Aposel 14:16 - Nobonob Baibel

¹⁶ Anukka, Kayak Nug danab ah buɗub ohnu ag ib digdig gokkulagnu aib ii aum

Aposel 14:16 ပူးပေါင်းရင်းမြစ်များ

Sam 147:20

Nug nuhig nai wan laa anam ii mattom. Ag nuhig ɗo ii dootteb. Ag Yawe binag meig!

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.

Hosea 4:17

Israel danab ah, ag kayak hambuppuak dottolkad noolagppa dup nona binalag mekkulagnu oolag okkai daatte; ag gumadna, aib goppig!

Maika 4:5

Anam amunu, danab ah wan atu laih ohnu, ag ahilkad kayak hambuppuak onigppa oiglagnu oolag heeb, anam oiglag, amge ig Yawe, ihinig Kayak, ig Nug onigppa hanhan oignig.

Aposel 17:30

Anukka danab ag elele ii doonna, ag keeke eppelagppa hena, binag meppig amunu, ahilagnu Kayak Nug dabmak okkai ii awom. Amge gemu amu, keeke amunu Kayak Nug danab oh wan ohppa daatteb amelagppa haknunab nai inam atte. ‘Ag oolag eɗueg!’ awa atte.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 3:25

Anukka Kayak Nug eheɗ haknu nob elele eɗua mettak uua, danab dilag hipuninnu nob nau paha ii mattom amunu, Nug tutukkuib daatte, Nug amu ippunigkkunu haaha, Nug ig aun laa ig Jesus tiigppanu oonigppa genab doottem, Jesus Nug ihinig eheɗ haknu nob nau Nug tiigppa iitta mekkunu heeb elele medakkunu Nug tituanom.

Epesus 2:12

Haen amuppa amu ag umanab Kristus iittappa daadttappig. Ag Israel baekkudppa ele ii daadttappig. Kayak Nug he, Nug Israel ag ele nug tituanna nai qakkan, Kayak Nug Israel ag nuhikkud daan, keeke ena laala ele aoglagnu nai qakka aum, amge ag iitta aɗi ag amu ooppa ii daadttappig. Ag wan imuppa daappig amu, ag keeke ena laa dimppa bekkunu ameg mak ele ii daappig. Iitta. Ag hamu daappig. Ag Kayak ele ii dooppig, umanab daappig.

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.