aa Nai Ena tuɗidya, danab ah amelagppa mehuqpiɗ.

Aposel 14:8

Am Listra appa danab laa dayeye anidpiɗ. Nug baekuɗ kaliak amunu ii oiyom, dayakib dayom. Nug anig ooppan baekuɗ amu anam ele doa, laa ii oiyom.

Aposel 15:36

Dimppa deɗ laala ukke amu Pol nug Barnabas amegppa aum. “I ahaɗ eɗuɗ goɗa, aab ohppa anukka i Naɗinu Nai Ena amelagppa auɗ dooppig ele amu, i laintad amu anadta, ag nai amu aɗan ena daattebtai o iittatai amu anidtu!” awa aum.

Aposel 16:2

Listranu Kristen am Aikoniamnu Kristen ele ag hak nuhig anidna, “Timoti nug danab ena,” aon appig.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.