Aposel 13:25 - Nobonob Baibel

²⁵ Layattak Jon nug nai mattia, uɗat malakkunu miag dayaya, nug Juda danab amelagppa aum. ‘Ag dahilnu, “Nug am Kristus,” dabmettebte? Anam iitta. Da am Nug iitta. Amge laa Nug da dimulppa uɗitte amu, Nug am danab okkainab, da am okkai iitta; dahil hak am nuhig bia iitta, dahil am elele iittanab iitta,’ awa aum.

Aposel 13:25 ပူးပေါင်းရင်းမြစ်များ

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Mak 1:7

Anam dayaya amu, nug danab amelagppa aum. “Laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta; dahil am elele iittanab iitta.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 1:34

Da Jesusnu amu beum anidmi, amu da nuhignu da iikku attem, Nug am Kayak Bekka.” Jon anam aum.

Jon 1:36

Ag anam daanna, Jon nug Jesus eɗitta ugekke antta, nug aum. “Antteɗ! Umu am Kayaknu Sipsip Nag,” awa aum.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 7:18

Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Aposel 19:4

Anam aeg amu Pol nug aum. “Anukka Jon nug danab ah layattatta, nug inam amelagppa aum. ‘Kayak Nug ahilag hipunin uhuqa madakkunu amu ag oolag eɗueb, ag layattak aweg!’ awa aum. Nug ele, ‘Danab nug da dimulppa uɗitte, ag nuhignu oolagppa genab doyeg!’ awa aum. Danab amu nug Jesus,” awa aum.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,

Revelesen 11:7

Aria, haen aa Kayak nai mehuqya malapeɗ amu doɗ dakkuɗ, nug moɗ oɗe noa ukka batak iitta eleppanu bette ele amu, nug beeb, aa ele ban hekkulag. Ag ban henana, nug eɗata, aqateb mauhkkulah.