Aposel 14:1 - Nobonob Baibel

¹ Pol, Barnabas ele aa Antiok uuya, ahai Aikoniam goya, uɗat hanhan hepiɗ ele amu, appa ele aa anam hepiɗ. Aa Juda dilag nai doyak lag ooppa noya nai mehuqpiɗ. Aa nai diig elele mehuqeheh, danab ah kuɗumnab, Juda Grik ele, ag oolagppa genab dooppig.

Aposel 14:1 ပူးပေါင်းရင်းမြစ်များ

Mak 7:26

Ah amu nug am Grik ah. Nug Ponisia wan, Siria gumappig ele, amuppanu ah. Nug Jesus gumitta ukka, Jesus Nug heeb, ouɗi nau nug aɗeg beɗuppa dayom amu lamidkkunu unuqom.

Jon 12:20

Amu haen amuppa Grik laala ag ele Jerusalem appa Juda danab ah ag hobul amu anidkkulagnu ukkaegeg, ag ele oh Kayak noobppa dup nona binag mekkulagnu goppig.

Jon 7:35

Anam a amu Juda ag akka akka nai mattinna appig. “Nug adeppa ukkeb, ig Nug ii anidmata? Nug Juda laala Grik wanppa daatteb, ahilagppa ukka Grik danab ippunadkkutai.

Aposel 11:21

Ag anam heegeg, Naɗinu ɠagattag ag ehanattette, danab ah kuɗum ag oolagppa genab doon, oolag eɗue, ag Naɗi oolag medappig.

Aposel 13:43

Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Aposel 13:46

Ag anam heppig amge Pol, Barnabas ele aa amunu ii baɗapiɗ. Iitta! Aa nai baɗak iitta ele mattiya amelagppa apiɗ. “Imu genab, i Kayak nai tatam ag amelagppa apuɗ dooglagnunab dayom, amge ag nai bauklel hanhannu imu doon dim lamidkkulagnu uunna, ag akka ag bauklel hanhannu amu aoglagnu elele ii dootteb heeg miag atiak bette amunu, ag imu doyeg! Gemu i ag uuadɗa, iitta aɗi gumadɗa gokkunih.

Aposel 13:5

Saiprus goya, aa Salamis teya, appa Juda dilag nai doyak lag laalappa teya, aa Kayak nai mehuqeheh, Jon Mak nug ele oh daanna, ahilah ehanatak dayom.

Aposel 13:51

Ag anam heeg amu, aa baeltippanu wan gappud amu appan danab laala ag kobol eheɗ heppig amunu epponak keeke daakkunu, aa aab okkai amu uuya gokkulahnu heyaya, aa gappud amu heeh ne, aa Aikoniam gopiɗ.

Aposel 14:19

Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

Aposel 14:2

Amge Juda laala, ag oolagppa genab doyaknu uuppig ele ag ahan, iitta aɗi oolag yaaeg, ag Kristen dilag oolag aeg beum.

Aposel 14:21

Pol, Barnabas ele aa Derbe teya, appa Nai Ena mehuqeh, danab ah kuɗum ag oolagppa genab doyeg, dimppa aa eɗui Listra, Aikoniam, amu ⌊Pisidianu⌋ Antiok ele gopiɗ.

Aposel 16:1

Pol, Silas ele aa Derbe teya amu aa goya, Listra tepiɗ. Aab amuppa Kristen danab laippu laa dayom, nug onig Timoti. Nug Juda ah laa, Jesusnu ooppa genab doyom ele, nug nug bekka, mameg amu Grik danab.

Aposel 16:2

Listranu Kristen am Aikoniamnu Kristen ele ag hak nuhig anidna, “Timoti nug danab ena,” aon appig.

Aposel 17:12

Amu Pol nai mehuqeqe, Juda danab ah aab amuppan kuɗum laala ag Jesusnu oolagppa genab dooppig. Am Grik ah okkai ele nakok kuɗum, Grik danab kuɗum ele, ag Jesusnu oolagppa genab dooppig.

Aposel 17:17

Pol nug ooppa anam doyaya, nug Juda dilag nai doyak lakka ukke, Juda danab amu iitta aɗi danab ag Kayaknu ebehilkad oh bodoetta le meum ele amu, ag ele nai madippig. Amu nug deɗ oh ee oɗiak abenppa ukke, danab ah uɗinna daatteb amu, ag ele nai madippig.

Aposel 17:4

Pol nug Jesus Kristusnu nai mehuqe doona, Juda danab ah laala ag Jesusnu oolagppa genab doon, Pol, Silas ele dim lamatppig. Grik danab kuɗum, ag Kayaknu ebehilkad oh bodoetta le meum ele amu, ag ele Jesusnu oolagppa genab doon, Pol Silas ele dim lamatppig, amu ah okkai kuɗum ele ag ele anam heppig.

Aposel 18:4

Ag uɗat amu henana, Pol nug Sabat deɗ ohppa amu Juda dilag nai doyak lakka noono, nug ag ele nai mattina, nug heeb Juda amu Grik ele ahilag dabmak amu eɗun, ag Jesusnu oolagppa genab dooglagnu oolag yom.

Aposel 18:8

Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

Aposel 19:10

Maɗ aɗit Pol nug anam heum amunu, danab ah Asia prowinsppa daappig, Juda amu Grik ele, ag oh Naɗinu nai dooppig.

Aposel 19:17

Anam beum, dimppa Juda danab amu Grik danab ele Epesus daappig amu, ag oh nai amu doon, ag oh baɗan, ag Naɗi Jesus binag okkai meppig.

Aposel 19:8

Aria, Pol nug Juda dilag nai doyak lag ooppa noa, nug baɗak iitta ele Kayaknu ɗo maɗoɗnu nai kalam ewam, danab nug nuhig nainu ooppa genab dookkunu elelenab mehuqom.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Aposel 21:28

“Israel danab, ag ig ehanikkeg! Danab imu nug wan atu ohppan danab ihinig huunu, ihinig ɗonu, amu Kayaknu lag imunu ele am ena iitta ippunadtte. Amuib iitta. Nug Grik danab laala ele diie uɗin, Kayaknu mettid lag nuhig tomppan keeke oh ele imu ooppa nona, ag aben imu oppiaawak ele dubuttid medatteb!” Ag anam anana eppig.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 10:12

Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.

Galesia 2:3

Ag Nai Ena da mehuqttem ele amu, ag amunu eheɗ doon aib akkulagnu baɗami, amge iitta. Ag ena doona, Taitus nug da ele daamuɗ, nug am Grik danab amunu nug am gaɗa otaɗak iitta, amge qagmakppa ag nug gaɗa otaɗak aokkunu ii appig.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.