Aposel 13:50 - Nobonob Baibel

⁵⁰ Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 13:50 ပူးပေါင်းရင်းမြစ်များ

1 King 21:25

Haen Ahap nug king dayom amu, Nug Kayaknu neekkakppa genabnab genab nug kobol eheɗib nuhig ɠagattag ohppa hekkunu dabmaama oiya, amu haknu danab laa oh eɗattom. Yawe Nug nuhig neekkakppa kobol amunu am nauib dootte. Aria, nug wau Jesebel amu, nug anam hekkunu duttunak ele heum.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Amos 7:12

Amasaia nug nai amu me ukke, nug Amos amegppa inam aum. “Propet, na ahe! Na eɗun gona, Juda wanppa appa propet nai madippe, ag na amunu nob daden metteg!

Matyu 10:23

Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

Mak 15:43

amunu, Arimatea ted Josep nug ii baɗa, Pailat toppa ukka, Jesus gaɗa aokkunu oɗ mettom. Josep nug Juda dilag hettoɗiak okkai onig Sanhidren, amunu nug laa aakku. Amu laa ag amunu danab daappig amu nug ag oolagppanu am onig ele. Laa ele nug Kayaknu ɗo maɗoɗ ameg meum.

Mak 5:17

Mattieg, ag doona amu, ag Jesus Nug wan atu ahilagppanu aha laih gokkunu unuqppig.

Aposel 13:43

Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

Aposel 14:19

Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

Aposel 14:2

Amge Juda laala, ag oolagppa genab doyaknu uuppig ele ag ahan, iitta aɗi oolag yaaeg, ag Kristen dilag oolag aeg beum.

Aposel 14:4

Ippuanattom amge danab ah aab okkai amuppan ag oppatna, ameg aɗit daan, ameg laa ag Juda dilag nai amu doon, ag ele oolag laippu daappig amge laa ag Pol, Barnabas ele nai mehuqpiɗ amunu oolagppa genab doon, ag aa ele oolag laippu daappig.

Aposel 14:5

Anam daaegeg, dimppa iitta aɗi laala, Juda laala ele, amu ahilkad ikki danab ele ahan, Pol, Barnabas ele eheɗ haatna, menppa makkuɗatppeg mauhkkulahnu dabmeppig,

Aposel 16:14

Amu ah laa onig Lidia, nug amu Kayak noobppa dup noa binag meum ele, nug nai amu doyom. Nug am aab okkai Taiatairanu ah, amu nug lamen perpel awa me, laa daden meegeg,, amuppa nug men doɗo aottom. Naɗi Nug he, Lidianu dabmak am matulak daye, Pol nai mehuqeqe doya, dookkunu nug daug hume, oo eɗuom.

Aposel 17:12

Amu Pol nai mehuqeqe, Juda danab ah aab amuppan kuɗum laala ag Jesusnu oolagppa genab dooppig. Am Grik ah okkai ele nakok kuɗum, Grik danab kuɗum ele, ag Jesusnu oolagppa genab dooppig.

Aposel 17:13

Ag Jesusnu oolagppa genab dooppig, dimppa Juda laala Tesalonaikanu, ag Pol nug Beria appa Kayaknu nai mehuqtte doona, ag ahan Beria gona, ahilag hak nau amu aon, danab ah appanu oolagppa noeg, ag ahilag nai amu doon ottaina, ahan heegeg,

Aposel 17:17

Pol nug ooppa anam doyaya, nug Juda dilag nai doyak lakka ukke, Juda danab amu iitta aɗi danab ag Kayaknu ebehilkad oh bodoetta le meum ele amu, ag ele nai madippig. Amu nug deɗ oh ee oɗiak abenppa ukke, danab ah uɗinna daatteb amu, ag ele nai madippig.

Aposel 17:4

Pol nug Jesus Kristusnu nai mehuqe doona, Juda danab ah laala ag Jesusnu oolagppa genab doon, Pol, Silas ele dim lamatppig. Grik danab kuɗum, ag Kayaknu ebehilkad oh bodoetta le meum ele amu, ag ele Jesusnu oolagppa genab doon, Pol Silas ele dim lamatppig, amu ah okkai kuɗum ele ag ele anam heppig.

Aposel 18:7

Pol nug anam ana, nug Juda dilag nai doyak lag amu uua doa, danab laa onig Titius Jastus laugppa ukkom. Titius Jastus nug Kayak noobppa dup noa binag mak danab dayom. Nug laug am Juda dilag nai doyak lag heqo laih dayom.

Aposel 2:5

Haen amuppa wan ohppanu Juda danab ag Kayaknu ebehilkad oh bodoetta le meum ele, ag gona, wanppan wan ohppa daappig amu, ag appanu uɗin Jerusalem daappig.

Aposel 21:27

Nug anam he, dimppa deɗ eblaih aɗit amu malakkunu heehe, Juda Asianu ag Pol Kayaknu mettid lag ooppa anidna, ag ahan heeg, danab ah kuɗum daappig ag ottaina ahaeg, Asia danab ag Pol aɗan huana inam eppig.

Aposel 28:17

Pol nug appa dayeye, deɗ ewam uue nug Juda dilag ikki danab onilagppa ee uɗin qagmeeg, nug amelagppa inam aum. “O lailad, da ihinig huu amu tappadppi nokkulagnu o iitta ig alankad dilag kobol amu nau ainne maute ukkaknu laa ii hemi. Da anam laa ii heme, amge Juda ag da Jerusalem appa hippaliɗna Rom danab eppelagppa meiɗppig.

Aposel 6:12

Ag anam hambuppueg, danab ah, Juda dilag ikki danab amu ɗo mehuqak danab ele ag ottaina, Stivennu eheɗ dooppig. Eheɗ doyeg, ag ahan, nug aɗan, aon Juda dilag hettoɗiak okkai onig Sanhidren, appa gona,

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Rom 10:2

Da Juda ahilagnu doye aute aottem amunu, da miag atiak iikku attem. Ag am Kayaknu kobol dim lamidkkulagnu ag yag-nab-bak dootteb, amge ag doyak ena iitta ele amu hetteb.

2 Korint 11:26

Da haen kuɗum ib uma amu gomi. Da leppa padal mekkulnu hemi. Danab nau ibppa daanna, danab ukkaegeg, makkuɗadna keeke ahilag aɗuadtteb ele amu, ag eppelagppa heeg nauhkkulnu hemi. Da lailad ag eheɗ heiɗkkulagnu heegeg, iitta aɗi danab ele, ag da eheɗ heiɗkkulagnu heppig. Aab okkaippa ag da eheɗ heiɗkkulagnu heppig, atu taɗakppa danab iittappa, ag eheɗ heiɗkkulagnu heppig. Yuppa da padal mak abenppa daami amu, Kristen tamaniak ooppanu hambuppuak danab, ag ele da eheɗ heiɗkkulagnu heppig.

1 Tesalonaika 2:14

O lainkad, ag Kayaknu Kristen tamaniak, Juda wanppa Jesus Kristusnu daatteb ele amu, ag ag ele laippu bia daatteb. Ag Tesalonaika daatteb amu ag, ag lailkad eppelagppa guittak aoppig amubia Kristen tamaniak, Juda wanppa daatteb ele, ag Juda laala eppelagppa guittak aoppig.

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.