Aposel 13:43 - Nobonob Baibel

⁴³ Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Aposel 13:43 ပူးပေါင်းရင်းမြစ်များ

Matyu 23:15

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Wan laappanu danab nug Juda kobol aokkunu ag uɗat okkainab, hik aqeeqe hetteb. Heegeg, danab amu nug Juda kobol awa, nug ahilag kobol nau kuɗum ag hetteb, amu eɗittak haaha, ag padal maknu ibppa daatteb, amge nug am padal maknu ibppanab daatte.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Aposel 14:3

Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.

Aposel 16:14

Amu ah laa onig Lidia, nug amu Kayak noobppa dup noa binag meum ele, nug nai amu doyom. Nug am aab okkai Taiatairanu ah, amu nug lamen perpel awa me, laa daden meegeg,, amuppa nug men doɗo aottom. Naɗi Nug he, Lidianu dabmak am matulak daye, Pol nai mehuqeqe doya, dookkunu nug daug hume, oo eɗuom.

Aposel 17:17

Pol nug ooppa anam doyaya, nug Juda dilag nai doyak lakka ukke, Juda danab amu iitta aɗi danab ag Kayaknu ebehilkad oh bodoetta le meum ele amu, ag ele nai madippig. Amu nug deɗ oh ee oɗiak abenppa ukke, danab ah uɗinna daatteb amu, ag ele nai madippig.

Aposel 17:34

Pol nug uuatta ukkom, amge laa ag oolagppa genab doona, Pol dim lamidppig. Laa amu Dionisius, nug am Areopagusnu epeɗiak danab. Laa amu ah onig Damaris amu laala ele.

Aposel 17:4

Pol nug Jesus Kristusnu nai mehuqe doona, Juda danab ah laala ag Jesusnu oolagppa genab doon, Pol, Silas ele dim lamatppig. Grik danab kuɗum, ag Kayaknu ebehilkad oh bodoetta le meum ele amu, ag ele Jesusnu oolagppa genab doon, Pol Silas ele dim lamatppig, amu ah okkai kuɗum ele ag ele anam heppig.

Aposel 18:7

Pol nug anam ana, nug Juda dilag nai doyak lag amu uua doa, danab laa onig Titius Jastus laugppa ukkom. Titius Jastus nug Kayak noobppa dup noa binag mak danab dayom. Nug laug am Juda dilag nai doyak lag heqo laih dayom.

Aposel 2:10

Amu ig Prigia, Pampilia, Isip, amu Libianu wan atuppa, Sairininu wan atuppa ele daattem. Aria, Rom danab ele ig oh uɗimut daattem.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 6:5

Ag anam aeg, danab ah oh ag nai amunu ena doon, ag danab otiadppig. Ag otiadppig ele amu, ag onilag am Stiven, nug ooppa genab doyak nuhig am ɠagattag, Kayak Ouɗi nug ooppa ambak ele. Aria, laa am Pilip, laa am Prokorus, laa Nikanor, laa am Timon, laa Pemenas, amu laa am Nikolas. Nikolas ⌊nug iitta aɗi laa,⌋ nug Antiok ted. Amu nug ⌊tatam⌋ eɗua, Juda dilag mettid dim lamittom, ⌊amge gemu nug Kristen beum daatte⌋.

Rom 11:6

Amu Kayak Nug danab amu ehanittak okkai hamu madatta tituanattom dayeb amu, Nug ag uɗat heppig amuppa ii diiattom. Ag uɗat heppig amunu Kayak Nug diiattom daalo amu, Kayak Nug ehanittak okkai hamu mettakppa danab diittenu kobol amu keeke hamu daalo, ehanittak okkai hamu mettak kobol amuam meu iitta daalo.

Rom 3:24

Kristus Jesus Nug qagaiettakppanu eɗua uhuqaknu ib babaittom, amu ib amuppa Kayak Nug ehanittak okkai hamu mekke, ig genab tutukku hak danab daattem.

Rom 5:2

Ig oonigppa genab doout, Naɗi Jesus, nuhig uɗat okkaippa, ig Kayaknu ehanittak okkai hamu megatte ele amu aot, ɠagattag daattem. Amu ig Nug ele hab aabppa enanagnab daagnignu ameg meta, ig maɗoɗppan gamag ahak doottem.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Galesia 5:1

Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Galesia 5:4

Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

Epesus 2:8

Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

Pilipai 3:16

Amge kobol ig aomut ele amu, ig aɗat autta auttanab tuɗidta hetu!

Pilipai 4:1

Amunu O lailad, da ahilagnu ool mauhe, anadkkulnu ool daye, da ahilagnu dabmeinne, maɗoɗppan gamag ahak dooi, ittag ele iutte amu, ag da ami bia ag Naɗi toppa ɠagattag hippaidna dayeg!

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.

Taitus 2:11

Kayaknu ehanittak okkai hamu mettak amu, ehanittak amuam eɗua awikkaknu diig, amuam danab oh amelagppa aakku miag atiom.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

1 Jon 2:28

Ao, nid naunau dahilad, haen Nug miag atieb, ig ɠagattag daagnignu, ig uɗa nak ele ii aomtanu amu, ag Nug ele laippu dayeg!

2 Jon 1:9

Am aun laa nug Kristusnu ippunittakppaib ii daatte, nug nukka nuhig dabmakppa, dabmak hambuppuak laala ele tuɗidtte amu, nug Kayak ele laippu ii daattep. Am aun laa nug Kristusnu ippunittakppa daatte amu, nug Mame amu Nug Bekka ele oh laippu daatteb.