Aposel 13:21 - Nobonob Baibel

²¹ Samuel dayeye, nuhig haenppa Israel ag king aoglagnu aeg, Kayak nug Kis bekka Saul awa me, ahilag king maɗ 40 dayom. Nug am Israel dilag huu okkai Benyaminnu danab.

Aposel 13:21 ပူးပေါင်းရင်းမြစ်များ

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 Samuel 11:15

Samuel nug anam aum amunu, Israel oh ag ahan Gilgal gona, appa ag oh Saul nug king daakkunu Yawe noobppa nai qagappig. Appa ag laippu dayaknu ofa manan, Yawe mettona, ag oo gamag ahaknu qagmak okkainab heppig.

1 Samuel 15:1

Amu Samuel nug Saul amegppa aum. “Yawe he, da na Israel, ag am Yawenu danab ah amu, da na ahilag king daakkutnu goɗen gokkaɗakppa tituanidmi amunu, na Yawenu nai doye!

1 Samuel 8:5

Ag gona appig. “Na am kaino meme. Na begapaɗ amu, aa nahip hak ena ii dim lamidttep amunu, ig wan laappan danab king ele bia, ig king ele daagnignu na danab laa, nug ihinig king dayaya, ig gumigkkunu tituane!” aon appig.

1 Samuel 9:1

Amu Israel danab laa onig Kis, nug haen amuppa dayom. Nug am Benyamin buɗub. Nug danab onig ele, amu nug am Abiel bekka. Abiel am Seror bekka. Seror am Bekorat bekka. Bekorat am Apia bekka, amu Apia nug am Benyamin buɗub laa.

1 Samuel 9:15

Amge Saul aab amuppa uɗiom, deɗ amuppa iitta, deɗ amu dimugppa tumai, Yawe nug Samuel amegppa nai laa imu mattiom.