Aposel 13:8 - Nobonob Baibel

⁸ Aa goya, Kayaknu nai mehuqeh amu onig awak danab Barjesus, Grik naippa nug onig am Elimas, nug ahilah ib oonekkunu ha, aa nai madipiɗ ele, amu tappeb nokkunu heum. Nug gawananu dabmak heeb eɗueb, ooppa genab ii doomanu heum.

Aposel 13:8 ပူးပေါင်းရင်းမြစ်များ

1 King 22:24

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

Aisaia 30:11

Ag propet ag hetteb ele, ag amu baula aib heppig! Ib ag dim lamidtteb ele, ag ib amu uun, laa aweg! Ag Israel dilag Kayak Oppiaawak Ele baula aib ippunigppig!” aon atteb.

Jeremaia 28:1

Aakku, maɗ amuppaib, maɗ amuam Sedekaia nug haen elab king ba ii dayom, nug Juda dilag king ba dayaya, nuhig king dayaknu maɗ waɗelenu kalam tanig eleppa Asur bekka propet Hanania, Gibeon ted, aria da, mana mettak danab, amu danab ah ele ig Yawe laugppa daamut. Ig anam appa daatta, Hanania nug mana mettak danab, amu danab ah ele noolagppa da amelppa aum.

Jon 1:41

Amu nug paha ukka, Saimon antta, nug amegppa aum. “I Mesaia aakku anidmuɗ,” awa aum. Mesaia diig am, danab laa Kayak Nug Nug wan imu ohnu okkai daakkunu epeɗiom. Grik naippa Mesaia eɗuak amu Kristus.

Aposel 13:12

Am gawana nug keeke amu antta, nug ooppa genab doyom. Aɗinu? Aa Naɗinu nai ippunidpiɗ amu, nug amunu dabmak kuɗum awom.

Aposel 18:12

Am Pol nug Korint dayaya, anam heum, amge dimppa Galio nug prowins Akaia dilag gawana dayeye, haen amuppa Juda ag oh qagmena, Pol kekeɗ mettan, aɗan aon hettoɗiak abenppa goppig.

Aposel 19:38

Amu Demitrius nug nuhikkud uɗat laippu ele, ag oh am danab keeke silwappa haknu doyak okkai ele amu, danab laa nug ahilagppa eheɗ laa heum dayeb amu, ag danab amu hettoɗiakppa mekkulagnu ib daatte. Gabman okkai daatteb. Demitrius aɗi ag geha hettoɗiakppa nai danab eheɗ heum beɗuppa yaaglagnu elele.

Aposel 6:7

Aria, Kristen tamaniak ag anam hena, ⌊totol danab aɗi⌋ ag Kayak nai mehuqegeg, danab ah kuɗum ag oolagppa genab dooppig. Jerusalem appa danab kuɗum ag oolagppa genab doona, Kristen tamaniak ooppa ukkaeg, nuhig ebqak okkainab meeme, mana mettak danab kuɗum ele oolag eɗuom.

Aposel 8:9

Ag oolag anam doyeg amu, danab laa aab okkai amuppa dayom, nug onig Saimon. Anukka nug am onig awak kobol heehe, Samaria danab ah oh ag nuhignu dabmak kuɗum aoegeg, nug nukka binag ma, “Da am danab okkai,” attom.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.