Aposel 14:19 - Nobonob Baibel

¹⁹ Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

Aposel 14:19 ပူးပေါင်းရင်းမြစ်များ

Jeremaia 22:19

Danab ag doɗ donki ii boumtteb, amubia danab ag Jehoiakim ii boummana. Iitta. Ag nug gaɗa eeɗna, aab Jerusalem dimittim buɗippeg gokku.

Aposel 13:14

Ukke amu aa Perganu ahaya goya, aab onig Antiok, Pisidia wanppanu, amuppa teya, Sabat deɗppa aa Juda dilag nai doyak lag ooppa noya daapiɗ.

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

Aposel 14:1

Pol, Barnabas ele aa Antiok uuya, ahai Aikoniam goya, uɗat hanhan hepiɗ ele amu, appa ele aa anam hepiɗ. Aa Juda dilag nai doyak lag ooppa noya nai mehuqpiɗ. Aa nai diig elele mehuqeheh, danab ah kuɗumnab, Juda Grik ele, ag oolagppa genab dooppig.

Aposel 14:18

Pol, Barnabas ele aa nai amu amelagppa madipiɗ amunu, danab ah amu ag main ii matappig, amge Pol, Barnabas ele wagainab ii melop am main matalob.

Aposel 14:2

Amge Juda laala, ag oolagppa genab doyaknu uuppig ele ag ahan, iitta aɗi oolag yaaeg, ag Kristen dilag oolag aeg beum.

Aposel 14:21

Pol, Barnabas ele aa Derbe teya, appa Nai Ena mehuqeh, danab ah kuɗum ag oolagppa genab doyeg, dimppa aa eɗui Listra, Aikoniam, amu ⌊Pisidianu⌋ Antiok ele gopiɗ.

Aposel 14:26

Aa Atelia noya, uub laa anidya teeh, uub amu aa diiata Sirianu Antiok ukkom. Aab amuppa anukka Kristen tamaniak danab ag Kayaknu ehanittak okkai hamu megatte ahilahppa dayebeb, aa nuhig uɗat hekkulahnu Kayak eppegppa maatppig. Aa uɗat amu heyaya, gemu aa eɗui appa uɗipiɗ.

Aposel 14:4

Ippuanattom amge danab ah aab okkai amuppan ag oppatna, ameg aɗit daan, ameg laa ag Juda dilag nai amu doon, ag ele oolag laippu daappig amge laa ag Pol, Barnabas ele nai mehuqpiɗ amunu oolagppa genab doon, ag aa ele oolag laippu daappig.

Aposel 14:5

Anam daaegeg, dimppa iitta aɗi laala, Juda laala ele, amu ahilkad ikki danab ele ahan, Pol, Barnabas ele eheɗ haatna, menppa makkuɗatppeg mauhkkulahnu dabmeppig,

Aposel 15:26

Anukka aa Jesusnu nai mehuqyaya oieheh, danab laala ag aqatkkulagnu dabmeppig, amge aa ihinig Naɗi Jesus Kristus onignu uug maoya mauhkkulahnu ii baɗaya, uɗat amu ii uupiɗ, gemu ele anam oittep.

Aposel 17:13

Ag Jesusnu oolagppa genab dooppig, dimppa Juda laala Tesalonaikanu, ag Pol nug Beria appa Kayaknu nai mehuqtte doona, ag ahan Beria gona, ahilag hak nau amu aon, danab ah appanu oolagppa noeg, ag ahilag nai amu doon ottaina, ahan heegeg,

Aposel 22:20

Amu anukka haen ag Stiven qeeg mauhom, nug am laa heehe anttomnu mattiak danab nahip amu, haen amuppa amu da daaiyi, ag nug qeeg mauhom amu, da amunu ool ena dayom. Amu ele da danab Stiven qeppig, amu dilag lamen amu da gumami.’ Da anam ami.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

1 Korint 15:31

O lailad, deɗ deɗ ohppa da mauhak ib oɗeppa oittem. Nai laa imu, ig oh ihinig Naɗi Jesus Kristusnu daattem amunu, da ahilagnu maɗoɗppan gamag ahak doottem, nai amuam genab, amubia da deɗ deɗ ohppa mauhak ib oɗeppa oittem am ele genab.

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

2 Korint 11:25

Haen ewam ag ad teppu iittappa da oiɗppig, ag haen laippu menppa oiɗkkulagnu men eppig. Haen ewam da yuppa oiiyi, uug be uub nauha aut autanab awom. Tuqan, aam ele laippu da yuppa maya memi.

2 Korint 11:26

Da haen kuɗum ib uma amu gomi. Da leppa padal mekkulnu hemi. Danab nau ibppa daanna, danab ukkaegeg, makkuɗadna keeke ahilag aɗuadtteb ele amu, ag eppelagppa heeg nauhkkulnu hemi. Da lailad ag eheɗ heiɗkkulagnu heegeg, iitta aɗi danab ele, ag da eheɗ heiɗkkulagnu heppig. Aab okkaippa ag da eheɗ heiɗkkulagnu heppig, atu taɗakppa danab iittappa, ag eheɗ heiɗkkulagnu heppig. Yuppa da padal mak abenppa daami amu, Kristen tamaniak ooppanu hambuppuak danab, ag ele da eheɗ heiɗkkulagnu heppig.

1 Tesalonaika 2:14

O lainkad, ag Kayaknu Kristen tamaniak, Juda wanppa Jesus Kristusnu daatteb ele amu, ag ag ele laippu bia daatteb. Ag Tesalonaika daatteb amu ag, ag lailkad eppelagppa guittak aoppig amubia Kristen tamaniak, Juda wanppa daatteb ele, ag Juda laala eppelagppa guittak aoppig.

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.