Aposel 13:16 - Nobonob Baibel

¹⁶ Aon aeg, aria Pol nug aha, eppeg huma, nug aum. “Ag Israel danab, amu ag iitta aɗi danab ag Kayaknu ebehilkad oh bodoetta le mette amu, ag ele oh doyeg!

Aposel 13:16 ပူးပေါင်းရင်းမြစ်များ

1 King 8:40

Aɗi diignu da na anam hekkutnu oɗ medattem am, nahipad danab ah ig, ig wan na ig mamenkad aɗi mattame ele, ig amuppa bau daatta, ig haen amu ohppa nahipnu ebehinig oh bodoetta le meebeb, ig nahip ɗo, nahip hak ele dim lamidta oignig.

Sam 135:20

O Lewi buɗub, ag Yawe binag meig! Ge, ag laa oh ag Yawenu ebehilag oh bodoetta le mette, ag Nug binag meig!

Sam 67:7

Kayak Nug itittak ena ig mekkom ⌊amunu,⌋ wanppan danab ah oh ag nuhignu ebehilag oh bodoetteb le mekkunu ool daatte!

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

Matyu 11:15

Danab nug daug ele dayeb, nug doyaɗ!” awa aum.

Luk 1:22

Dimppa nug dimittim doa, nug oɗeppa ag amelagppa nai akkunu elele iitta dayom. Anam amu ag dooppig, nug Kayaknu mettid lag ooppa tulegleg laa anttom. Aɗinu? Nug eppegppaib nai mattiak bia heum; nug oɗeppa nai laa madikkunu elele iitta.

Luk 1:50

Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Luk 23:40

Am laa nug anam aum, amge laa nug laa aum amu doya, daug bata, amegppa aum. “Na anam aib ame! Na Kayak iite baɗidna, danab umu mauhkkunu daatte bia mauhkkutnu daanna kobol nau nahip amu tuɗidna hekkutnu hettem?

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Aposel 12:17

Ottaina dabmak kuɗum aoeg, nug eppegppaib toettaglagnu awowa, Naɗi attem he nug maniguittak ooppanu dimittim doumnu amelagppa mattiom. Nug amunu mattia mala, nug, “Ag Jems amu ig lainkad laala ele imunu appeg doyeg!” awa aum. Anam awowa, nug laih ukkom.

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Aposel 13:46

Ag anam heppig amge Pol, Barnabas ele aa amunu ii baɗapiɗ. Iitta! Aa nai baɗak iitta ele mattiya amelagppa apiɗ. “Imu genab, i Kayak nai tatam ag amelagppa apuɗ dooglagnunab dayom, amge ag nai bauklel hanhannu imu doon dim lamidkkulagnu uunna, ag akka ag bauklel hanhannu amu aoglagnu elele ii dootteb heeg miag atiak bette amunu, ag imu doyeg! Gemu i ag uuadɗa, iitta aɗi gumadɗa gokkunih.

Aposel 19:33

Ag anam heegeg, Juda daappig ele ag ⌊aab amuppan danab ag ahilagppa nai yaamnanu baɗan, ag⌋ ahan, Aleksander duttuneg noolagppa no, danab laa appa daappig ele ag nug nai madikkunu heeg, Aleksander nug eppeg huma, danab ah amelagppa nai ab dooglagnu digma akkunu heum.

Aposel 2:14

Ag anam aon aeg amu, Pita aha hibaitte, totol danab 11 amu ele ahaeg, nug huana ewa, danab ah ag tutukku doona maidkkulagnu inam aum. “Juda danab ag, amu danab ag gemu Jerusalem ippa ina daatteb ele, ag oh da nai madippippi, ag daulag human dabmebeppeg, da keeke imunu diig mehuqppi doyeg!

Aposel 2:22

Amu Israel danab ag nai imu doyeg! Da ag amelagppa Jesus, Nasaret ted, nuhignu appi dooglag. Ag akka aakku dootteb, Kayak Nug ehanitte, Nug ag oolagppa kobol danab haknu elele iitta, uɗat ɠagattagnab, Kayak dabmettaknu kobol danab haknu elele iitta digdig heum. Kayak he, Jesus anam heum, amuam Kayak Nug Jesus me neum ippunadtte.

Aposel 21:40

Awa a amu ban daup dilag ikki anuqak nug ena awa a, aria Pol nug aha, adqaɗppa hibaitta, danab ah kuɗum amu nug nai laa madikkunu eppegppa ippunatta he, ag oh toettan, oɗelag qamuteg, amu Pol nug Hibru naippa ag amelagppa nai mattia, inam aum.

Aposel 22:22

Pol nug nai amu mattie, Juda danab ag Pol nai mattiom amu doyeg ukke ukke, nug iitta aɗi gumatta gokkunu aum, haen amuppa ag ahan, huana qattiɗna, baalag okkaippa eppig. “Qeppeg mauhaɗ! Danab anam amu nug wanppa bau daakkunu elele iitta,” aon eppig.

Aposel 3:12

Ag anam heeg, Pita nug anatta, nug amelagppa inam aum. “Israel danab, ag aɗinu keeke imunu dabmak kuɗum aotteb? Amu diig aɗinu ag i iya, ihinih ɠagattagppa, o iitta i iya ihinih ena hakppa i heuɗ, danab imu nug aha tappa oitte dabmak aona, ag amelag behabe, i neekkit-tteb? Anam iittanab, iitta.

Revelesen 2:11

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, mauhak ebqak 2 am nug guittak nakok laa ii mettama. Iittanab,” awa aum.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.