Aposel 13:5 - Nobonob Baibel

⁵ Saiprus goya, aa Salamis teya, appa Juda dilag nai doyak lag laalappa teya, aa Kayak nai mehuqeheh, Jon Mak nug ele oh daanna, ahilah ehanatak dayom.

Aposel 13:5 ပူးပေါင်းရင်းမြစ်များ

1 King 19:21

Elaiya nug anam a, Elisa nug eɗua, uɗat heumppa ukka, nug makau aɗit nuhikuɗ diiata, baalah otaɗata, plau eeɗaknu ad, nug amu awa, ad amuppa aab ila, teppulah battiowa, appan danab ah matte, ag ee amu lappig. Elisa nug amu ha malowa, nug aha, Elaiya dim lamitta, nug ehanittom.

1 King 19:3

Nug nai amu me ukke, Elaiya doyowa, nug baɗa aha, mauhmanu oola ukkom. Nug oola ugakka, nug Juda wanppanu aab laa onig Berseba, appa tewowa nug he, nuhig maɗi nid nug appa dayom.

2 King 3:11

Nug anam aum, amge King Jehosapat nug Joram inam oɗ mettom. “Yawenu propet laa, ig nug amegppa apput, ig geha attem hekkunig amu, nug Yawe amunu oɗ metteb, amegppa ab, nug ab ig doognignu laa iite daatte?” awa aum. Amu Israel dilag king Joramnu ban daup ikki laa dayaya, nug nai amu doya, nug inam nob meum. “Sapat bekka Elisa nug daatte. Anukka nug am propet Elaiyanu maɗi nid dayom,” awa aum.

Eksodas 24:13

Yawe Nug Moses amegppa anam a, aria Moses nug nuhig maɗi nid Josua ele aa ahaya, Moses nug Kayaknu qauko igippa tekkunu teum.

Matyu 20:26

Amge kobol amu ag oolagppa aib dayom. Iitta. Danab nug ag oolagppa okkai daakkunu oo dayeb amu, nug ahilag maɗi nid dayaɗ!

Aposel 12:12

Nug anam ana, kobol beum amunu dabma, meu anam doyom, Jon Mak anig Maria, nug laugppa ukkom. Appa danab kuɗum ag qagmena, unuqidnana daappig.

Aposel 12:25

Kayaknu nai amu anam aha ugekke, Barnabas, Saul ele aa Jerusalem daayya, maɗi ahilah maloya, eɗui Antiok gokkulahnu heya, aa Jon Mak aoeh, nug ele oh goppig.

Aposel 13:14

Ukke amu aa Perganu ahaya goya, aab onig Antiok, Pisidia wanppanu, amuppa teya, Sabat deɗppa aa Juda dilag nai doyak lag ooppa noya daapiɗ.

Aposel 13:46

Ag anam heppig amge Pol, Barnabas ele aa amunu ii baɗapiɗ. Iitta! Aa nai baɗak iitta ele mattiya amelagppa apiɗ. “Imu genab, i Kayak nai tatam ag amelagppa apuɗ dooglagnunab dayom, amge ag nai bauklel hanhannu imu doon dim lamidkkulagnu uunna, ag akka ag bauklel hanhannu amu aoglagnu elele ii dootteb heeg miag atiak bette amunu, ag imu doyeg! Gemu i ag uuadɗa, iitta aɗi gumadɗa gokkunih.

Aposel 14:1

Pol, Barnabas ele aa Antiok uuya, ahai Aikoniam goya, uɗat hanhan hepiɗ ele amu, appa ele aa anam hepiɗ. Aa Juda dilag nai doyak lag ooppa noya nai mehuqpiɗ. Aa nai diig elele mehuqeheh, danab ah kuɗumnab, Juda Grik ele, ag oolagppa genab dooppig.

Aposel 15:37

Pol nug anam awa a amu Barnabas nug ena doya, Jon Mak ele oh gokkulagnu oo heum.

Aposel 17:17

Pol nug ooppa anam doyaya, nug Juda dilag nai doyak lakka ukke, Juda danab amu iitta aɗi danab ag Kayaknu ebehilkad oh bodoetta le meum ele amu, ag ele nai madippig. Amu nug deɗ oh ee oɗiak abenppa ukke, danab ah uɗinna daatteb amu, ag ele nai madippig.

Aposel 18:4

Ag uɗat amu henana, Pol nug Sabat deɗ ohppa amu Juda dilag nai doyak lakka noono, nug ag ele nai mattina, nug heeb Juda amu Grik ele ahilag dabmak amu eɗun, ag Jesusnu oolagppa genab dooglagnu oolag yom.

Aposel 19:22

Nug anam awowa, nug danab aɗit nug ehanidpiɗ ele maate, Makedonia gopiɗ. Aa am Timoti, Erastus ele. Pol nukka Asia prowinsppa, appa nakok dayom.

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 19:8

Aria, Pol nug Juda dilag nai doyak lag ooppa noa, nug baɗak iitta ele Kayaknu ɗo maɗoɗnu nai kalam ewam, danab nug nuhig nainu ooppa genab dookkunu elelenab mehuqom.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

2 Timoti 4:11

Luk nukkaib da ele daattep. Mak nug da uɗat hettemppa ehaniɗkkunu elele amunu, haen na uɗikkut amu, na nug aoppe, aa oh uɗieɗ!