Aposel 13:40 - Nobonob Baibel

⁴⁰ Ib laa iitta amunu ag kobol laa, propet ag amunu anukka appig ele, ag amu hemananu dabmeig! Propet ag inam appig.

Aposel 13:40 ပူးပေါင်းရင်းမြစ်များ

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Esekiel 33:9

Na nug amegppa nau aomanu nai amu ii akkut dayeb am anam, amge na nau hak danab nug nau aomanu nai nug amegppa appe, nug nahip nai ii dookku dayeb, nug nau hak nuhig, eheɗ hak nuhig ele ii uua, tuɗitta hekku dayeb amu, nug hipunin nuhignu mauhkku, amge na am hipunin laa iitta. Na ii mauhmana,” awa aum.

Habakuk 1:5

⌊Nai amunu amu, Yawe Nug eɗua, nob ma, inam aum.⌋ “Na wanppan wan oolagppa neegna anidna, dabmak huanaknab awe! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.

Malakai 3:2

Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Jon 6:45

Propet dilag yaakppa, nai inam niitte. ‘Danab ah oh am Kayak nukka nuhig kobol ippunadkku.’ Aria aun aɗi Nug ag ehanatta ippuanatte, ag Mame oɗe doona, nuhig kobol aona amu, ag dahilppa dotteb.

Aposel 15:15

Amuam propet ag Kayak oɗe aon yaappig amubia. Kayak naippa, nai amunu daatte am inam.

Aposel 7:42

Ag anam heeg, Kayak Nug heqo matta, ‘Ag eheɗ hekkulagnu oolag dayeb amu uuadpput heig!’ awa aum, amu ag aam, kalam, hoɗoppai ele noolagppa dup nona binalag menana, propet naippa, nai daatte bia heppig. Nai amuam inam. ‘O Israel danab ah, ag atu taɗakppa maɗ 40 oinna, ag ⌊oolag genab meɗan, da ool hette bia⌋ ofa iɗu iɗu meɗappigte. Iitta!

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!