Aposel 13:36 - Nobonob Baibel

³⁶ Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Aposel 13:36 ပူးပေါင်းရင်းမြစ်များ

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

2 Samuel 7:12

Anam, amu haen na nahip mauhak haen doob mauhppe, da heppi, na buɗunadppanunab laa nug na abenam aweb, laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku.

1 King 2:10

Dawit nug nai amu oh mattia mala dayaya, dimppa nug mauhe, ag nug gaɗa Dawitnu Aab, appa boumppig.

1 Stori 11:2

Amu anukka, haen Saul nug king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe, nahip Kayak, Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

1 Stori 17:11

Anam, amu haen na nahip mauhak haen doob mauhppe, da heppi, na buɗun laa na abenamppa ta, king daakku. Nug am na bekkatnab laa. Nug king abenabppa ta dayebeb, laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku.

1 Stori 18:14

Dawit nug Israel danab ah oh gumattom. Nug gumattatta, nug nai doya mala hettoɗia epeɗia elele mettak kobol, kobol tutukkuppa ele ag gumattom.

1 Stori 29:28

Nug anam king daye ukke mauhom amu, nug kainonab dayaya mauhom. Nug haen elab bau daya oiyaya mauhom. Nug en okkai ele, binag ele okkai ele. Nug mauhkkun heehe, nug bekka Solomon nug ou daya, king abennabppa ta dayom.

2 Stori 12:16

Dimppa Rehoboam nug mauhe amu, ag Dawitnu Aab, appa nug mamekkud aɗi boumadppigppa boumppig. Rehoboam mauhe, nug bekka Abaiya nug mameg abenabppa king ba dayom.

2 Stori 21:1

Amu Jehosapat nug mauhe, ag nug Dawitnu Aab, appa nug mamekkud aɗi boumadppigppa boumppig. Nug mauhe amu, nug bekka Jehoram, nug mameg abenabppa king ba dayom.

2 Stori 26:23

Amu Usia nug mauhe, danab ah ag, “Nug gaɗa oɗe nau ele,” appig amunu, ag nug king boumppigppa ii boumppig. Iitta. Ag boumak aben laa, king dilag boumak aben guguittak, aben amuam king dilag wan amu, ag aguppa Usia boumppig. Ag nug boumeg, nug bekka Jotam nug mameg abenabppa king ba dayom.

2 Stori 9:31

Dayaya nug mauhe amu, ag nug Dawitnu Aab, ag appa boumppig. Dawit nug Solomon mameg. Solomon mauhe amu, nug bekka Rehoboam nug abenabppa king ba dayom.

Job 17:14

da moɗnu, ‘Na da mamel,’ akkulnu aakkuib dabmettem dayeb, da mauhen, moɗppa niippi, gawat da beɗul heppeg nauhkkun daaglag, da gawat amunu, ‘Ag am da anil, appinalad ele,’ akkulnu aakkuib dabmettem dayeb amu,

Job 21:26

Danab ena daya mauhtte, danab uugib doya mauhtte, aa oh mauhya, gappudppa niittep. Ao, gawat danab amu oh gaɗalahppa tena daatteb.

Sam 49:14

Danab ah amu amu, ahilag gumak danab Mauhak, nug omalattebeb, ag sipsip mauhtteb bia mauhna, moɗppa gokkulag. Butti aɗi, Kayak Nug genab tutukku hak danab ah ehanattak haenppa amu, haen amuppa genab tutukku hak danab ah ag gumadkkulag. Danab ah amu ag mauhppeg, beɗulag moɗppa beɗakku. Ag laulkad ena ena amuppa ii daamna. Moɗ ahilkad amu, ag laulkad guguittak ii daamna.

Sam 49:9

Auntai laa layag ehanitteb, nug bau hanhan daakkunu elele iitta. Auntai laa layag ehanitteb, nug moɗppa ii nokkunu laa iitta.

Matyu 25:16

Nug ukke, laa nug talent tanig ele awom amu, nug pahanab awa ukka, men doɗoppa uɗat haaha, talent tanig ele baula awom.

Jon 11:39

Amu Jesus Nug amelagppa aum. “Ag men oɗe amu matuleg!” awa aum. Nug anam aum amge Marta nug aum. “Naɗi, nug deɗ waɗele moɗppa niiom amunu uɗig otte,” awa aum.

Aposel 13:22

Saul nug king dayom, amge Kayak Nug nug geɗittowa, Dawit Israel dilag king daakkunu tituanowa me, nug Dawitnu inam aum. ‘Da Jesi bekka Dawit anidmi; da aɗi dabmak aottem amu, nug ele amuib aokkunu hette, amu nug am geha dahil nai oh dim lamidkku,’ awa aum.

Aposel 2:29

Nug anam ana, nug nai tuɗitta aum. “O lailad, Dawit nug nai amu mattiom amu, nug nuhignu ⌊aakkuib⌋ dabmaama ii mattiom. Ig amu genabnab daatte attem doognig am, Dawit nug mauhe boumeg; nuhig boumak aben ig oonigppa gemu iikku daatte.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

1 Korint 15:18

Anam daalo amu, danab ag Kristusnu daan mauhppig ele amu, ag ele padal meppig.

1 Korint 15:6

Amu dimppa nug nuhikkud dim lamittak danab 500 laa ele gumatta ukke anidppig. Gemu amu ag oolagppan kuɗum bau daatteb, amge laippu laippu mauhppig.

1 Tesalonaika 4:13

O ig lainkad, ag danab ah mauhppig, ag amu dilagnu amu ootot daaglagnu, ag danab laa ag Kayaknu oolagppa genab ii dootteb ele, ag eɗua hibaittaknu deɗ ameg ii metteb ele, ag mauhaknu gaatteb, amubia gaaglagnu ele amu, ig oonig ii daatte.