Aposel 13:6 - Nobonob Baibel

⁶ Aa nud Saiprus appa oii oii, nud amuppa aben laih goya, Papos teya, Papos appa aa Juda danab laa anidpiɗ. Nug am onig awak danab, propet hambuppuak ele, Nug onig Barjesus.

Aposel 13:6 ပူးပေါင်းရင်းမြစ်များ

1 King 22:22

Nug anam a amu, Yawe nug oɗ mettom. ‘Na geha gona, Ahap oo attem eeɗkkut?’ awa oɗ mettom. Oɗ mette amu, ouɗi nug Yawe amegppa aum. ‘Da ukken, hambuppuak nai Ahapnu propet oh oɗelagppa mekkul,’ awa aum. Ouɗi amu nug anam a, Yawe Nug aum. ‘Nahip ib amuppa Ahap nug aab Ramot, Gileat wanppanu banelag aha gokku amunu, na ame bia gona he!’ awa aum.” Mikaia nug anam aum.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

Eksodas 22:18

Ah nug eman kobol hette ele, ag nug qeppeg mauhaɗ!

Lewitikas 20:6

Am aun nug danab ah oolagppa, dahilnu ooppa genab ii doya, nug mauhak ele gamag danab, mauhak ele mattiak danab ele dabmadatta dim lamadkkunu gumatta gokku, nug amu dilag kobol digdig ele dim lamidkku dayeb amu, da geha danab amu eheɗ hedakkulnu doyeye dayen, da heppi, nug Israel oolagppanu geɗittak daakku.

Sekaraia 13:3

Am inam bekku. Danab laa nug propet nai ⌊hambuppuak⌋ digma mattiebeb, nug mameg, anig ele aa ahaya, ‘Na, “Yawe ippuniɗom amunu, da nai imu madittem,” ame, amge nai amuam nai hambuppuak, Yawe oɗeppanu iitta amunu, na mauhkkutoitte,’ aoya akkulah. Aa bekkalah nug propet nai ⌊hambuppuak⌋ mattiebeb, aa, aanab nug menupiɗ, aa aya aa ahaiya, nug qep-ppa yaaglah.

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Mak 10:46

Ag ibppa gona, Jeriko appa tena, Jesus Nug nuhikkud ippunittak awak danab amu danab ah laala kuɗumnab ele ag Jeriko eɗidna ukkaegeg, Timeus bekka Bartimeus, nug ameg gaɗuak amu, nug appa ib daugppa heɗep na dayaya, danab men doɗo keeke mettaglagnu unuqadttom.

Aposel 13:13

Am Pol nug danab nug ele oh oippig ele ag Papos appanu uub aon gona, Pampilianu aab laa Perga appa goppig. Teeg amu Jon Mak nug uuata, eɗua Jerusalem ukkom.

Aposel 13:8

Aa goya, Kayaknu nai mehuqeh amu onig awak danab Barjesus, Grik naippa nug onig am Elimas, nug ahilah ib oonekkunu ha, aa nai madipiɗ ele, amu tappeb nokkunu heum. Nug gawananu dabmak heeb eɗueb, ooppa genab ii doomanu heum.

2 Korint 11:13

Danab amu ag am totol danab hambuppuak. Ag am hambuppuak uɗat danab, ag danab amelagppa totol danab bia daatteb, amge ag gaɗalag aakkuib Kristusnu totol danab daatteb.

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.