Aposel 13:2 - Nobonob Baibel

² Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 13:2 ပူးပေါင်းရင်းမြစ်များ

1 Stori 16:4

Amu dimppa Dawit nug Lewi buɗub laa ag Tituanak Nainu Kunup noobppa daanna, ag Yawenu ɗo maɗoɗnu uɗat hekkulagnu, ag Yawe unuqidkkulagnu, ag Nug amegppa, “Ena heme,” akkulagnu, ag Yawe, Israel dilag Kayak, ag Nug binag ele mekkulagnu tituanattom.

Daniel 9:3

Da amu doomi amunu, da Naɗi Kayak dabmein, da ee ohnu kud mein dayeye, da lamen heɗiag ele takken, da uhuɗppa dayeye, da Naɗi Kayak oo doyak ele unuqidmi.

Matyu 17:21

((Amge ib laappa laa nug ouɗi nau imubia ii lamidma. Iitta. Unuqittak, amu ee ohnu kud ma dayaknu ele amuppaib,” awa aum.))

Matyu 6:16

Amu haen ag ee ohnu kud men daatteb amu, ag iɗulag aib tiguguɗom. Hambuppuak danab ag ee ohnu kud men daatteb, haen amuppa danab laa oh ag anam hetteb anidkkulagnu, ag heeg, iɗulag tiguguɗtte. Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Matyu 9:38

amunu, ag dad Mameg, Nug uɗat nid maatteb, ag gona ee nuhig qagmekkulagnu unuqitteg!” awa aum.

Luk 10:1

Amu dimppa Naɗi Nug danab 72 laa, ag aɗit aɗit anuqna, aab okkai nakok ele ohppa, Nug gokkunu dabmeum ele, amuppa goppeg, dimppa Nug nukka ele amuppa dim lamatta gokkunu otiattom.

Luk 2:37

Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Aposel 10:19

Aon oɗ meegeg, amu Pita nug keeke anttom, amunu dabmeeme, Kayak Ouɗi amegppa aum. “Doye! Danab ewam ag na mattidtteb

Aposel 10:30

Awa a aria Kornilius aha, nug keeke nuhigppa be anttom amunu mattia inam aum. “Keeke anidmi amu gemu deɗ waɗele iikku ukkom am inam. Da laulppa dayeye, da tueb, aam ameg ewamppa haen gemu inam iikku bia aakku da unuqittitti, danab laa, nuhig lamen am amahlaknab ele, nug da noolppa hibaitta

Aposel 13:3

Aria, ag tuɗidna ee ohnu kud mena daan unuqittona, ag eppelag qaɗelahppa mena heeg, aa ahai gopiɗ.

Aposel 13:4

Kayak Ouɗi Nug he, aa ahai goya, Selusia noya, Selusia appa aa uub laa anidya teya, Saiprus nudppa gopiɗ.

Aposel 14:26

Aa Atelia noya, uub laa anidya teeh, uub amu aa diiata Sirianu Antiok ukkom. Aab amuppa anukka Kristen tamaniak danab ag Kayaknu ehanittak okkai hamu megatte ahilahppa dayebeb, aa nuhig uɗat hekkulahnu Kayak eppegppa maatppig. Aa uɗat amu heyaya, gemu aa eɗui appa uɗipiɗ.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Aposel 22:21

Da anam ami amge Naɗi Nug da amelppa aum. ‘Na ukke! Da na meidppi, na atu uma, iitta aɗi, amu gumadna gokkut,’ awa aum.” Pol nug anam aum.

Aposel 4:36

Ag anam heegeg, danab laa appa dayom, nug onig Josep, nug am Lewi buɗubppan mana mettak danab iitta laa, nug Saiprus ted. Nug onig Josep, amge totol danab ag nug onig Barnabas ataɗppig. Onig amu diig eɗuak amu inam; heeb oolag ɠagattag qak danab.

Aposel 6:4

Amge ig totol danab amu, ig hanhan unuqidtata, Kayak nai danab ah ippunadkkunig,” aon appig.

Aposel 8:29

Nug amu ebqaaqa ugekke, Kayak Ouɗi Nug Pilip amegppa aum. “Na karis umu gukkuidna ukke!” awa aum.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Rom 10:15

Amu laa ag mehuqak danab laa ii otialadna maadppeg gokkulag amu, ag attem hena, nai mehuqkkulag? Kayak naippa, nai daatte bia. “Danab laa nug uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb,” awa atte.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

1 Korint 12:11

Kayak Ouɗi laippu amu, Nugib nuhig ɗo hamu mettak amu oh he bette. Nug dabmette bia danab anen anen aɗi hekkulagnu ehah amu madatte.

1 Korint 7:5

Ag ewau matulak aoppig ele amu, ewau laa ooppa laa nug aib laa guhuɗitta, wagai ma nug beɗu hagakka awom. Amge aa Kayak unuqidkkulahnu heya, oolah laippu meya, haen tutu tituankkulah dayeb, haen amuppa aa nug ii aomya, amuam elele. Amge haen tutu amu maleb, aya aa ahilah oiyak pehettak atognoak kobol dim lamidkkulahnu elele iitta daamyanu, amuppa Satan aa gappai kobol hekkulahnu eeɗatmanu, aa eɗui, nug aoglah.

2 Korint 11:27

Da uɗat digdig huanak hemi. Haen kuɗum da tuqan uɗat heinne, niiak laa ii niimi. Da enug iwewe, le baal ele diiom. Haen kuɗum da ee elele iitta daami, amu ulah iwe, lamennu tutu daami.

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Epesus 3:7

Kayak Nug nuhig ɠagattagppa nuhig ehanittak okkai hamu mettak meɗa, da Nai Ena imu mehuqkkulnu nuhig maɗi nid meiɗom daattem.

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Kolosi 4:17

Aria ag Arkipus amegppa, “Na uɗat Naɗi eppegppanu aome amu, na uɗat amu heppe gogppa taɗ!” aon appeg doyaɗ!

1 Timoti 2:7

Diig amunu amu, Kayak Nug da nai mehuqak danab, totol danab ele meiɗom. Da nai yaattem imuam genabib yaattem, da ham-ii-bubuttem. Nug da iitta aɗi dilag, ag ele Jesusnu oolagppa genab dooglagnu, ippunittak danab meiɗom.

2 Timoti 1:11

Nai Enanu amu, Nug da amunu nai mehuqak danab, totol danab, amu ippunittak danab ele daakkulnu meiɗom.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

2 Timoti 4:11

Luk nukkaib da ele daattep. Mak nug da uɗat hettemppa ehaniɗkkunu elele amunu, haen na uɗikkut amu, na nug aoppe, aa oh uɗieɗ!

2 Timoti 4:5

Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

Hibru 5:4

Aria, mana mettak ikki danab, amu dayaknu am binag ele, amu danab laa nug nukka nug nuhig dabmakppa nug binag amu awa, anam daakkunu ii hema. Iitta! Kayak Nug tatam, anukka Aron uɗat amu hekkunu onigppa eum amubia, Nug danab uɗat amu maokkunu, danab amu onigppa ekkuoitte.

1 Samuel 2:11

Hana nug anam unuqitta male, Elkana, Hana ele aa eɗuya, Rama gopiɗ, amge nid danab Samuel, nug Silo dayaya, mana mettak danab Eli waappa Yawe noobppa Yawenu ɗo maɗoɗnu uɗat heum.